BOSALA MOSALA YA NZAMBE NA BOLOKO TE!

Tika kombo ya Nkolo Yesu Klisto ezala na lokumu! Tózwaka mwa ntango lelo mpo na kotánga Liloba ya Nzambe.

Satana azali kosalela ntango nyonso kobangisa mpo na kotɛká mosala ya Nzambe. Alingi tózala na kobanga, mpo tózanga makasi ya kosala oyo Nzambe abengi biso.

Na mikolo ya kala, tango bana ya Isalaele babimaki na bowumbu ya Babilone sima ya mbula 70, Nzambe apesaki bango mitindo ya kotonga lisusu Tempelo na Ye. Na ebandeli, babandaki kosala yango. Kasi banguna na bango, tango bamonaki mosala ezali kokende liboso, batindaki mokanda ya lokuta epai ya mokonzi Artakisesi. Balobaki ete Isalaele bazali kotonga engumba ya botomboki.

Mokonzi apesaki mobeko ete mosala ekanga. Bongo bana ya Isalaele, na kobanga bato koleka mitindo ya Nzambe, batikaki mosala.

Ezara 4:12, 23-24 (MNB):

“Bato oyo bazali kotonga engumba ya botomboki mpe ya mabe… Tango kopi ya mokanda ya mokonzi Artakisesi etángamaki liboso ya Rehumu mpe ya Shimishai, monganga-mbeka, bongo bango na baninga na bango bakendeki noki na Yerusaleme epai ya Bayuda mpe batɛkaki bango na nguya mpe mosala ya kotonga ekangamaki. Bongo mosala ya Tempelo ya Nzambe na Yerusaleme ekangamaki, mpe ekangamaki kino na mbula ya mibale ya bokonzi ya Dariusi.”

Mosala ekangaki mpo na kobanga. Kasi Nzambe atindaki basakoli Agei mpe Zakaria mpo na kolendisa bato bátika kobanga mpe bátonga lisusu.

Ezara 5:1-2 (MNB):

“Na tango wana Agei mosakoli mpe Zakaria mwana ya Ido basakolaki epai ya Bayuda oyo bazalaki na Yuda mpe na Yerusaleme, na kombo ya Nzambe ya Isalaele oyo azalaki na bango. Bongo Zorobabeli mwana ya Shealieli mpe Yozue mwana ya Yosadaki balamukaki mpe babandaki kotonga Tempelo ya Nzambe na Yerusaleme; mpe basakoli ya Nzambe bazalaki elongo na bango mpo na kolendisa bango.”

Tango bato batosaki, mosala ebandaki lisusu. Banguna batindaki lisusu rapɔrtɛ epai ya mokonzi, kasi Nzambe abongolaki motema ya mokonzi mpo alendisa bango. Na esika ya kotɛká bango, mokonzi apesaki mpe lisungi mpo na kotonga. Bongo Tempelo esilaki na kimya, mpe Nzambe apambolaki bango mpo na kotosa na bango.

Liloba elobi: Misale 21:1 (MNB):

“Motema ya mokonzi ezali lokola ebale na loboko ya Nkolo; azongisaka yango epai oyo alingi.”

Bongo na biso lelo, tóyeba ete mosala ya Nzambe esengaka kondima mpe makasi. Kobanga bato te, kobanga mibeko te, kasi kotosa Nzambe.

Yesu alobi:

Matai 28:19-20 (MNB):

“Bokende, bokoma bayekoli na bikólo nyonso, bobatisa bango na kombo ya Tata mpe ya Mwana mpe ya Molimo Mosantu, boyekola bango bátosa nyonso oyo napesaki bino mitindo; mpe tala, ngai nazali elongo na bino tango nyonso, kino na suka ya mokili.”

Na Misala ya Bantoma, baboyi kosakola Sango Malamu, bakangamaki, kasi anzelu ya Nkolo abimisaki bango mpe alobaki: “Bókende, bokoba kosakola.” Bantoma balobaki polele ete: “Esengeli kotosa Nzambe koleka bato.” (Misala 5:29, MNB).

Liloba elobi: Baroma 8:31 (MNB):

“Soki Nzambe azali elongo na biso, nani akoki kotɛka biso?”

Yango wana, ndeko na ngai, lamuka, kosakola Sango Malamu. Kobanga bato te, kobanga mikakatano te. Yesu azali elongo na yo, mpe eloko moko te ekoki kotɛká mosala na Ye.

Soki oyambaki naino Yesu te, zongisa motema lelo. Bwaka masumu na yo mpe pesa bomoi na yo epai ya Yesu.

Misala 2:38 (MNB):