KOBEBISA TE BIZALELI NA YO TE NA NZELA YA MASOLO NA YO

by Rose Makero | 10 October 2023 08:46 pm10

Biblia eteyaka biso ete masolo mabe nde ebebisaka bizaleli malamu ya moto.

1 Bakorinti 15:33
“Bómikosa te; masolo mabe ebebisaka bizaleli malamu.”

Bobongisi ya masumu mingi ebandaka na “masolo”. Bato oyo babongisaka koboma, babandaka na masolo. Bato oyo babongisaka koyiba, babandaka na masolo. Ndenge moko mpe, bato oyo babongisaka kosala pite to kindumba, babandaka na masolo.

Yango wana, lokola moto ya Nzambe, sala bokebi mingi na lolenge ya masolo na yo, mpe mpe na moto oyo ozali kosolola na ye.

Yozefe ayebaki sekele ya masolo, mpe yango esalisaki ye alonga lisumu ya pite. Pamba te, makomi elobi ete Yozefe andimaki te kolala na mwasi ya Potifa mpe kutu andimaki te kosolola na ye!

Ebandeli 39:7-10
[7] Nsima ya makambo wana, mwasi ya nkolo na ye akómaki kolinga Yozefe, mpe alobaki na ye: Lala na ngai.
[8] Kasi aboyaki, mpe alobaki na mwasi ya nkolo na ye: Tala, nkolo na ngai ayebi te eloko nyonso oyo ezali na ndako, mpe nyonso azali na yango atiki yango na maboko na ngai.
[9] Moto moko te azali monene koleka ngai na ndako oyo, mpe aboyi ngai eloko moko te kaka yo, mpo ozali mwasi na ye. Ndenge nini nakoki kosala mabe monene boye mpe kosala lisumu liboso ya Nzambe?
[10] Atako azalaki koloba na ye mikolo nyonso, Yozefe andimaki te kolala na ye, mpe mpe KOSOLOLA NA YE TE.

Bato mingi tosukaka kaka na likambo ete Yozefe aboyaki kolala na ye, kasi Biblia elakisi biso ete aboyaki mpe kosolola na ye.

Oyo ezali motambo oyo Satana azali kosalela bato mingi na mikolo ya suka. Okoki kokuta moto azali komikumisa ete akokweya te, kasi azali moto ya masolo mingi na bato ya sexe mosusu. Azali moto ya maseki, masapo mpe maloba mingi. Akoki kofanda kimia te soki azali kosolola te to kochater na moto mosusu.

Na ndenge wana, ezali mpasi kolonga lisumu ya pite to lisumu mosusu nyonso. Pamba te Biblia esilaki koloba ete: masolo mabe ebebisaka bizaleli malamu (1 Bakorinti 15:33). Esengeli lisusu ndimbola mingi te.

Ya solo, okobebisa bizaleli na yo soki ozali moto ya masolo ya pamba pamba, mingi mingi na bato oyo bayebi Nzambe te mpe na bato ya sexe mosusu.

Batelá monoko na yo soki olingi kobatela bizaleli na yo.

Maranatha

Svp kabola nsango oyo na bato mosusu.

Mpo na mabondeli / toli / mituna (WhatsApp):
Okoki kokomela biso na esika ya ba commentaires to kobenga na ba numéro oyo:
+255789001312 / +255693036618

Source URL: https://wingulamashahidi.org/ln/2023/10/10/kobebisa-te-bizaleli-na-yo-te-na-nzela-ya-masolo-na-yo/

---