{"id":66657,"date":"2020-10-31T22:09:38","date_gmt":"2020-10-31T19:09:38","guid":{"rendered":"https:\/\/wingulamashahidi.org\/?p=66657"},"modified":"2026-01-21T19:21:42","modified_gmt":"2026-01-21T16:21:42","slug":"ndenge-ya-kokima-koyoka-mpasi-na-motema-na-ntango-ezangi-ntina","status":"publish","type":"post","link":"https:\/\/wingulamashahidi.org\/ln\/2020\/10\/31\/ndenge-ya-kokima-koyoka-mpasi-na-motema-na-ntango-ezangi-ntina\/","title":{"rendered":"NDENGE YA KOKIMA KOYOKA MPASI NA MOTEMA NA NTANGO EZANGI NTINA"},"content":{"rendered":"

Mosakoli (Mhubiri) 7:20-22 \u2014 Mokanda na Bom\u00f3i<\/em><\/strong>
\n20<\/strong> \u201cPamba te, moto moko te azali moyengebene penza awa na mokili, moto oyo asalaka kaka bolamu mpe asalaka lisumu te.
\n21<\/strong> Lisusu, kotia te na motema na yo maloba nyonso oyo balobaka, mpo ete okoka koyoka ata mosali na yo moko azali kofinga yo.
\n22<\/strong> Pamba te, motema na yo moko eyebi malamu ete mbala mingi mpe yo moko osil\u00e1 kofinga bato mosusu.\u201d<\/p><\/blockquote>\n

Mikanda ya Masese mpe Mosakoli<\/strong> etondi na mateya ya bomoi ya mokolo na mokolo, longola kaka makambo ya molimo. Mikanda yango nyonso ekomamaki na moto moko, Salomo<\/strong>. Yango wana, lelo tolingi kotala liteya moko oyo ekoki kosalisa biso na bomoi na biso ya mokolo na mokolo lokola bakristo.<\/p>\n

Lokola tot\u00e1ngi na v\u025brs\u025b 21 mpe 22<\/strong>, Liloba elobi: \u201ckotia te na motema na yo maloba nyonso oyo balobaka.\u201d<\/em>
\nNa bomoi awa na mokili, lokola tozali kotambola na mikolo ndenge na ndenge, ekoki kok\u00f3mela yo tango oyo bakoloba yo mabe, bakos\u025bng\u025bn\u025bla yo, ata ozali moto malamu ndenge nini to osali makambo ya malamu mingi ndenge nini. Likambo yango ekimaka te, ata soki ozali mosantu ndenge nini.<\/p>\n

Biblia eteyi biso ete, tango tokutani na makambo ya ndenge wana, tosengeli kotia te na motema makambo nyonso oyo toyoki<\/strong>, to na maloba mosusu, tozala lokola toyoki te<\/strong>, ata soki makambo yango ezali kop\u025bkisa motema mingi. Yango nyonso ezali mpo na bolamu ya motema na biso moko.<\/p>\n

Kasi mpasi eyaka tango moto ayoki kaka ete balobeli ye mabe moke, mbala moko abandaka koluka: nani alobi yango? nani ayebisi ye? mpe soki yango ekoki te, abandaka koluka lisusu: nani ayebisaki moto wana? ayokaki wapi? mpe mpo na nini basalaki bongo? Na ndenge wana, likambo ek\u00f3maka mol\u0254ng\u0254 molai oyo ezangi suka.<\/p>\n

Na v\u025brs\u025b 22<\/strong>, Liloba epesi biso likebisi ya likama ya kolanda nzela wana. Moto oyo akobanda koluka-luka mpe kotuna-tuna makambo wana, na suka akoyoka makambo oyo akanisaki ata moke te, ata epai ya bato na ye moko oyo akanaki ete bakokaki kosala bongo te. Biblia esaleli ndakisa ya mosali<\/strong>: ata mosali oyo azali kotosa yo mpe kotyola yo te, okoyoka ete alobi yo mabe.<\/p>\n

21<\/strong> \u201cLisusu, kotia te na motema na yo maloba nyonso oyo balobaka, mpo ete okoka koyoka ata mosali na yo moko azali kofinga yo.\u201d<\/p>\n

Yango wana, liboso obanda kokanisa mingi makambo ya bato, tango sango moko ekoki yo ete balobi yo mabe, kima yango<\/strong> to puol\u00e1 yango mpenza<\/strong> mpo na kobatela motema na yo. Sima, landa misala na yo ya mokolo na mokolo. Bato mingi (mingi mpenza bakristo) balukaka epai na epai mpo na koyeba nani as\u025bng\u025bn\u025blaki bango to moto nini azali koloba nini mpo na bango. Na suka, bak\u00f3maka na viny\u0254ngi epai ya bato nyonso, bak\u00f3maka na koyina ezangi ntina, bak\u00f3maka ata kobungisa kondima na bango epai ya Nzambe, mpe bak\u00f3maka kozala na bomoi ya kozongisa mabe, ya kozanga kolimbisa, mpe ya mawa. Ata mabondeli na bango ek\u00f3maka kaka ya kolakisa banguna na bango; makanisi na bango nyonso ezali kaka ya kofanda koluka ndenge ya kozongisa mabe, mpo kaka ayokaki ete moto moko at\u025bki ye to as\u025bki ye.<\/p>\n

Nzokande, moto oyo alobaki mabe mpo na ye, mbala mosusu azalaki ata na koyina te ndenge moto wana azali kokanisa. Alobaki kaka lokola moto ya bomoto oyo akokaki te kopekisa mon\u0254k\u0254 na ye. Mbala mosusu asili ata kotubela Nzambe mpe azali kosambela mpo na ye. Kasi moto oyo ayokaki sango wana, akobatela yango na motema na ye mbula na mbula, mpe akoloba: \u201cMoto wana, nalikaki koyoka ye alobi ngai bongo.\u201d<\/em><\/p>\n

Yango wana, liboso tok\u00f3mela moto moko na kanda mpo alobi biso mabe, tosengeli komituna: biso moko, totikalaki ata mbala moko te kos\u025bng\u025bn\u025bla moto mosusu na bomoi na biso?<\/strong> Pamba te v\u025brs\u025b 22<\/strong> elobi:<\/p>\n

22<\/strong> \u201cPamba te, motema na yo moko eyebi malamu ete mbala mingi mpe yo moko osil\u00e1 kofinga bato mosusu.\u201d<\/p>\n

Omoni? Elobi \u201cmbala mingi.\u201d<\/em> Mbala mosusu, ata yo moko osil\u00e1 koloba maloba oyo olingaki te koloba liboso ya moninga na yo. Kasi tango akutani na yo, ozali kobomba ye kanda te.<\/p>\n

Yango wana biso mpe tosengeli kotika<\/strong>, tozala te bato ya koluka-luka makambo nyonso oyo toyoki mpo na biso. Soki moto ayebi yo ete moto mosusu alobi yo bongo, koluka koyeba lisusu makambo mingi te. Soki te, okomona ete ok\u00f3maki koyina bato nyonso, ata mwasi na yo, ndeko na yo, to mwana na yo, kaka mpo na posa ya koyeba nyonso.<\/p>\n

Tosengeli koyeba ete kolobama mabe mpe kos\u025bng\u025bn\u025blama ezali eteni ya bomoi na biso awa na mokili<\/strong>. Yango wana, ezangi ntina ya kolanda-landa nyonso. Tik\u00e1 mosala yango epai ya Satana; biso t\u00f3zala kosala makambo ya ntina ya kondima na biso. Moto moko te akoki kozala ya kokoka na ndelo ya 100% awa na mokili. Soki toyebi yango, tokokoka kozala na bomoi ya bolingo mpe ya esengo mingi.<\/p>\n

Nkolo asalisa biso na likambo yango na mobembo na biso ya lobiko.<\/p>\n

Olongolami?<\/strong> Oyebi ete mikolo oyo ezali mikolo ya suka? Oyebi ete tokotikala na ntango molai te? Kobotolama ekoleka, mpe suka ya mokili ekok\u00f3ma. Obongisi bomoi na yo ndenge nini? Ozali naino moto ya kati-kati? Soki naino opesi Yesu bomoi na yo te, eleki malamu osala yango sik\u2019oyo. Lobiko eyaka na nzela ya kotubela masumu mpe ya kobatisama ndenge esengeli. Yeb\u00e1 ete oyo ezali mikolo ya suka mpenza<\/strong>. Nkolo azali pene ya kozonga.<\/p>\n

Maran Atha.<\/strong><\/p>\n