\u00a0<\/p>\n
Nkombo ya YESU KRISTO epambolama. Boyei malamu mpo na komanyola Liloba ya Bomoi.<\/p>\n
Ezali te nyonso mongongo oyo eyaka epai na yo mpo na kopesa yo lib\u0254ndisi ezali na mokano ya kopesa yo lib\u0254ndisi ya solo\u2026 mpe ezalaka te nyonso mongongo oyo epesaka yo elikya ezali na mokano ya kopesa yo elikya kino na suka. Tika t\u00f3tala mpe t\u00f3luka koyekola epai ya Nkolo na biso YESU KRISTO ndenge azalaki kososola mpe kopona milimo.<\/p>\n
Matai 16:21-23<\/strong> Petelo azwaki ye pembeni mpe abandaki kokanga ye motema, alobaki: Nkolo, te! Makambo oyo ekok\u00f3mela yo te!<\/p>\n Kasi Yesu abalukaki mpe alobaki na Petelo: LONGWA NA SIMA NA NGAI, SATANA! ozali libaku ya kokweyisa ngai; mpamba te ozali kokanisa makambo ya NZAMBE te, kasi ya bato.<\/strong><\/p>\n T\u00f3tala maloba oyo: \u201cmpamba te ozali kokanisa makambo ya NZAMBE te, kasi ya bato.\u201d<\/strong> Elingi koloba ete makanisi ya Satana ezali kaka ya bademo te, kasi mingi mingi ezali ya bato! Yango elingi koloba ete Satana atalaka nini bato balingaka, nini bazali koluka mpe kolinga, mpe asalelaka yango mpo na kokweyisa bango banda na ebandeli.<\/p>\n Awa, ayebi ete moto alingaka lib\u0254ndisi mpe kolendisama<\/strong>. Yango wana ayaki na lolenge wana epai ya YESU, koluka kolendisa ye ete \u201cakoyoka pasi te, akokende na ekulusu te.\u201d Pamba te ayebi ete wana nde makanisi ya bato: koluka kaka lib\u0254ndisi mpe kolendisama.<\/p>\n Kasi mpo ete YESU KRISTO azali LIBANGA YA MAKASI<\/strong>, ayebaka makanisi ya moto nyonso liboso ete aloba. Na mbala moko amonaki Satana kati na Petelo mpe akangaki ye.<\/p>\n Ezali kaka ndenge wana Satana azali kosala kino lelo. Abongwani te. Azali kotala makanisi ya bato\u2014nini balingi, nini basepelaka na yango. Ayebi ete bato balingaka kolendisama, balingaka te kokebisama to koboyama.<\/p>\n Yango wana, mpo na kokweyisa moto na solo na mikolo ezali koya, abandaka liboso na kolendisa ye sikoyo. Amonisaka lokola azali kopesa lib\u0254ndisi, kasi na nsuka alingaka kobuka motema ya moto mpo ete akoka lisusu kotelema te. Yango nde alingaki kosala epai ya YESU, kasi alongaki te.<\/p>\n Biblia elobi tosengeli kobika (kobongwana)<\/strong>, kasi Satana akoloba: \u201cnaino te, kende liboso oluka bomoi.\u201d<\/p>\n<\/blockquote>\n Biblia elobi tosengeli kobondela<\/strong>, kasi Satana akoloba: \u201cozali mosala mingi, ozali kol\u025bmba.\u201d<\/p>\n<\/blockquote>\n Biblia elobi tosengeli kokende na losambo ntango nyonso (Baebre 10:25)<\/strong>, kasi Satana akoloba: \u201cmisala ezali mingi, Nzambe akososola.\u201d<\/p>\n<\/blockquote>\n Biblia elobi tosengeli kosalela Nzambe (Yoane 9:4)<\/strong>, kasi Satana akoloba: \u201cnaino te, bato mosusu bazali kobondela mpo na yo.\u201d<\/p>\n<\/blockquote>\n Biblia elobi tosengeli komiboya mpe komema ekulusu<\/strong>, kasi Satana akoloba: \u201ckobanga te, mokolo moko okosala yango, kasi sikoyo tika kaka ndenge ozali.\u201d<\/p>\n<\/blockquote>\n Biblia elobi: kosala pite te, pamba te ekomemaka liwa<\/strong>, kasi Satana akoloba: \u201cokokufa te, bato mingi basalaka mpe bazali kaka na bomoi.\u201d<\/p>\n<\/blockquote>\n Nyonso wana ezali makanisi ya Satana, oyo ezali ya bato! Yango wana tosengeli kozala na bokebi mingi. Ezali te nyonso mongongo to likanisi oyo eyaka na lib\u0254ndisi mpe elikya ezali ya NZAMBE.<\/p>\n Tal\u00e1 mpe pesa motuya: likanisi wana eyokani na Liloba ya NZAMBE? Soki eyokani te, ata soki eyaka na lolenge ya kitoko ndenge nini, koyoka yango te!<\/p>\n Kasi loba: Nkolo asunga biso.<\/p>\n \u00a0<\/p>\n\n\n\n\n
Kobanda na tango wana, Yesu abandaki kolakisa bayekoli na ye ete esengeli akende na Yerusaleme, ayoka pasi mingi epai ya bankulutu, bakonzi ya banganga-nzambe mpe bakomeli, baboma ye, mpe na mokolo ya misato asekwisama.<\/p>\n\n
\n
\n
\n
\n
\n
\u201cLONGWA NA SIMA NA NGAI, SATANA! Pamba te ozali kokanisa makambo ya NZAMBE te, kasi ya bato.\u201d<\/strong><\/p>\n