Tika ete kombo ya Nkolo na biso Yesu Kristo epambolama. Boyei malamu t\u00f3t\u00e1nga Biblia elongo. Lelo tokoyekola na mokuse ntina ya kobondela mpo na mboka tozali kofanda, bisika ya mosala tozali kosala, bandako tozali kofanda, mpe bituka tozali kofanda\u2014ata soki epesaka biso pasi mpe minyoko ndenge nini. Lokola tozali kofanda kuna, esengeli tobondela mpo na yango.<\/p>\n
T\u00f3zwi liteya na bana ya Isalaele ntango basilikisaki Nzambe mingi mpo na masumu na bango. Nzambe apesaki bango etumbu, alongolaki bango na mboka na bango mpe amemaki bango na boombo na Babilone. Tango bak\u00f3maki na Babilone na minyololo na maboko mpe na makolo, Nzambe alobaki na mosakoli Yeremia\u2014oyo atikalaki na Isalaele\u2014akoma mokanda epai ya bana ya Isalaele nyonso oyo bazalaki na boombo na Babilone, ete baluka bolamu ya mboka oyo bak\u00f3maki.<\/p>\n
\nYeremia 29:4\u20137<\/strong>
\u201cTala oyo Nkolo ya mampinga, Nzambe ya Isalaele, alobi na bato nyonso oyo bamemamaki na boombo, oyo namemaki longwa Yerusaleme kino Babilone:
Botonga bandako mpe bofanda kati na yango; bolona bilanga mpe b\u00f3lya mbuma na yango.
Bobala mpe bobota bana mibali mpe basi; bobala bana na bino mibali mpe bopesa bana na bino basi na mibali, mpo babota bana mibali mpe basi; bok\u00f3ma mingi kuna mpe bokita te.
Boluka kimia ya engumba oyo namemaki bino na boombo, mpe bobondela Nkolo mpo na yango; mpo na kimia na yango bino mpe bokozwa kimia.\u201d<\/p>\n<\/blockquote>\nBomoni? Ezalaki engumba ya pasi, ya minyoko, ya mopaya. Engumba ya bapakano mpe ya basambeli ya bikeko\u2014engumba oyo ebebisaki engumba na bango mpe ebomaki bandeko na bango. Kasi Nkolo alobaki ete babondela mpo na kimia ya engumba wana, balakela yango mabe te.<\/p>\n
MPO NA NINI?<\/h2>\n
Pamba te soki engumba wana ezali na kimia, bango mpe bakozala na kimia. Kasi soki engumba ek\u00f3mi na mobulu, bango mpe bakozwa pasi. Liteya oyo ezali monene mpo na bomoi na biso lelo\u2014ezali na ntina mingi kobondela mpo na esika tozali kofanda. Ata soki ezali mboka na yo te, lokola ozali kofanda kuna, esengeli obondela mpo na yango. Soki pasi ek\u00f3mi, ata soki ozali kobanga Nzambe mingi, ekosimba yo mpe.<\/p>\n
Kanisa soki etumba ebandi mbala moko na mboka ozali kofanda\u2014bomba ezali kobeta, banzela ebebi, mayi mpe courant ebebi. Okanisi ete ekosimba yo te? Ekosimba yo kaka. Ozali na bosenga ya banzela, courant, mayi, mpe bana na yo basengeli kokende kelasi\u2014kasi bakoki lisusu te mpo engumba ezali na mobulu.<\/p>\n
Yango wana ezali na ntina kobondela mpo na esika tozali kofanda.<\/p>\n
Ndenge moko, soki ozali kofanda na ndako oyo ezali ya yo te\u2014ozali mopaya to mofandi ya kofuta ndako\u2014ezali mokumba na yo kobondela mpo na ndako yango. Soki ndako ezali na kimia, yo mpe okozwa bolamu na yango; kasi soki obondeli te mpe pasi eyaka, yo mpe okonyokwama mbala mibale.<\/p>\n
ES\u00cdKA NYONSO OZALI<\/h2>\n
Na mosala mpe ezali ndenge moko. Ata soki ozali moto ya lifuti moke koleka bato nyonso, ezali mokumba na yo kobondela mpo na mosala yango. Soki ekoli, yo mpe okokola; soki ekweyi, yo mpe okosimba.<\/p>\n
\n\u201cBobondela Nkolo mpo na yango; mpo na kimia na yango bino mpe bokozwa kimia.\u201d<\/p>\n<\/blockquote>\n
Na kelasi to na universit\u00e9 mpe ezali bongo. Soki kelasi ekoli, yo mpe okokola; soki obondeli te, mikakatano ya balakisi, ya bandeko ya kelasi, mpe ya biloko ekonyokola yo. Ata soki ozali moto ya sembo, okokima mikakatano yango te soki esika ezali na mikakatano.<\/p>\n
Bisika nyonso tozali na yango esengeli tobombela yango na mabondeli. Esengeli kobondela mpo na esika tozali kofanda. Nandimi ete oyekoli likambo moko lelo.<\/p>\n
NKolo APAMBOLA YO<\/h2>\n
Soki naino opesi bomoi na yo epai ya Yesu Kristo te, ekuke ezali polele\u2014kasi ekozala polele libela te. Lokola mokili ezali kosepela na bisengo ya mokili, boyei ya Kristo ezali kob\u025bl\u025bma penepene mingi. Mokolo moko bato ya mokili bakolela ntango bakoyeba ete babungisaki ntango na bisengo ya mokili. Nzambe asunga biso t\u00f3zala kati na bango te.<\/p>\n
Yango wana, bonga motema soki obongaki naino te. Luka libatisi soki ozwi naino te. Yamba Molimo Mosantu. Na matambe oyo misato, lobiko na yo ekokokisama.<\/p>\n
Marana tha!<\/strong><\/p>\n\n\n