MVUTO YA MISATO!

Bokonzi na biso tango azalaki awa na mokili, mosala na Ye ekabolamaki na biteni misato ya minene.

Ya liboso: mosala ya kobikisa babeli, bilembo mpe makamwisi.

Ya mibale: koyebisa mabombami ya mitema ya bato, lokola asalaki epai ya mwasi Mosamaria.

Ya misato: kosakola Liloba ya Tata na Ye.

Ndeko ateyamaki na anzelu ya Nkolo ndenge ya koloba na elilingi ya kobwaka ndobo mpo na kobenda mbisi MINENE longwa na mayi. Anzelu yango ayebisaki ye ete ndenge wana moko nde asalelaki mpo na kobenda bato na Ye epai na Ye, kobimisa bango na masumu tango azalaki awa na mokili.

MVUTO YA LIBOSO

Ayebisamaki ete sima ya kotia bilei ya kobenda mbisi na ndobo mpe kobwaka yango na mayi, nsima ya mwa tango okobenda yango malembe malembe likolo. Mbisi mike ekomona yango, ekolanda mpe ekoyangana zingazinga na yango; kasi mbisi minene ekopusana kaka pene mpo na kotala soki ezali solo bilei ya solo. Wana nde mvuto ya liboso.

MVUTO YA MIBALE

Nsima ya mwa tango lisusu, okobenda ndobo likolo lisusu kasi obimisa yango te mobimba. Mbisi mike oyo ezalaki zingazinga ekokima, kasi mbisi minene ekopusana, ekolia bilei yango mpe ekokangama. Wana nde mvuto ya mibale.

MVUTO YA MISATO

Sima ya mbisi minene kokangama na mvuto ya mibale, sik’oyo ekomi tango ya kosilisa mvuto ya nsuka — mvuto ya kobimisa mbisi libanda ya mayi.

Lelo oyo Lingomba ya Nzambe ezali na mvuto ya misato, oyo ezali LILOBA YA NZAMBE, mpo na kobongisama mpo na kokende na Konetolama (Enlèvement). Bilembo mpe makamwisi ekoki kokokisa biso te; nyonso wana ezalaki kaka kobongisa biso mpo na mvuto ya misato — oyo ezali koyoka Liloba ya Nzambe.

Tondimi kopesa toli na bakristo ete batalaka malakisi oyo, mpo elimboli malamu mingi likambo ya MVUTO YA MISATO.

NZAMBE APAMBOLA YO.

Print this post