Ziara ya Paulo Korintho ilikuwa ya ukinzani sana, ambapo yamkini kama sio Mungu kumthibitishia neno lake, asingeendelea kubaki kwenye mji ule, kwasababu watu wa mji ule sio tu walipingana naye waziwazi, bali biblia inasema pia walimtukana Mungu. Jambo ambalo lilikuwa gheni sana machoni pa watendakazi wa injili, (Matendo 18:1-6)
1 Baada ya mambo hayo, Paulo akatoka Athene akafika Korintho… 4 Akatoa hoja zake katika sinagogi kila sabato, akajaribu kuwavuta Wayahudi na Wayunani.. 5 Paulo akasongwa sana na lile neno, akiwashuhudia Wayahudi ya kwamba Yesu ni Kristo. 6 Walipopingamana naye na kumtukana Mungu, akakung’uta mavazi yake, akawaambia, Damu yenu na iwe juu ya vichwa vyenu; mimi ni safi; tangu sasa nitakwenda kwa watu wa Mataifa.
Lakini katika moyo wa ukinzani ule, ambao alikuwa karibu kuondoka, Bado Mungu alimtokea katika maono usiku akamwambia, baki, kuwa kuwa mimi nina watu wengi katika mji huu. Sio ‘watu tu’, bali ‘watu wengi’, idadi kubwa mno, umati wa watu.
Matendo 18:9-11
9 Bwana akamwambia Paulo kwa maono usiku, Usiogope, bali nena, wala usinyamaze, 10 kwa kuwa mimi ni pamoja nawe, wala hapana mtu atakayekushambulia ili kukudhuru; KWA MAANA MIMI NINA WATU WENGI KATIKA MJI HUU. 11 Akakaa huko muda wa mwaka mmoja na miezi sita akifundisha kati yao neno la Mungu.
Mara nyingi tunapokuwepo kwenye miji mikubwa, na kuona uzito na ugumu wa mioyo ya watu, na ubize wao, na kiburi chao ni rahisi kukata tamaa na kusema hapa Mungu hana watu tena.
Lakini kaa ukifahamu Mungu bado ana watu wake wengi nje ya kanisa, wanaopaswa waje ndani ya kanisa. Katikati ya wanaomtukana yeye, wanaopingana na wewe, kwenye mikanganyiko ya kipepo ya kila namna, Mungu bado anaona watu wengi ambao anataka waokolewe.
Badili mtazamo wako kuanzia leo, injili sio macho yetu, ni macho ya Mungu, pale tunapoona hapafai, haimaanishi kuwa hapafai machoni pa Mungu.
Endelea, tena na tena, lipo kusudi kubwa la Mungu nyuma ya mahali ulipo.
Shalom.
Washirikishe na wengine habari hizi njema kwa kushea
Ikiwa utapenda kupata msaada wa kumpokea Yesu maishani mwako bure, Basi wasiliana nasi kwa namba uzionazo chini ya makala hii.
Pia kwa kupokea mafundisho ya kila siku kwa njia ya WHATSAPP, jiunge na channel yetu kwa kubofya link hii >> https://whatsapp.com/channel/0029VaBVhuA3WHTbKoz8jx10
Kwa mawasiliano: +255789001312 au +255693036618
Bwana akubariki.
Wale wakoma wanne (4), walipofika kwenye kambi ya washami na kujiokotea utajiri kwa jinsi walivyoweza, biblia inatuonyesha baadaye dhamiri zao ziliwasuta, kwanini wanufaike wao peke yao, wakati Israeli nzima ipo kwenye janga kubwa la njaa?
Hivyo walipogundua ubinafsi wao, haraka sana bila kukawia walijirekebisha wakaenda kuwaambia wakuu wa Israeli, na baadaye watu wakaja kujikusanyia nyara kwa wingi kwa jinsi wawezavyo, na tangu huo wakati Israeli yote janga la njaa likapotea.
Watu wanne tu ambao hawakuwa wabinafsi, waliliokoa taifa zima,
2 Wafalme 7:3-11
[3]Basi walikuwapo watu wanne wenye ukoma, penye lango la mji; wakasemezana, Mbona tunakaa hapa hata tufe? [4]Tukisema, Tutaingia mjini, mjini mna njaa, nasi tutakufa humo; nasi tukikaa hapa, tutakufa vile vile. Haya! Twende tukaliendee jeshi la Washami; wakituhifadhi hai tutaishi; wakituua, tutakufa tu. [5]Basi wakaondoka kabla ya mapambazuko, ili waende mpaka kituo cha Washami; na walipofika mwanzo wa kimo cha Washami, kumbe! Hapana mtu. [6]Kwa maana Bwana alikuwa amewasikizisha Washami kishindo cha miendo ya magari, na kishindo cha farasi, kama kishindo cha jeshi kubwa; wakaambiana, Tazama, mfalme wa Israeli amewaajiri wafalme wa Wahiti, na wafalme wa Wamisri, waje wapigane nasi. [7]Kwa hiyo wakaondoka, wakakimbia kungali giza bado, wakaziacha hema zao, na farasi zao, na punda zao, na kimo chao vile vile kama kilivyokuwa, wakakimbia wapate kujiponya nafsi zao. [8]Basi wale wenye ukoma walipofika mwisho wa kituo, waliingia katika hema moja, wakala, na kunywa, wakachukua fedha, na dhahabu, na mavazi, wakaenda wakavificha; wakarudi, wakaingia katika hema ya pili, vile vile wakachukua vitu, wakaenda, wakavificha. [9]Ndipo wakaambiana, MAMBO HAYA TUFANYAYO SI MEMA; leo ni siku ya habari njema, na sisi tunanyamaza; mkingoja hata kutakapopambazuka, madhara yatatupata; basi twende tukawaambie watu wa nyumba ya mfalme. [10]Basi wakaenda, wakawaita mabawabu wa mji; wakawaambia, Tulifika kituo cha Washami, na tazama, hapana mtu ye yote huko, wala sauti ya mtu, ila farasi wamefungwa, na punda wamefungwa, na hema zao kama walivyoziacha. [11]Na mabawabu wakaita wakawaambia watu wa nyumba ya mfalme.
[3]Basi walikuwapo watu wanne wenye ukoma, penye lango la mji; wakasemezana, Mbona tunakaa hapa hata tufe?
[4]Tukisema, Tutaingia mjini, mjini mna njaa, nasi tutakufa humo; nasi tukikaa hapa, tutakufa vile vile. Haya! Twende tukaliendee jeshi la Washami; wakituhifadhi hai tutaishi; wakituua, tutakufa tu.
[5]Basi wakaondoka kabla ya mapambazuko, ili waende mpaka kituo cha Washami; na walipofika mwanzo wa kimo cha Washami, kumbe! Hapana mtu.
[6]Kwa maana Bwana alikuwa amewasikizisha Washami kishindo cha miendo ya magari, na kishindo cha farasi, kama kishindo cha jeshi kubwa; wakaambiana, Tazama, mfalme wa Israeli amewaajiri wafalme wa Wahiti, na wafalme wa Wamisri, waje wapigane nasi.
[7]Kwa hiyo wakaondoka, wakakimbia kungali giza bado, wakaziacha hema zao, na farasi zao, na punda zao, na kimo chao vile vile kama kilivyokuwa, wakakimbia wapate kujiponya nafsi zao.
[8]Basi wale wenye ukoma walipofika mwisho wa kituo, waliingia katika hema moja, wakala, na kunywa, wakachukua fedha, na dhahabu, na mavazi, wakaenda wakavificha; wakarudi, wakaingia katika hema ya pili, vile vile wakachukua vitu, wakaenda, wakavificha.
[9]Ndipo wakaambiana, MAMBO HAYA TUFANYAYO SI MEMA; leo ni siku ya habari njema, na sisi tunanyamaza; mkingoja hata kutakapopambazuka, madhara yatatupata; basi twende tukawaambie watu wa nyumba ya mfalme.
[10]Basi wakaenda, wakawaita mabawabu wa mji; wakawaambia, Tulifika kituo cha Washami, na tazama, hapana mtu ye yote huko, wala sauti ya mtu, ila farasi wamefungwa, na punda wamefungwa, na hema zao kama walivyoziacha.
[11]Na mabawabu wakaita wakawaambia watu wa nyumba ya mfalme.
Hii inatoa sauti gani kwetu?
Sisi tuliookoka ni zaidi ya wanne.. Lakini kwanini injili haiwafikii wengi? Ni kwasababu haya tuyafanyayo tunaona ni vema..
Tunaona ni sawa tu tuingie rahani mwa Mungu sisi wenyewe.
Ni sawa tu tuhubiriwe peke yetu, wengine waendelee kukaa nje ya kanisa..
Ni sawa tu tujazwe Roho, wengine waendelee kukaa chini ya vifungo vya mapepo.
Hii ni sifa ya ubinafsi.
Ikiwa upo kanisa, kila siku unahubiriwa lakini wewe huwahubirii wengine ni ubinafsi,
Ikiwa unafuatilia mafundisho kama haya mitandaoni, lakini wewe hutaki kushea na wengine, ni ubinafsi.
Ikiwa umeokoka muda mrefu, halafu huna tunda la mtu yeyote kuokoka kupitia wewe, ni ubinafsi..
Kujilimbikizia mambo ya ufalme peke yako…wenzako hawakishiriki kipawa chako, Si jambo jema linalokubalika kiroho
Nenda kahubiri.
Utauliza je “tumbo” linaweza kuwa “mungu”? jibu ni Ndio, maandiko yanasema hivo..
Wafilipi 3:19 “mwisho wao ni uharibifu, MUNGU WAO NI TUMBO, utukufu wao u katika fedheha yao, waniao mambo ya duniani”.
Na kama tumbo ni mungu, basi maana yake anaabudiwa na pia anatumikiwa.
Yafuatayo ni makundi mawili makuu ya watu wanaoabudu tumbo, aidha kwa kujua au kwa kutokujua.
1. Manabii wa Uongo.
Hili ndilo kundi la kwanza linaloabudu “tumbo” (kwa kujua kabisa).. Hawa wapo tayari kupotosha maandiko ili tu wapate kushibisha matumbo yao, wapo tayari kuzunguka kote kote kuwalaghai watu kiroho ili wapate fedha kutoka kwao.
Hawa biblia imewataja kwamba hawamtumikii Bwana YESU bali matumbo yao wenyewe..
Warumi 16:18 “Kwa sababu walio hivyo hawamtumikii Bwana wetu Kristo, BALI MATUMBO YAO WENYEWE; NA KWA MANENO LAINI NA YA KUJIPENDEKEZA WAIDANGANYA MIOYO YA WATU WANYOFU”.
Kundi hili la watu, chochote kile kilichoandikwa kwenye biblia kwao ni fursa ya kupata pesa..wapo tayari kutumia chochote kile na kukupatanisha na biblia lengo si kujenga roho za watu bali kutoa pesa kutoka kwa watu, wanaweza kutumia picha, nguo, maji, mafuta na viungo vingine vyote ili mradi tu kuvuna mali kutoka kwa watu, ili washibishe matumbo yao.
Hawa madhabahu zao ni matumbo yao, shetani ameketi katika matumbo yao..na hawawezi kuishi bila kuyatumikia matumbo. Hawa biblia imetuonya tujihadhari nao, kwani kukuua kiroho wenyewe hawaoni shida.
2. Wakristo vuguvugu.
Hili ni kundi la pili la waabudu matumbo.. Hawa ni wale ambao hawawezi kuitawala miili yao katika eneo la kula, ni wale watu ambao maisha yao hawajawahi kufunga, au kama walifunga basi hawakumbuki ni lini kwasababu ni zamani sana walifanya hivo.
Ni wakristo wa kupenda kuombewa tu, hawawezi wenyewe kutenga muda kufunga na kuomba.. kwani wakijaribu kufanya hivyo wanaona kama wanakufa “roho inawatoka”.. Wanalisha matumbo yao mara tatu kwa siku, mwaka mzima, na wakikosa chakula kidogo tu ni watu wa kunung’unika, kulalamika na kuhisi kama wameonewa sana.
Hawa ni watu wanaoabudu tumbo pasipo kujua. Wakidhani kwamba kwasababu tumeruhusiwa kula, basi kila wakati ni lazima kula, pasipo kufahamu kwamba Bwana YESU alisema mambo mengine hayatoki (yani hayawezekani) pasipo kufunga na kusali.
Mathayo 17:21 “[Lakini namna hii haitoki ila kwa kusali na kufunga.]”
Hili ni kundi la watu linalopenda karamu za ulafu za kula kula…kukitokea hafla fulani, au pati, au sherehe au harusi huwa halikosi!.. linaweza kuchangia kila aina ya gharama ilimradi tu lisipitwe na shughuli, lengo kubwa ni chakula.
Mpendwa kama huwezi kulitawala tumbo, fahamu kuwa tumbo lako ni mungu wako hata kama hukiri hivyo!
Roho Mtakatifu aliwahi kunifundisha jambo kuhusu tumbo…
“Wakati fulani nilikuwa katika mfungo, na siku niliyopanga kumaliza, Roho mtakatifu aliniambia niongeze siku nyingine moja mbele, wakati nawaza hilo kama vile najiuliza uliza, kutokana na uchovu wa mwili, akaniambia toka nje tembea na nitapata nguvu, nikatii na kutoka nje na kutembea na nilipokuwa natembea mwili ulianza kupata nguvu, na nikasikia tafakari nyingi za kimaandiko zikipita ndani yangu, wakati naendelea na matembezi nilifika mtaa mwingine ambapo kuna nyumba kubwa sana ya kifahari na nje ya nyumba hiyo hapo getini, kuna kibao kidogo kimeandikwa maneno haya “bwana tumbo estate, niliposoma kibao hiko ambacho labda kilikuwa kinamtambulisha mmiliki wa nyumba hiyo, nilielewa pale pale ni nini Roho Mtakatifu alichokuwa ananiambia, kwamba “tumbo” la mtu ni bwana, kwa kifupi ni mungu” na kila anayelitumikia litampoteza kabisa, na kumfanya akose uzima wa milele”.
Na ndio maana siku za mwisho tumbo litatoweshwa..
1Wakoritho 16:13 “Vyakula ni kwa tumbo, na tumbo ni kwa vyakula; lakini Mungu atavitowesha vyote viwili, tumbo na vyakula. Lakini mwili si kwa zinaa, bali ni kwa Bwana, naye Bwana ni kwa mwili”.
Kama mkristo uliyeokoka hakuna sifa yoyote unayopata kwa kula sana, wala chakula hakikusogezi karibu na MUNGU..
1Wakorintho 8:8 “Lakini chakula hakituhudhurishi mbele za Mungu; maana, tusipokula hatupunguziwi kitu, wala tukila, hatuongezewi kitu”.
Kama mkristo ni lazima ujifunze kulitawala tumbo, na si tumbo likuendeshe wewe, ni aibu kwa mkristo kumaliza mwezi haujafunga..hata hivyo kila wiki ni lazima uwe na angalau siku moja ya kufunga, tabia ya mkristo kusema kufunga ni mpaka uongozwe hatuipati katika maandiko, kama vile tunavyoikosa kanuni ya kula mara tatu kwa siku.
Ni kweli ni halali kula, hata mara tano kwa siku lakini si tabia inayofaa..
1Wakorintho 6:12 “Vitu vyote ni halali kwangu, lakini si vyote vifaavyo; vitu vyote ni halali kwangu, lakini mimi sitatiwa chini ya uwezo wa kitu cho chote. 13 Vyakula ni kwa tumbo, na tumbo ni kwa vyakula; lakini Mungu atavitowesha vyote viwili, tumbo na vyakula. Lakini mwili si kwa zinaa, bali ni kwa Bwana, naye Bwana ni kwa mwili”.
1Wakorintho 6:12 “Vitu vyote ni halali kwangu, lakini si vyote vifaavyo; vitu vyote ni halali kwangu, lakini mimi sitatiwa chini ya uwezo wa kitu cho chote.
13 Vyakula ni kwa tumbo, na tumbo ni kwa vyakula; lakini Mungu atavitowesha vyote viwili, tumbo na vyakula. Lakini mwili si kwa zinaa, bali ni kwa Bwana, naye Bwana ni kwa mwili”.
Je umeokoka?.. Una uhakika Bwana YESU akirudi leo utakwenda naye?.. Kama bado haujaokoka fahamu kuwa muda umeenda kuliko unavyodhani muda wowote parapanda ya mwisho inalia, na wote walio nje ya Kristo watahukumiwa.
Mafundisho mengine:
UVUKISHE MIPAKA UPENDO WAKO.
JE! NINAWEZA KUPOTEZA FURAHA YA WOKOVU?
Kwa namna gani mauti ya wacha Mungu ina thamani machoni pake? (Zaburi 116:15).
JE! UMEFIKIA VIGEZO VYA KUWA BABA ROHONI?
Ni kwanini mifugo ya Yakobo iliongezeka kwa wingi kiasi kile?
Jina la BWANA YESU libarikiwe, karibu tujifunze Biblia, Neno la MUNGU wetu, lililo taa na mwanga wa njia yetu (Zab.119:105).
Katika Biblia tunasoma jinsi MUNGU alivyomtukuza Mtumishi wake Musa, na hata kufikia wakati kusema akiwapo nabii mwingine yoyote atasema naye kwa ndoto na maono lakini Musa atasema naye mdomo kwa mdomo.
Hesabu 12:6 “Kisha akawaambia, Sikizeni basi maneno yangu; Akiwapo nabii kati yenu, Mimi, Bwana, nitajifunua kwake katika maono, NITASEMA NAYE KATIKA NDOTO. 7 Sivyo ilivyo kwa mtumishi wangu, Musa; Yeye ni mwaminifu katika nyumba yangu yote; 8 KWAKE NITANENA MDOMO KWA MDOMO, MAANA, WAZIWAZI WALA SI KWA MAFUMBO; NA UMBO LA BWANA YEYE ATALIONA. Mbona basi ninyi hamkuogopa Kumnenea mtumishi wangu, huyo Musa?”
Hesabu 12:6 “Kisha akawaambia, Sikizeni basi maneno yangu; Akiwapo nabii kati yenu, Mimi, Bwana, nitajifunua kwake katika maono, NITASEMA NAYE KATIKA NDOTO.
7 Sivyo ilivyo kwa mtumishi wangu, Musa; Yeye ni mwaminifu katika nyumba yangu yote;
8 KWAKE NITANENA MDOMO KWA MDOMO, MAANA, WAZIWAZI WALA SI KWA MAFUMBO; NA UMBO LA BWANA YEYE ATALIONA. Mbona basi ninyi hamkuogopa Kumnenea mtumishi wangu, huyo Musa?”
Sasa kitendo hiko cha Mungu kumtukuza Musa kuliko watumishi wake wengine, iliwafanya wana wa Israeli waamini kuwa hakutatokea tena mtumishi mwingine au nabii mwingine atakayekubalika na MUNGU kwa kiwango cha MUSA.
Na hata Musa alipokufa, na kijiti cha kuwaongoza wana wa Israeli kukabidhiwa mtumishi wa MUNGU Yoshua hakuna aliyemwamini wala kumheshimu Yoshua kwa kiwango ambacho Musa alichokuwa anaaminiwa na kuheshimiwa.
Na hilo MUNGU aliliona na kumwambia Yoshua maneno yafuatayo..
Yoshua 3:7 “BWANA AKAMWAMBIA YOSHUA, HIVI LEO NITAANZA KUKUTUKUZA MBELE YA ISRAELI WOTE, WAPATE KUJUA YA KUWA MIMI NITAKUWA PAMOJA NA WEWE, KAMA NILIVYOKUWA PAMOJA NA MUSA. 8 Nawe uwaamuru hao makuhani walichukuao sanduku la agano, ukawaambie, Mtakapofika ukingo wa maji ya Yordani, simameni katika Yordani”
Yoshua 3:7 “BWANA AKAMWAMBIA YOSHUA, HIVI LEO NITAANZA KUKUTUKUZA MBELE YA ISRAELI WOTE, WAPATE KUJUA YA KUWA MIMI NITAKUWA PAMOJA NA WEWE, KAMA NILIVYOKUWA PAMOJA NA MUSA.
8 Nawe uwaamuru hao makuhani walichukuao sanduku la agano, ukawaambie, Mtakapofika ukingo wa maji ya Yordani, simameni katika Yordani”
Sasa mbeleni tunaona ni nini kilitokea baada ya MUNGU kumwambia Yoshua maneno hayo, ni kwamba Maji ya mto Yordani yalitimamishwa yasitiririke kwa muda ili kuruhusu majeshi ya Israeli kuvuka, mfano ule ule tu wa jinsi Musa alivyopasua bahari ya Shamu kwa uweza wa MUNGU kuruhusu majeshi ya Israeli kuvuka.
Hesabu 3:14 “Hata ikawa, hao watu walipotoka katika hema zao, ili kuvuka Yordani, makuhani waliolichukua sanduku la agano wakatangulia mbele ya watu, 15 basi hao waliolichukua hilo sanduku walipofika Yordani, na nyayo za makuhani waliolichukua sanduku zilipotiwa katika maji ya ukingoni, (maana Yordani hujaa hata kingo zake na kufurika wakati wote wa mavuno), 16 ndipo hayo maji yaliyoshuka kutoka juu yakasimama, yakainuka, yakawa chuguu, mbali sana, huko Adamu, mji ule ulio karibu na Sarethani, na maji yale yaliyotelemkia bahari ya Araba, yaani Bahari ya Chumvi, yakatindika kabisa; watu wakavuka kukabili Yeriko”.
Hesabu 3:14 “Hata ikawa, hao watu walipotoka katika hema zao, ili kuvuka Yordani, makuhani waliolichukua sanduku la agano wakatangulia mbele ya watu,
15 basi hao waliolichukua hilo sanduku walipofika Yordani, na nyayo za makuhani waliolichukua sanduku zilipotiwa katika maji ya ukingoni, (maana Yordani hujaa hata kingo zake na kufurika wakati wote wa mavuno),
16 ndipo hayo maji yaliyoshuka kutoka juu yakasimama, yakainuka, yakawa chuguu, mbali sana, huko Adamu, mji ule ulio karibu na Sarethani, na maji yale yaliyotelemkia bahari ya Araba, yaani Bahari ya Chumvi, yakatindika kabisa; watu wakavuka kukabili Yeriko”.
Sasa ninachotaka tujifunze si jinsi MUNGU alivyokausha Yordani kwa mkono wa YOSHUA, bali ninachotaka tukione na kujifunza ni unyenyekevu wa Yoshua baada ya MUNGU kumwambia kuwa “anaenda kumtukuza katika Israeli, na kuwafanya watu wote wajue kuwa yupo na yeye kama alivyokuwa na Musa”.
Hebu turejee tena tuweze kutembea vizuri
Yoshua 3:7 “BWANA AKAMWAMBIA YOSHUA, HIVI LEO NITAANZA KUKUTUKUZA MBELE YA ISRAELI WOTE, WAPATE KUJUA YA KUWA MIMI NITAKUWA PAMOJA NA WEWE, KAMA NILIVYOKUWA PAMOJA NA MUSA”.
Sasa tungetemea kwamba kuanzia huo wakati Yoshua awaambie wana wa Israeli wote kuwa …“ yeye ndie kiongozi aliyechaguliwa na MUNGU hivyo wamsikilize na kumtii”.. lakini Yoshua hakufanya hivyo, kinyume chake tunaona alienda kuwaambia kuwa “MUNGU yupo na wao wote, na si yeye peke yake”..
Yoshua 3:9 “BASI YOSHUA AKAWAAMBIA WANA WA ISRAELI, NJONI HUKU, MKAYASIKIE MANENO YA BWANA, MUNGU WENU. 10 YOSHUA AKASEMA, KWA JAMBO HILI MTAJUA YA KUWA MUNGU ALIYE HAI YU KATI YENU, NA YA KUWA HATAKOSA KUWATOA MBELE YENU MKANAANI, NA MHITI, NA MHIVI, NA MPERIZI, NA MGIRGASHI, NA MWAMORI, NA MYEBUSI”.
Yoshua 3:9 “BASI YOSHUA AKAWAAMBIA WANA WA ISRAELI, NJONI HUKU, MKAYASIKIE MANENO YA BWANA, MUNGU WENU.
10 YOSHUA AKASEMA, KWA JAMBO HILI MTAJUA YA KUWA MUNGU ALIYE HAI YU KATI YENU, NA YA KUWA HATAKOSA KUWATOA MBELE YENU MKANAANI, NA MHITI, NA MHIVI, NA MPERIZI, NA MGIRGASHI, NA MWAMORI, NA MYEBUSI”.
Huu ni unyenyekevu mkubwa sana, ambao tunapaswa kuuiga, na hii ndio sababu ya MUNGU kumtumia Yoshua kwa uhodari mkuu hata kufanya ishara kubwa ambazo Musa hakuzifanya kama “kusimamisha jua”..kwasababu ni mtu aliye mnyenyekevu na mwenye kumrudishia MUNGU utukufu siku zote, si mtu wa majivuno au kujitukuza.
Nasi hatuna budi kujifunza unyenyekevu wa Yoshua, kwani maandiko yanasema kuwa Mungu huwapinga wenye kiburi lakini huwapa wanyenyekevu neema (1Petro 5:5).
Huenda kuna hatua Mungu kakuvusha, huna sababu ya kujivunia mbele za watu, badala yake mtukuze MUNGU na usubiri Mungu audhihirishe utukufu wake kwako, au labda kuna Baraka Mungu kakuahidia isiwe sababu ya wewe kujitukuza mbele ya watu, au kujionesha kuwa weweni bora kuliko wengine, bali siku zote jifunze unyenyekevu.
Bwana atusaidie, tuwe mfano wa mtumishi wake Yoshua.
MAJARIBU MATANO (5) YA MKRISTO.
JAWA NA UPENDO UNAOTAFUTA.
MISTARI YA KUOMBEA AMANI YA FAMILIA.
Unyenyekevu ni nini?
KIJAKAZI ALIYEJUA UPONYAJI ULIPO.
Nuru ya UpendobibliayetuEdit Profile
Wana wa Israeli walitoka kweli Misri, na Mungu akawaahidia kuwa mbele yao wamewekewa nchi njema ibubujikayo maziwa na asali, nchi yenye raha, na ya kustarehe (Kutoka 3:8). Na kweli wakaifikia hiyo nchi, waliyoahidiwa lakini biblia inasema hawakuipata ile raha aliyoikusudia Mungu.
Waebrania 4:8-10
8 Maana kama Yoshua angaliwapa raha, asingaliinena siku nyingine baadaye. 9 Basi, imesalia raha ya sabato kwa watu wa Mungu. 10 Kwa maana yeye aliyeingia katika raha yake amestarehe mwenyewe katika kazi yake, kama vile Mungu alivyostarehe katika kazi zake.
Walidhani, wingi wa utajiri walioukuta, na ardhi yenye rutuba, na chakula kingi walichokutana nacho huko ndiyo raha yenyewe, lakini kumbe sio. Mungu alikuwa amewawekea Raha yake maalumu, ambayo wao walikuwa hawaithamini.
Raha yenyewe ilikuwa ni YESU KRISTO.
Mathayo 11:28
28 Njoni kwangu, ninyi nyote msumbukao na wenye kulemewa na mizigo, nami nitawapumzisha. 29 Jitieni nira yangu, mjifunze kwangu; kwa kuwa mimi ni mpole na mnyenyekevu wa moyo; nanyi mtapata raha nafsini mwenu;
Mathayo 12:8
Kwa maana Mwana wa Adamu ndiye Bwana wa sabato.
Tangu wakiwa jangwani, Yesu alianza kujidhihirisha kwao kwa njia ya maumbo, na ishara, lakini walimkataa, mfano ule mwamba waliounywea alikuwa ni Kristo (1Kor 10: 4:3), yule nyoka wa shaba aliyeinuliwa (Yohana 3:14-17) alikuwa ni Kristo, ile Mana alikuwa ni Kristo (Yohana 6:48-58), Jinsi ile hema ya kukutania ilivyokuwa imepangiliwa, makabila yote kuzunguka hema, huchora umbo la msalaba, ilikuwa ni msalaba wa Kristo.
Hivyo Kristo alikuwa tayari ni raha yao, Hivyo hata walipokuwa wanaingia katika nchi ya Ahadi wamengemwona kwa maumbile mengi yaliyo bora kuliko yale, akiwaponya kimiujiza, akiwapa raha nafsini mwao, kwa kuwatiririshia maji ya uzima mioyoni mwao, maziwa na asali yangeyaona halisi kabisa nafsini mwao, starehe wangeifikia, mpaka atakapotokea mwenyewe halisi katika mwili, ili kuubadilisha mfumo wa ulimwengu mzima kuwa milki ya Mungu.
Lakini baada ya kufika kwenye ile nchi walimpinga, sana, hata alipowatuma manabii wake bado hawakuwasikiliza, hatimaye, wakabakia tu Kaanani lakini sio rahani. Jambo hilo liliendelea kwa maelfu ya miaka, mpaka yeye mwenyewe Kristo alipochukua mwili na kuja katikati yetu,
Na tunaona wote waliompokea, waliingizwa kwenye Raha hii halisi, ambayo kwanza inaanza kwa kuwekwa huru mbali na utumwa wa dhambi, Lakini pia kujazwa Roho Mtakatifu, ndani yake ili kuruhusu badiliko kubwa kutokea ili kumfanya mtu aone kumpata Mungu ni raha zaidi ya fahari na mali zote za dunia.
Raha hii inaendelea ndani ya waamini, mpaka leo, na hadi Atakaporudi mara ya pili kuitimiza kwa ukamilifu wote wa macho kwa kutuingiza kwenye ile Mbingu mpya na nchi mpya, aliyotuandalia.
Hivyo kwasasa tumekabidhiwa jukumu la kuitunza, kwasababu tusipodumu ndani ya Kristo haijalishi tumeingia Kaanani kwa kubarikiwa mwilini, kiasi gani, pengine kiafya, ki-makazi au vinginevyo, haitufaidii kitu, bado tupo matesoni na utumwani. Ni wajibu wetu kuhakikisha nyakati zote tunadumu ndani ya Kristo, ili tukifikishwe kwenye kilele cha raha hiyo atakaporudi.
Waebrania4:1-11
Basi, ikiwa ikaliko ahadi ya kuingia katika raha yake, na tuogope, mmoja wenu asije akaonekana ameikosa. 2 Maana ni kweli, sisi nasi tumehubiriwa habari njema vile vile kama hao. Lakini neno lile lililosikiwa halikuwafaa hao, kwa sababu halikuchanganyika na imani ndani yao waliosikia. 3 Maana sisi tulioamini tunaingia katika raha ile; kama vile alivyosema, Kama nilivyoapa kwa hasira yangu, Hawataingia rahani mwangu: 4 Kwa maana ameinena siku ya saba mahali fulani hivi, Mungu alistarehe siku ya saba, akaziacha kazi zake zote; 5 na hapa napo, Hawataingia rahani mwangu. 6 Basi, kwa kuwa neno hili limebaki kwamba wako watu watakaoingia humo, na wale waliohubiriwa habari ile zamani walikosa kuingia kwa sababu ya kuasi kwao, 7 aweka tena siku fulani, akisema katika Daudi baada ya muda mwingi namna hii, Leo; kama ilivyonenwa tangu zamani, Leo, kama mtaisikia sauti yake, Msifanye migumu mioyo yenu. 8 Maana kama Yoshua angaliwapa raha, asingaliinena siku nyingine baadaye. 9 Basi, imesalia raha ya sabato kwa watu wa Mungu. 10 Kwa maana yeye aliyeingia katika raha yake amestarehe mwenyewe katika kazi yake, kama vile Mungu alivyostarehe katika kazi zake. 11 Basi, na tufanye bidii kuingia katika raha ile, ili kwamba mtu ye yote asije akaanguka kwa mfano uo huo wa kuasi.
Hama Kaanani, zama rahani mwa Kristo.
Kitu pekee ambacho tumepewa na MUNGU kinachofanana kwa viumbe vyote ni “muda”.. Tunaweza tofautiana rangi, kimo, ukubwa, umri, utajiri, heshima, umaarufu, cheo, mamlaka n.k lakini hatuwezi kutofautiana muda.
Hata “Mchana” una muda sawa na “usiku” mgawanyo wa masaa 12, Bwana MUNGU hajaupendelea mchana kwa kuupa masaa mengi kuliko usiku, bali utaona usiku na mchana muda ni ule ule.
Mchana unaweza kuwa umependelewa kwa mambo mengi kuliko usiku.. lakini kwenye suala la muda, haujapendelewa, maana yake mambo yanayopaswa kufanyika mchana kwenye nuru na utukufu, yasipofanyika kwa masaa 12, basi giza litaingia na kutawala kwa masaa yale yale 12, ndio maana Bwana YESU alisema maneno hivi..
Yohana 11: 9 “Yesu akajibu, Je! Saa za mchana si kumi na mbili? Mtu akienda mchana hajikwai; kwa sababu aiona nuru ya ulimwengu huu. 10 Bali akienda usiku hujikwaa; kwa sababu nuru haimo ndani yake”.
Yohana 11: 9 “Yesu akajibu, Je! Saa za mchana si kumi na mbili? Mtu akienda mchana hajikwai; kwa sababu aiona nuru ya ulimwengu huu.
10 Bali akienda usiku hujikwaa; kwa sababu nuru haimo ndani yake”.
Na yeye mwenyewe Bwana YESU alitumia muda vizuri sana na pia alitufundisha kuutumia muda vizuri..
Yohana 9:4 “Imetupasa kuzifanya kazi zake yeye aliyenipeleka, maadamu ni mchana; usiku waja asipoweza mtu kufanya kazi.”
Umeona?.. muda ni kitu cha kuzingatia sana kwetu sote….hata ibilisi anazingatia sana muda, hafanyi mchezo na muda kabisa… kwani anajua, ukiisha huo hawezi tena kuuongeza..
Ufunuo 12:12 “ Kwa hiyo shangilieni, enyi mbingu, nanyi mkaao humo. Ole wa nchi na bahari! Kwa maana yule Ibilisi ameshuka kwenu mwenye ghadhabu nyingi, AKIJUA YA KUWA ANA WAKATI MCHACHE TU”.
Hivyo na sisi ni lazima tujifunze kutumia muda vizuri..
SASA TUNAUTUMIAJE MUDA VIZURI?.. tusome maandiko yafuatayo..
Waefeso 5:15 “Basi angalieni sana jinsi mnavyoenenda; si kama watu wasio na hekima bali kama watu wenye hekima; 16 MKIUKOMBOA WAKATI kwa maana zamani hizi ni za uovu 17 Kwa sababu hiyo msiwe wajinga, BALI MFAHAMU NI NINI YALIYO MAPENZI YA BWANA.”
Waefeso 5:15 “Basi angalieni sana jinsi mnavyoenenda; si kama watu wasio na hekima bali kama watu wenye hekima;
16 MKIUKOMBOA WAKATI kwa maana zamani hizi ni za uovu
17 Kwa sababu hiyo msiwe wajinga, BALI MFAHAMU NI NINI YALIYO MAPENZI YA BWANA.”
Kulingana na maandiko hayo ni dhahiri kuwa tunaukomboa muda “KWA KUYAFAHAMU NA KUYATENDA MAPENZI YA MUNGU”.
Mtu asiyeyafanya mapenzi ya MUNGU ni mtu anayetumia muda vibaya, na mapenzi ya MUNGU ni yale yaliyotajwa katika..
1Wathesalonike 4:2 “Kwa kuwa mnajua ni maagizo gani tuliyowapa kwa Bwana Yesu. 3 Maana haya ndiyo mapenzi ya Mungu, kutakaswa kwenu, mwepukane na uasherati; 4 kila mmoja wenu ajue kuuweza mwili wake katika utakatifu na heshima; 5 si katika hali ya tamaa mbaya, kama Mataifa wasiomjua Mungu”.
1Wathesalonike 4:2 “Kwa kuwa mnajua ni maagizo gani tuliyowapa kwa Bwana Yesu.
3 Maana haya ndiyo mapenzi ya Mungu, kutakaswa kwenu, mwepukane na uasherati;
4 kila mmoja wenu ajue kuuweza mwili wake katika utakatifu na heshima;
5 si katika hali ya tamaa mbaya, kama Mataifa wasiomjua Mungu”.
Kwa urefu juu ya somo la “namna ya kuyajua mapenzi ya MUNGU na kuyafanya” basi wasiliana nasi kwa namba zilizopo mwisho wa ujumbe huu.
Je umeokoka?.. kama bado fahamu kuwa muda unakimbia kuliko kawaida, unavyozidi kukawia ndivyo mlango unavyozidi kuwa mwembamba zaidi, fanya uamuzi wa busara leo kumpokea BWANA YESU na atakusaidia kushinda dhambi.
Bwana akubariki
JIWEKE TAYARI KUYAFANYA MAPENZI YA MUNGU.
YAFAHAMU NA YATENDE MAPENZI YA MUNGU.
JE UNAYAFANYA MAPENZI YA MUNGU?
NITAUPATAJE UPENDO WA KI-MUNGU NDANI YANGU?
ATAWAFANYIA WAMCHAO MATAKWA YAO.
WhatsApp
Mungu anapotaka kumwinua mtu, si kila wakati atampa machaguzi fulani, au atamwagiza kiupendo, bali wakati mwingine atamshurutisha katika jambo ambalo halitaki kabisa, au hajawahi kulifanya, na hapa ndipo wengi hukimbia,
Simoni mkirene, alikuwa ni mkulima tu, akiendelea katika kazi zake za kilimo, lakini ghafla, alikamatwa na kutikwa msalaba ambao si wake,
Ni wazi kabisa hilo jambo halikumpendeza moyoni, na alionyesha ukinzani, ndio maana biblia inasema wakamshurutisha, lakini baadaye ilimbidi akubali tu, Bila kujua kuwa ndio heshima yake, ukuu wake, baraka zake zilipo.
Marko 15:21 Wakamshurutisha mtu aliyekuwa akipita, akitoka mashamba, Simoni Mkirene, baba yao Iskanda na Rufo, ili auchukue msalaba wake.
Shuruti maana yake ni kulazimishwa, kufanya matakwa magumu ya mtu mwingine.
Hakuna mtu anayependa shuruti, kulazimishwa kutenda, mambo ambayo hujajiandaa nayo, huna mapenzi nayo, huna nguvu nayo. Lakini fahamu kuwa kwa Mungu shuruti ni sehemu ya kukuzwa kwako kiroho,
Wakati mwingine Mungu anapoweka shuruti kwa wazazi wako, viongozi wako, wachungaji wako, Maadamu ni jema, tii tu hata kama hujisikii, ukishurutishwa kufunga na kuomba, usiseme mimi sijisikii wakati huu, fungeni nyie, ukishurutishwa kutoa huduma fulani, usiseme mimi sijajiandaa, bado ni mchanga kiroho, ukishurutishwa kuhudhuria darasa fulani usiwe na udhuru mwingi, ukasema nina ratiba zangu. Tii tu hata kama utaathirika kwenye mambo mengine, kwasababu Mungu huwatumia wao bila kujua, kukuinua kiroho na kihuduma.
Kama Simoni mkirene angegoma kabisa, leo hii tungemjulia wapi, lakini mpaka sasa vizazi vyote vinamjua na kumwona heri kwa kutenda tu hiyo huduma ambayo haikuwa machaguzi yake.
Watumishi wengi makanisani, wanaokuwa kihuduma ukichunguza kwa ukaribu utaona ni wale ambao wanapopewa majukumu yaliyo nje ya mipango yao, au zaidi ya uwezo na nafasi zao, huyapokea na kuyasimamia kikamilifu bila udhuru, bila kiburi.
Kubali shuruti za Bwana.
Luka 12:47 “Na mtumwa yule aliyejua mapenzi ya bwana wake, ASIJIWEKE TAYARI, wala kuyatenda mapenzi yake, atapigwa sana. 48 Na yule asiyejua, naye amefanya yastahiliyo mapigo, atapigwa kidogo. Na kila aliyepewa vingi, kwake huyo vitatakwa vingi; naye waliyemwekea amana vitu vingi, kwake huyo watataka na zaidi”.
Luka 12:47 “Na mtumwa yule aliyejua mapenzi ya bwana wake, ASIJIWEKE TAYARI, wala kuyatenda mapenzi yake, atapigwa sana.
48 Na yule asiyejua, naye amefanya yastahiliyo mapigo, atapigwa kidogo. Na kila aliyepewa vingi, kwake huyo vitatakwa vingi; naye waliyemwekea amana vitu vingi, kwake huyo watataka na zaidi”.
Hebu tulichambue kidogo neno hili kwa undani, neno baada ya Neno na kuna jambo tutajifunza..
maandiko yanasema “Mtumwa aliyejua mapenzi ya bwana wake”.. Kumbe! Kuna watumwa wanaoyajua mapenzi ya Bwana zao na kuna ambao hawayajui mapenzi ya Bwana zao…
Sasa mapenzi hayo ni yapi?.. Bila shaka si mengine zaidi ya yale tunayoyasoma katika kitabu cha
1Wathesalonike 4:2 “Kwa kuwa mnajua ni maagizo gani tuliyowapa kwa Bwana Yesu. 3 Maana haya ndiyo mapenzi ya Mungu, KUTAKASWA KWENU, MWEPUKANE NA UASHERATI; 4 KILA MMOJA WENU AJUE KUUWEZA MWILI WAKE KATIKA UTAKATIFU NA HESHIMA; 5 si katika hali ya tamaa mbaya, kama Mataifa wasiomjua Mungu”.
3 Maana haya ndiyo mapenzi ya Mungu, KUTAKASWA KWENU, MWEPUKANE NA UASHERATI;
4 KILA MMOJA WENU AJUE KUUWEZA MWILI WAKE KATIKA UTAKATIFU NA HESHIMA;
Mapenzi ya MUNGU kulingana na maandiko hayo ni TUTAKASWE, Kwa kuepukana na uasherati na tamaa mbaya.
Sasa kama hayo ndio mapenzi ya MUNGU, (yaani UTAKASO)..hebu tuendee na maandiko yale ya Luka 12:47 tuone nini Roho Mtakatifu anataka kutufundisha.
Luka 12:47 “Na mtumwa yule aliyejua mapenzi ya bwana wake, ASIJIWEKE TAYARI, wala kuyatenda mapenzi yake, atapigwa sana”..
Umeona tena hapa! Kumbe kuyajua mapenzi ya MUNGU na KUTOJIWEKA TAYARI KUYAFANYA ni KOSA KUBWA!
Wengi tunadhani kosa ni “kutoyafanya tu”!…Lakini Biblia inatufundisha kuwa kosa linaanza kwa “kutojiweka tayari”.. Sasa nini maana ya kutojiweka tayari.
Tuanze na “kujiweka tayari” maana yake nini?.. kujiweka tayari ni kitendo cha kuwa tayari kiakili, kifahamu, kimkakati, na kiutendaji…. Mara nyingi “kujiweka tayari” kunatangulia kabla ya kitendo chenyewe, na kinyume chake kutojiweka tayari ni ile hali ya “kukataa, kudharau, kupuuzia, kuchukulia jambo juu juu, kusema huu sio wakati, kwa ufupi kutojishughulisha zaidi na kuyajua mapenzi ya MUNGU”.
Sasa Roho Mtakatifu anajua katika hali za kwanza kabisa za kuokoka si rahisi mwamini, awe mkamilifu katika kuyafanya mapenzi yake, Lakini anachokiangalia na kukithamini sana katika hatua za awali ni angalau mtu “kujiweka tayari”.
Maana yake mtu awe tayari kusikiliza maneno ya MUNGU na kuongozwa na Roho Mtakatifu, ili Roho Mtakatifu achukue nafasi ya kumtengeneza zaidi, pia awe ajiweke tayari kufanywa mpya na Roho Mtakatifu kwa kuendelea kumtii Roho Mtakatifu.
Lakini jambo la kuhuzunisha utakuta mtu analisikia Neno ambayo moyoni anajua kabisa ni kweli ya MUNGU, lakini hana utayari wowote moyoni wa kulitii… Utakuta mtu ndani Roho Mtakatifu anamfunulia kabisa njia sahihi ya kwenda lakini rohoni hana utii wala utayari bali anaendelea kufanya mambo yake, jambo lenye madhara makubwa kwani Biblia inasema mtu huyu “atapigwa sana”
Na ni wapi atakapopigwa?.. si pengine zaidi ya kwenye ziwa lile liwakalo moto katika siku ya mwisho..
Mathayo 7:21 “Si kila mtu aniambiaye, Bwana, Bwana, atakayeingia katika ufalme wa mbinguni; bali ni yeye AFANYAYE MAPENZI YA BABA YANGU ALIYE MBINGUNI”.
Sasa ili tuzidi kuona uzito wa jambo hili, tuendelee mbele kidogo na kitabu kile cha Luka, tuone adhabu ya wale ambao hawajajua mapenzi ya MUNGU, lakini wametenda yastahiliyo mapigo, jinsi watakavyoadhibiwa ili itupe kutafakari kwamba “kama wasiyoyajua watapigwa vipi kwa wale walioyajua mapenzi ya MUNGU na hawajajiweka tayari kuyafanya nini kitawapata”.
Umeisikia injili mara ngapi?.. Umefundishwa mara ngapi njia ya kweli na hautaki hata kujiweka tayari?.. je siku ile utasalimikaje kwa maneno yaliyo dhahiri kama haya?. Je utasema sikusikia?..na ili hali hata kujiweka tayari kusikia hukutaka?.. je kuna kusalimika unadhani?… Jibu lipo wazi kuwa hakuna kusalimika, suluhisho ni moja tu, kuanza kujiweka tayari kuyafanya mapenzi yake kabla ya mwisho kufika.
Na kama bado haujaokoka, umechelewa sana, upo nyuma sana, upo mbali sanaa.. leo fanya geuko la maisha kwa kumwamini mwokozi YESU, na kuzingatia kutubu dhambi kwa kumaanisha kuziacha, Kwa msaada zaidi juu ya safari ya wokovu, kwa neema tuliyopewa tutakupa mwongozo wa hatua za kufanya, unachopaswa kufanya ni kuwasiliana nasi kupitia namba tajwa hapo chini.
Bwana YESU akubariki sana.
JE! UPO KATIKA MAJI YA UTULIVU?
KWA KUWA FURAHA YA BWANA NI NGUVU ZENU.
CHOCHOTE UMFANYIACHO KRISTO KINA THAMANI.
Maana ya Mithali 29:21 “Amtunduiaye mtumwa wake tangu utoto, Mwisho wake atakuwa ni mwanawe”
Desturi ya maziko kibiblia ilikuwaje?.
Eliya alipoagizwa na Mungu kuzifunga mbingu kwa miaka mitatu na miezi sita, aliagizwa aelekee, karibu na kijito cha kedroni, na huko Mungu atamuhudumia kupitia kunguru kumleta mkate na nyama, asubuhi na jioni.
1 Wafalme 17:2-6
[2]Neno la BWANA likamjia, kusema, [3]Ondoka hapa, geuka, uende upande wa mashariki, ujifiche karibu na kijito cha Kerithi kinachokabili Yordani. [4]Itakuwa utakunywa maji ya kile kijito; nami nimewaamuru kunguru wakulishe huko. [5]Basi akaenda akafanya kama alivyosema BWANA; kwa kuwa akaenda akakaa karibu na kijito cha Kerithi, kinachokabili Yordani. [6]Kunguru wakamletea mkate na nyama asubuhi, na mkate na nyama jioni, akanywa maji ya kile kijito.
[2]Neno la BWANA likamjia, kusema,
[3]Ondoka hapa, geuka, uende upande wa mashariki, ujifiche karibu na kijito cha Kerithi kinachokabili Yordani.
[4]Itakuwa utakunywa maji ya kile kijito; nami nimewaamuru kunguru wakulishe huko.
[5]Basi akaenda akafanya kama alivyosema BWANA; kwa kuwa akaenda akakaa karibu na kijito cha Kerithi, kinachokabili Yordani.
[6]Kunguru wakamletea mkate na nyama asubuhi, na mkate na nyama jioni, akanywa maji ya kile kijito.
Unaweza ukajiuliza kwanini hakumwagizia malaika wake kama alivyomfanyia wakati ule anaelekea mlima Herobu (1Wafalme 19:4-8), au kwanini asimwagizie mtumishi wake, au mnyama safi kama huwa (njiwa), kinyume chake anamuagizia kunguru mnyama mchafu na najisi.
Kwa wakati ule ndege hawa waliwekwa miongoni mwa ndege wachafu wa hali ya juu sana. Hivyo chochote kilichoguswa na wanyama hawa hakikuliwa..lakini Mungu alimwagiza Kunguru huyo huyo amletee Eliya chakula.
Mara nyingi njia na kanuni za Mungu hazichunguziki, Si kila wakati Mungu atatumia watu wema sana, kama tunavyodhani kutuhudumia kimahitaji.
Kunguru hajui kusoma, hakujui kuandika, lakini alisikia agizo la Mungu.
Watu hawa rohoni si lazima wajue theolojia, wajue kanisa, wajue njia za haki, lakini Mungu akiwaamuru, watafanya tu.
Kwanini Mungu anafanya hivi wakati mwingine, ni kutushusha kiburi chetu, na kumwachia hukumu yote yeye mwenyewe.
Mungu anaweza kumwagiza mtu wa dini nyingine, kuisapoti huduma yako. Lakini hilo lisimaanishe kwamba Mungu amemkubali..
Anaweza kutumia maskini, kukutoa mahali fulani na kukupeleka kwingine, anaweza tumia mtu nje ya duara lako, kutenda kitu kwako wewe mwana wa Mungu.
Huyo unayemdhania kwenye akili yako, anaweza asifanye, yule usiyekuingia akilini ndio akatumiwa kufanya.
Eliya angeweza kusema Aah! Bwana…umeshindwa kuniletea Gabrieli, mbona nisingenajisika, lakini Bwana anasema kunguru ndiye nimemwagiza kwako.
Swali, vipi kama kunguru ndiye anayekufadhili kwasasa…Je utamlaumu Bwana?
Kumbuka uumbaji wote bado unamtii Mungu, haijalishi umetengwa naye, kwa umbali mrefu kiasi gani. Bado ni milki ya Bwana.
Mjue sana Mungu ili uwe na amani!
SALA.
Bwana Yesu! Asante kwa kunifumbua macho yangu na kunijuza kuwa ulimwengu wote unakutii wewe, naomba niwe mwepesi kupokea neema zako mbalimbali kwa namna ambayo zinatimiza mapenzi yako, bila mimi kunajisika. Asante kwa hilo, nimeamini, nimepokea. Amen.
Swali: Je Desturi ya kuzika ilikuwaje, ikiwemo upakaji wa manukato maiti?
Jibu: Awali ya yote ni muhimu kujua kuwa katika Biblia, hakukuwa na sheria ya kuvika sanda mwili wa mtu aliyekufa, wala kuupaka manukato,
Mtu akifa anakuwa amekufa, na liliobaki ni moja tu kwake, kwamba mwili wake uzikwe.
Desturi ya kuvika mwili wa marehemu sanda na kuupaka manukato ulikuja baada ya wana wa Israeli kurudi kutoka Babeli, ambapo marabi wa kiyahudi waliaanza kuutumia huo utaratibu wa kuuvika mwili wa marehemu kitambaa cheupe na kuupaka manukato.
Na pia katika nyakati za Biblia, watu hawakuzikwa kwenye majeneza ya mbao kama ilivyozoeleka leo, badala yake walizikwa kwenye mapango ya asili au makaburi yaliyochongwa kwenye miamba (kama lilivyokuwa kaburi la Abrahamu huko Makpela, Mwanzo 23:19 au kaburi la BWANA wetu YESU KRISTO)
Baada ya miaka kadhaa, miili ikishaoza na kubaki mifupa tu, mifupa hiyo ilikusanywa na kuwekwa kwenye sanduku dogo la mawe au kuwekwa sehemu moja na mifupa ya mababu zao (ndio maana ya msemo wa kibiblia “alilazwa pamoja na mababu zake”).
Mwanzo 49:33 “Basi Yakobo alipokwisha kuwaagiza wanawe, akakunja miguu yake kitandani, akafa, akakusanywa pamoja na watu wake”.
Na katika Biblia pia hakukuwa na sheria ya kuchoma maiti bali miili yote ilizikwa kwa heshima.
Sasa swali?.. Ni kwanini akina Maramu Magdalena na wale wanawake wengine walikwenda kaburini mapema siku ya kwanza ya juma kumpaka Bwana Manukato?.
Marko 16:1 “Hata sabato ilipokwisha kupita, Mariamu Magdalene na Mariamu mamaye Yakobo, na Salome walinunua manukato wapate kwenda kumpaka. 2 Hata alfajiri mapema, siku ya kwanza ya juma, wakaenda kaburini, jua lilipoanza kuchomoza; 3 wakasemezana wao kwa wao, Ni nani atakayetuvingirishia lile jiwe mlangoni pa kaburi?”
Marko 16:1 “Hata sabato ilipokwisha kupita, Mariamu Magdalene na Mariamu mamaye Yakobo, na Salome walinunua manukato wapate kwenda kumpaka.
2 Hata alfajiri mapema, siku ya kwanza ya juma, wakaenda kaburini, jua lilipoanza kuchomoza;
3 wakasemezana wao kwa wao, Ni nani atakayetuvingirishia lile jiwe mlangoni pa kaburi?”
Kulingana na mapokeo hayo ya wayahudi ambayo yalianza baada ya wao kutoka Babeli (lakini si agizo la Musa), ilikuwa ni sharti mwili uandaliwe kwa kupakwa manukato kabla ya kuzikwa.
Lengo la kufanya hivyo ni kupunguza harufu kipindi mwili unaanza kuoza, na kwasababu hawakuzika ardhini kama inavyofanyika sasa hivyo kama mwili usipopakwa hayo manukato harufu ingewasumbia wapita njia nje na mapango hayo, hivyo kulizuia hilo na kutunza heshima ya marehemu waliipaka miili manukato.
Na pia miili ya wanaume iliandaliwa na wanaume na wanawake iliandaliwa na wanawake, lakini katika mazingira fulani maalumu iliruhisiwa miili ya wanaume kuandaliwa na wanawake wa karibu sana, hususani wale wana familia wa karibu kutunza heshima na faragha ya marehemu., lakini haikuruhusiwa wanaume kuiandaa mikli ya wanawake kwa mazingira yoyote yale.
Sasa swali lingine kwanini akina Mariamu waende siku ya 3 na si ile siku aljyokufa?.
Jibu ni kuwa Kristo alikufa ijumaa jioni, hivyo nafasi ya kuuandaa mwili ilikuwa ni ndogo sabato ilikuwa imekaribia, na haikiruhisiwa kufanya maziko siku ya sabato.
Hivyo akina Yusufu na Nikodemo, waliuandaa ule mwili kwa hafaka haraka na kuufungua manukato, na wanawake walktama kuundaa vizur zaidi na kwa utaratibu.
Swali je na sisi ni kosa kuzika watu kwenye majeneza au ardhini? Au kutoipaka miili manukato? Au je ni lazima kuuvisha mwili sanda?.
Jibu ni la! Si kosa kuzika mtu kwenye jeneza na pia si lazima kuvika maiti sanda kwani hata desturi hiyo haikutoka kwa MUNGU, asili yake ni wapagani ambapo ili kuweka usawa wa matajiri na masikini, wote walifungwa kwenye kitambaa cheupe, kwani hapo kwanza matajiri walizikwa na nguo za thamani na masikini kwa nguo za hadhi ya chini.
Kwahiyo si desturi ya lazima, na pia si kosa kuzika mwili kwa sanda kama Bwana YESU alivyozikiwa.
Lililo kubwa na la kuangalia sana ni wapo roho zetu zinapokwenda baada ya kufa, je tutaurithi uzima wa milele au tutapotea kwenye moto wa milele.
Lakini kufikiri juu ya maiti na mavazi yake, kwamba tutazikwaje ni tafakari dhaifu zisizotusaidia.
Je umeokoka?..una uhakika Bwana YESU akija leo unaenda naye?.
Kama hauna uhakika huo una subiri nini?. Mpe YESU maisha yako aiku ya leo.