Shekemu alikuwa ni kijana wa mkuu wa nchi ya Wahivi. Biblia inamtaja kama kijana aliyekuwa na heshima kuliko vijana ndugu zake wote.
Lakini pamoja na heshima aliyokuwa nayo kwa wazazi, ndugu na jamii iliyomzunguka, alifanya kosa moja lililosababisha mauti, si kwake tu bali na kwa familia yake yote na Taifa kwa ujumla.
Na kosa lenyewe lilikuwa ni kufanya “Uasherati” na binti wa nyumba ya “kikuhani” ya Yakobo aliyeitwa Dina.
Na baada ya kufanya uasherati mara moja tu alijua ataendelea kuwa salama kwani binti aliyelala naye hakuwa kahaba, bali alimkuta bikra, na kwasababu ni bikira alijua kuwa huyo ndie mke wa kuoa, lakini ndoto zake hizo hazikutimia.
Mwanzo 34:1 “Basi Dina, binti Lea, ambaye Lea alimzalia Yakobo, akatoka kuwaona binti za nchi. 2 Shekemu, mwana wa Hamori, Mhivi, mkuu wa nchi, akamwona akamtwaa, akalala naye, akambikiri. 3 Moyo wake ukaambatana na Dina binti Yakobo, akampenda huyu msichana, akasema na huyu msichana kwa maneno mazuri. 4 Shekemu akamwambia Hamori, babaye, akasema, Unipatie msichana huyu awe mke wangu. 5 Basi Yakobo akasikia ya kwamba amembikiri Dina, binti yake. Na wanawe walikuwako pamoja na wanyama wake nyikani. Yakobo akanyamaza, hata walipokuja. 6 Akatoka Hamori, babaye Shekemu, kumwendea Yakobo, aseme naye. 7 Wanawe Yakobo waliposikia hayo, wakaja kutoka nyikani; nao wakasikitika sana, wakakasirika mno, kwa sababu amefanya upumbavu katika Israeli kwa kulala na binti Yakobo, neno lisilojuzu kutendeka. 8 Hamori akasema nao, akinena, Roho ya Shekemu, mwanangu, inamtamani binti yenu, tafadhalini, mpeni amwoe. 9 Mkaoane na sisi, mtupe sisi binti zenu, nanyi mkatwae binti zetu. 10 Nanyi mtakaa nasi, na nchi hii itakuwa mbele yenu; kaeni, na kufanya biashara humo, mkapate mali humo. 11 Shekemu akamwambia babaye yule msichana na nduguze, Na nikubalike machoni penu, na mtakavyoniambia nitatoa. 12 Mjapoongeza sana mahari na zawadi, nitatoa kadiri ya mtakavyoniambia, lakini mnipe huyu msichana, awe mke wangu”…
Mwanzo 34:1 “Basi Dina, binti Lea, ambaye Lea alimzalia Yakobo, akatoka kuwaona binti za nchi.
2 Shekemu, mwana wa Hamori, Mhivi, mkuu wa nchi, akamwona akamtwaa, akalala naye, akambikiri.
3 Moyo wake ukaambatana na Dina binti Yakobo, akampenda huyu msichana, akasema na huyu msichana kwa maneno mazuri.
4 Shekemu akamwambia Hamori, babaye, akasema, Unipatie msichana huyu awe mke wangu.
5 Basi Yakobo akasikia ya kwamba amembikiri Dina, binti yake. Na wanawe walikuwako pamoja na wanyama wake nyikani. Yakobo akanyamaza, hata walipokuja.
6 Akatoka Hamori, babaye Shekemu, kumwendea Yakobo, aseme naye.
7 Wanawe Yakobo waliposikia hayo, wakaja kutoka nyikani; nao wakasikitika sana, wakakasirika mno, kwa sababu amefanya upumbavu katika Israeli kwa kulala na binti Yakobo, neno lisilojuzu kutendeka.
8 Hamori akasema nao, akinena, Roho ya Shekemu, mwanangu, inamtamani binti yenu, tafadhalini, mpeni amwoe.
9 Mkaoane na sisi, mtupe sisi binti zenu, nanyi mkatwae binti zetu.
10 Nanyi mtakaa nasi, na nchi hii itakuwa mbele yenu; kaeni, na kufanya biashara humo, mkapate mali humo.
11 Shekemu akamwambia babaye yule msichana na nduguze, Na nikubalike machoni penu, na mtakavyoniambia nitatoa.
12 Mjapoongeza sana mahari na zawadi, nitatoa kadiri ya mtakavyoniambia, lakini mnipe huyu msichana, awe mke wangu”…
Baada ya kijana Shekemu kuomba sana kupewa binti Dina, kwa mahari nyingi na kwa kusihi sana, majibu yake yalikuna tofauti, kwani wana wa Yakobo walimwua Shekemu na baba yake pamoja na watu wote wa nchi ile na mali zao zote wakazichukua.
Mwanzo 34:26 “Wakawaua Hamori, na Shekemu mwanawe, kwa makali ya upanga, wakamtwaa Dina katika nyumba ya Shekemu, wakatoka. 27 Wana wa Yakobo wakawajilia hao waliouawa, wakauteka nyara mji kwa sababu wamemharibu umbu lao. 28 Wakachukua kondoo zao, na ng’ombe zao, na punda zao, na vitu vilivyokuwamo mjini, navyo vilivyokuwako kondeni. 29 Wakatwaa na mali zao zote, na watoto wao wote, na wake zao, na vyote vilivyokuwamo nyumbani mwao wakavichukua mateka”
Mwanzo 34:26 “Wakawaua Hamori, na Shekemu mwanawe, kwa makali ya upanga, wakamtwaa Dina katika nyumba ya Shekemu, wakatoka.
27 Wana wa Yakobo wakawajilia hao waliouawa, wakauteka nyara mji kwa sababu wamemharibu umbu lao.
28 Wakachukua kondoo zao, na ng’ombe zao, na punda zao, na vitu vilivyokuwamo mjini, navyo vilivyokuwako kondeni.
29 Wakatwaa na mali zao zote, na watoto wao wote, na wake zao, na vyote vilivyokuwamo nyumbani mwao wakavichukua mateka”
Huo ndio ulikuwa mwisho wa Shekemu ambaye anatajwa kuwa kijana mwenye heshima kuliko watoto wote wa mzee Hamori (Mwanzo 34:19).
Shekemu alitanguliza zinaa kabla ya ndoa, na baadae alipoitafuta ndoa kwa gharama kubwa aliiokosa na kulipwa mauti.
Yawezekena nawe ni kijana ambaye una heshima, huwenda huna rekodi yoyote ya uzinzi, wala huna sifa mbaya mtaani wala kwa wazazi, fahamu kuwa wewe ni windo kubwa la ibilisi kuliko wale ambao maisha yao yote ni zinaa,
Labda na wewe upo katika hatua kama ya Shekemu, umemwona binti tena wa imani na mwenye heshima na asiye na rekodi yoyote chafu, na moyoni unasema “nilale naye kwanza halafu nitamwoa”..kabla haujafikiria kufanya hivo mkumbuke Shekemu.
Inawezekana wewe binti unafuatiliwa na kijana mwenye heshima zake na hadhi zake, na moyoni unasema ngoja nimkubalie kwani atakuoa, Ni kweli wote mnaweza kuwa na malengo ya kuoana, hata Shekemu na Dina baada ya zinaa bado waliendelea kupendana, pasipo kujua kuwa dhambi haijui viapo mlivyoahidiana, bali yenyewe inaleta mauti iliyoumbiwa.
Leo utalala na huyo kijana lakini ndio heshima yako imeisha hapo hatuoni mahali panatajwa Dina kuolewa, zaidi imebaki kumbukumbu ya sifa mbaya ambayo mpaka sasahivi tunaisoma na itaendelea kusomwa vizazi vyote.
Na wewe aibu yako itaendelea kwa vizazi vyako vyote,
Binti jitunze, kijana jitunze..kuchochea mapenzi kabla ya wakati wake ni sawa na kuchochea moto huku umeshika galoni la mafuta ya petroli.
Wimbo Ulio Bora 2:7 “Nawasihi, enyi binti za Yerusalemu, Kwa paa na kwa ayala wa porini, Msiyachochee mapenzi, wala kuyaamsha, Hata yatakapoona vema yenyewe”
Zipo hatua za kufuata ikiwa unahitaji kuingia katika ndoa, wasiliana na viongozi wako wa kiroho watakufundisha hatua kwa hatua, usikurupuke na kutanguliza zinaa kabla ya ndoa.
Bwana akubariki.
Washirikishe na wengine habari hizi njema kwa kushea
Ikiwa utapenda kupata msaada wa kumpokea Yesu maishani mwako bure, Basi wasiliana nasi kwa namba uzionazo chini ya makala hii.
Pia kwa kupokea mafundisho ya kila siku kwa njia ya WHATSAPP, jiunge na channel yetu kwa kubofya link hii >> https://whatsapp.com/channel/0029VaBVhuA3WHTbKoz8jx10
Kwa mawasiliano: +255789001312 au +255693036618
Mafundisho mengine:
Kijana ni nani kibiblia?
KAMA WEWE NI KIJANA, BASI FAHAMU YAFUATAYO NA UCHUKUE TAHADHARI!
kwanini yule kijana aliitupa ile nguo ya kitani chini na kukimbia uchi?
PALE WATUMISHI WANAPOSHINDWA KUTOA PEPO.
NENO NA MAOMBI~ Sehemu ya 2 (AMRI YA UPENDO)
Ukisoma Injili ya Luka utaona Bwana Yesu anafundisha vitu vitatu tofauti vinavyopotea.
1) Kondoo: Luka 15:3-7
2) Shilingi: Luka 15:8-10
3) Mwana: Luka 15:11-32
> Kondoo anapotea kutoka kwenye kundi, na kuishi maporini, anaanza kutafutwa na mchungaji.
> Shlingi inapotea ndani ya nyumba, inaanza kutafutwa na mwanamke.
> Lakini mwana anamwacha makusudi baba yake anachagua kwenda nchi ya mbali. Anangojewa na baba yake.
Haya ni makundi matatu ya watu ndani ya nyumba ya Mungu.
Kundi la kwanza ni aina ya watu ambao hutoweka katikati ya jamii ya waaminio, ukichunguza sababu sio kwamba wamedhamiria wao kuwa hivyo, lakini udanganyifu wa dhambi, anasa za kidunia, na mafundisho ya uongo, huwapoteza,na kutokomea huko. wakati wa mwanzoni hawajijui kama wanapotea…lakini baadaye wanapojikuta katika ukame wa kiroho, katika kuharibika, kuvurugwa, ndio wanagundua kuwa njia waliyoiendea sio sahihi.
Wanaanza kutaabika huku na huko, kutafuta msaada lakini hawaupati, mpaka watakaporudi kwenye zizi lao. Sasa Hapa ni wajibu wa kanisa kuwafuatilia, watu na namna hii.
Ndio hapo Bwana Yesu anasema ……
Luka 15:4-6
[4]Ni nani kwenu, mwenye kondoo mia, akipotewa na mmojawapo, asiyewaacha wale tisini na kenda nyikani, aende akamtafute yule aliyepotea hata amwone? [5]Naye akiisha kumwona, humweka mabegani pake akifurahi. [6]Na afikapo nyumbani kwake, huwaita rafiki zake na jirani zake, akawaambia, Furahini pamoja nami, kwa kuwa nimekwisha kumpata kondoo wangu aliyepotea.
[4]Ni nani kwenu, mwenye kondoo mia, akipotewa na mmojawapo, asiyewaacha wale tisini na kenda nyikani, aende akamtafute yule aliyepotea hata amwone?
[5]Naye akiisha kumwona, humweka mabegani pake akifurahi.
[6]Na afikapo nyumbani kwake, huwaita rafiki zake na jirani zake, akawaambia, Furahini pamoja nami, kwa kuwa nimekwisha kumpata kondoo wangu aliyepotea.
Lakini kundi la pili hufananishwa na ile shilingi iliyopotea. Kumbuka ilipotelea ndani, sio nje.
Hili ni kundi la watu ambalo haliondoki ndani ya kanisa, lakini linapotelea likuwa huko huko. Hawa ndio wapo.kwenye hatari kubwa zaidi kwasababu wanaweza wakawa wanaendelea kuwa viongozi, wazee wa kanisa, waimba kwaya lakini maisha yao yapo mbali na Kristo, ni wazinzi, walevi, washirikina.
Kama wewe ni mmojawapo, tubu haraka kwasababu kuwa katikati ya kundi haimaanishi umekubaliwa na Mungu, Yuda aliishi na Bwana Yesu miaka yote, na akafanya miujuza lakini bado alikuwa upotevuni.
Halikadhali kanisa linapowagundua watu kama hawa, ni wajibu wao kuwarejesha iadha kwa mafundisho, au maonyo, au makaripio ili wapone.
Ndio hapo Bwana Yesu akasema..
Luka 15:8-10
[8]Au kuna mwanamke gani mwenye shilingi kumi, akipotewa na moja, asiyewasha taa na kufagia nyumba, na kutafuta kwa bidii hata aione? [9]Na akiisha kuiona, huwaita rafiki zake na jirani zake, akawaambia, Furahini pamoja nami, kwa kuwa nimeipata tena shilingi ile iliyonipotea. [10]Nawaambia, Vivyo hivyo kuna furaha mbele ya malaika wa Mungu kwa ajili ya mwenye dhambi mmoja atubuye.
[8]Au kuna mwanamke gani mwenye shilingi kumi, akipotewa na moja, asiyewasha taa na kufagia nyumba, na kutafuta kwa bidii hata aione?
[9]Na akiisha kuiona, huwaita rafiki zake na jirani zake, akawaambia, Furahini pamoja nami, kwa kuwa nimeipata tena shilingi ile iliyonipotea.
[10]Nawaambia, Vivyo hivyo kuna furaha mbele ya malaika wa Mungu kwa ajili ya mwenye dhambi mmoja atubuye.
Lakini kundi la tatu, ni wale ambao kwa makusudi kabisa wanaamua kumwacha Mungu na kurejea ulimwenguni. Ndio mfano wa yule mwana mpotevu.
Hawa ni wale wanaosema kuanzia leo mimi sipo nanyi, habari za wokovu sitaki. Wanaamua kujiachanisha moja kwa moja na kanisa au habari za kiroho.
Hawa ni kuwaombea, Bwana awape moyo wa kuzingatia wenyewe mioyoni mwao warejee, lakini kanisa linapaswa lifahamu wanaporejea hawapaswi kuwatenga au kuwaona hawafai…kanisa halipaswi kuwa kama yule mwana mkubwa, bali linapaswa liwapokee na kuwajenga upya, kwasababu Mungu anawapokea.
Luka 15:28-32
[28]Akakasirika, akakataa kuingia ndani. Basi babaye alitoka nje, akamsihi. [29]Akamjibu baba yake, akasema, Tazama, mimi nimekutumikia miaka mingapi hii, wala sijakosa amri yako wakati wo wote, lakini hujanipa mimi mwana-mbuzi, nifanye furaha na rafiki zangu; [30]lakini, alipokuja huyu mwana wako aliyekula vitu vyako pamoja na makahaba, umemchinjia yeye ndama aliyenona. [31]Akamwambia, Mwanangu, wewe u pamoja nami sikuzote, na vyote nilivyo navyo ni vyako. [32]Tena, kufanya furaha na shangwe ilipasa, kwa kuwa huyu ndugu yako alikuwa amekufa, naye amefufuka; alikuwa amepotea, naye ameonekana.
[28]Akakasirika, akakataa kuingia ndani. Basi babaye alitoka nje, akamsihi.
[29]Akamjibu baba yake, akasema, Tazama, mimi nimekutumikia miaka mingapi hii, wala sijakosa amri yako wakati wo wote, lakini hujanipa mimi mwana-mbuzi, nifanye furaha na rafiki zangu;
[30]lakini, alipokuja huyu mwana wako aliyekula vitu vyako pamoja na makahaba, umemchinjia yeye ndama aliyenona.
[31]Akamwambia, Mwanangu, wewe u pamoja nami sikuzote, na vyote nilivyo navyo ni vyako.
[32]Tena, kufanya furaha na shangwe ilipasa, kwa kuwa huyu ndugu yako alikuwa amekufa, naye amefufuka; alikuwa amepotea, naye ameonekana.
Je mahali ulipo umemwona aliyemmoja wa kundi hili?
Mfuatilie, mwonye, mwombee.
Jibu ni ndio endapo hutatajua tabia za Roho Mtakatifu.
Katika biblia tunaona Petro alipokea Roho Mtakatifu, siku ile ya Pentekoste pamoja na watu wengine, lakini baadaye mtume Paulo anamkemea kwa dhambi ya unafki, ya kula na mataifa, wakati akaapo nao lakini pale wayahudi wanapokuja kuketi naye anajitenga nao.(Wagalatia 2:11-14)
Hiyo ni kutuonyesha kuwa mtu anaweza akapokea kweli Roho Mtakatifu lakini bado akasumbuliwa na dhambi fulani.
Je! Hiyo husababishwa na nini, ilihali tunajua alipo Roho Mtakatifu dhambi haimtawali mtu?
Ni vema kujua kuwa ipo tofauti ya mtu kuwa na Roho Mtakatifu, kujazwa Roho na kuenenda kwa Roho.
Pale mtu anapookoka moja kwa moja hupokea Roho Mtakatifu, lakini ili Roho huyo awe na nguvu ndani ya Mtu, kupokea tu haitoshi bali anapaswa ajazwe,(Waefeso 5:18) lakini sio tu kujazwa bali ajifunze kuenenda kwa Roho, akihakikisha kuwa hamzimishi ndani yake.
Kuenenda kwa Roho ni kutembea na Roho Mtakatifu wakati wote. Ni rahisi mtu kujazwa Roho awapo katika mazingira fulani tu maalumu labda kanisani, au kwenye mifungo au maombi. Lakini kuenenda kwa Roho ni kumruhusu atembee na yeye kila mahali awapo. Ambapo itathibitika kwa tabia ya mtu ya kujikana nafsi, kujichunguza, kuomba, kujitahidi kuliishi Neno katika mwenendo wake wa kila siku. Mtu wa namna hii akisimama vema Roho wa Mungu humjawa na kumsaidia kushinda wingi wa dhambi.
Na hivyo kamwe hataweza kusumbuliwa na dhambi ya namna yoyote. Hivyo tukirudi kwa Petro. Ni wazi kuwa eneo mojawapo alilegea ndio maana akanaswa na dhambi ya unafki.
Wagalatia 5:16
[16]Basi nasema, Enendeni kwa Roho, wala hamtazitimiza kamwe tamaa za mwili.
Hivyo tujue kuwa kwa jinsi tunavyompa Roho Mtakatifu nafasi mioyoni mwetu ndivyo ambavyo, tunapokea nguvu ya kuzishinda dhambi kirahisi, lakini pale tunapomzuia ndivyo tunavyoanza kulemewa na dhambi.
Pokea Roho, jazwa Roho, enenda kwa Roho, usimzimishe Roho, usimhuzunishe Roho. Utaushinda ulimwengu.
Tukitembea na mambo yote hayo. Roho ni thabiti kwetu
Jina la Bwana YESU libarikiwe, karibu katika kujifunza Neno pamoja na Maombi.
Utangulizi: Kusoma Neno bila Kuomba, au kuomba bila Neno la kusimama nalo ni sawa na kitamba cha bendera kisicho na mlingoti, kitapelekwa huku na kule na kupotea…
Kupitia mfululizo huu na tafakari hizi tutapata mwongozo sahihi wa kuomba kwa kusimama na maandiko matakatifu ya Biblia.
Yuda 1:2 “MWONGEZEWE REHEMA na AMANI na UPENDANO”.
Mambo haya matatu ni muhimu kuwa nayo kama watu tuliokokoka
1. OMBI LA REHEMA (Tumia dk 45):
Rehema kwa tafsiri rahisi ni kibali ambacho mtu anaweza kukipokea kutoka kwa MUNGU au kwa Mtu mwenzake, ambacho kinazaa Msamaha, ufadhili, huruma, au msaada.
Kwamfano Mtu aliyerehemiwa na MUNGU, anakuwa amesamehewa makosa yake, au kupewa kibali na Baraka..
Zaburi 78:8 “Lakini Yeye, KWA KUWA ANAYO REHEMA, Husamehe uovu wala haangamizi. Mara nyingi huipishia mbali ghadhabu yake, Wala haiwashi hasira yake yote”.
Na rehema za MUNGU ni mpya kila siku.. na zilikuwepo tangu zamani (Zab. 25:6) na zitaendelea milele..
Maombolezo 3:22 “Ni huruma za Bwana kwamba hatuangamii, Kwa kuwa rehema zake hazikomi. Ni mpya kila siku asubuhi; Uaminifu wako ni mkuu”
Kwahiyo chukua nafasi hii kuomba REHEMA za MUNGU ziongezeke juu yako, kwani utazipokea ikiwa utaomba kwa kumaanisha na kwa imani..
Kutoka 20:6 “nami nawarehemu maelfu elfu wanipendao, na kuzishika amri zangu”.
Waebrania 4:16 “Basi na tukikaribie kiti cha neema kwa ujasiri, ili tupewe rehema, na kupata neema ya kutusaidia wakati wa mahitaji”
Lakini pia tunaweza kuwa watu wa Rehema kwa wanadamu wenzetu.
Kama MUNGU anavyoturehemu tunapomwomba, ni lazima na sisi tuwe watu wa kurehemu wengine,
Mathayo 8:32 “Ndipo bwana wake akamwita, akamwambia, Ewe mtumwa mwovu, nalikusamehe wewe deni ile yote, uliponisihi; 33 nawe, je! Haikukupasa kumrehemu mjoli wako, kama mimi nilivyokurehemu wewe?”.
Mathayo 8:32 “Ndipo bwana wake akamwita, akamwambia, Ewe mtumwa mwovu, nalikusamehe wewe deni ile yote, uliponisihi;
33 nawe, je! Haikukupasa kumrehemu mjoli wako, kama mimi nilivyokurehemu wewe?”.
Faida ya kuwa watu wa rehema kwa wenzetu, ni sisi pia kurehemiwa na MUNGU..
Kwahiyo chukua nafasi hii kuomba MUNGU akakuongezee Rehema ndani yako kwa wengine.
2. OMBI LA AMANI. (Tumia dk. 45)
Ipo amani ya MUNGU na amani ya ulimwengu.
Yohana 14:27 “Amani nawaachieni; amani yangu nawapa; niwapavyo mimi sivyo kama ulimwengu utoavyo. Msifadhaike mioyoni mwenu, wala msiwe na woga”.
Maandiko yanasema pasipo upendo sisi sio kitu, katika Sehemu ya pili ya darasa letu hili la Neno na Maombi tulijifunza mwongo sahihi wa kuombea Upendo..Kwahiyo fungua link ifuatayo kupata mwongozo huo.
Usikose sehemu ya tano (05) ya darasa letu hili la Neno na Maombi.
NENO NA MAOMBI~ Sehemu ya 1 (MAPENZI YA MUNGU)
NENO NA MAOMBI~ Sehemu ya 3 (UTAKASO WA KINYWA)
FAIDA ZA MAOMBI YA USIKU
MWONGOZO WA MAOMBI YA ASUBUHI.
WhatsApp
2 Samweli 6:22
[22]Kisha nitakuwa hafifu zaidi, nami nitakuwa mnyonge machoni pangu mimi mwenyewe; lakini kwa wale vijakazi uliowanena, kwao nitaheshimiwa.
Pale kiongozi anapokubali kuwa dhaifu machoni pake mwenyewe ndio mwanzo wa yeye kuwa na heshima machoni pa watu wake.
Kinyume chake ni kweli pale kiongozi anapotaka kujiwekea heshima yake mwenyewe ndivyo anavyokuwa dhaifu machoni pa watu anaowaongoza.
Mke wa Daudi alidhani Daudi atadharauliwa kwa kucheza cheza na kuruka-ruka mpaka nguo kumtoka mbele za Bwana na watumishi wake. Lakini kinyume chake, kumbe ndivyo walivyompenda na kumthibitisha zaidi.
Daudi alikuwa ni kiongozi wa kiroho wa watu, sio mfalme tu wa watu, haikuwa rahisi kumtofautisha na mtu mwingine yeyote, katika bidii yake ya kumtafuta Mungu, hakukitanguliza cheo alichokuwa nacho, palipostahili kufunga sana na kuomba alifunga, palipostahili kulia alilia na kuvaa nguo za magunia, palipostahili kuimba aliimba kwa nguvu zake zote hadi nguo kumdondoka.
Alitenga mambo ya ufalme na ibada, alionyesha bidii kuwathibitishia watu kuwa yeye ni mnyonge, na mdhaifu, mbele ya macho yake mwenyewe, ndio maana mke wake akamdharau. Akasema mimi siwezi kuitwa mke wa mfalme wa namna hii, asiyejitofautisha na vijakazi wake, ambaye haeleweki kama ni mfalme au mchungaji.
Unyenyekevu aliokuwa nao, alipokuwa mchungaji wa kondoo, ndio huo huo aliendelea nao alipokuwa mchungaji wa watu. Katika namna ya kimwili alionekana dhaifu, tofauti na wafalme wengine, waliokuwa wanajivunia majeshi, Daudi alijivunua Jina la Bwana.
Halikadhalika wewe kama kiongozi wa kiroho, Je!, unaweza kuwa si kitu, kwa mambo unayoyatenda kwa Mungu wako, yanayopelekea mpaka wengine kukudharau, kwa kusema unajishusha daraja?
Bwana atusaidie.
Sauli alikuwa ni adui mkubwa sana wa Daudi, kiasi cha kumfanya maisha yake yote yawe ni mafichoni tu na ugenini kwa miaka mingi. Lakini cha ajabu ni kuwa uadui aliokuwa anauongeza kwa Daudi, uliongeza pia upendo mwingi kwa Daudi kupitia mwanawe Yonathani.
1 Samweli 19:1-2
[1]Kisha Sauli akasema na mwanawe Yonathani, tena na watumishi wake wote, kwamba wamwue Daudi. [2]Lakini huyo Yonathani, mwana wake Sauli, alikuwa akipendezwa sana na Daudi. Basi Yonathani akamwambia Daudi, akasema, Sauli, baba yangu, anatafuta kukuua; basi, nakusihi, ujiangalie sana asubuhi, ukae mahali pa siri na kujificha;
[1]Kisha Sauli akasema na mwanawe Yonathani, tena na watumishi wake wote, kwamba wamwue Daudi.
[2]Lakini huyo Yonathani, mwana wake Sauli, alikuwa akipendezwa sana na Daudi. Basi Yonathani akamwambia Daudi, akasema, Sauli, baba yangu, anatafuta kukuua; basi, nakusihi, ujiangalie sana asubuhi, ukae mahali pa siri na kujificha;
1 Samweli 20:17
[17]Naye Yonathani akamwapisha Daudi mara ya pili, kwa ajili ya upendo aliokuwa nao kwake; kwa maana alimpenda kama alivyoipenda roho yake mwenyewe.
Upendo ambao Daudi mwenyewe baadaye anashuhudia ulizidi upendo wa mwanamke..
2 Samweli 1:26
[26]Nimesikitika kwa ajili yako, Yonathani, ndugu yangu, Ulikuwa ukinipendeza sana; Upendo wako kwangu ulikuwa wa ajabu, Kupita upendo wa wanawake.
[26]Nimesikitika kwa ajili yako, Yonathani, ndugu yangu, Ulikuwa ukinipendeza sana;
Upendo wako kwangu ulikuwa wa ajabu, Kupita upendo wa wanawake.
Naam, Familia moja inatoa uadui uliozidi na wakati huo huo inatoa upendo usio na kifani.
Na hatimaye upendo ukazidi nguvu uadui wote..
Popote unapojikuta hupendwi, unapigwa vita, unatendewa mabaya, unaonewa wivu, bila sababu yoyote, fahamu kuwa hapo pia pana upendo mwingi sana nyuma yake uliojificha.
Kwanini pengine huuoni?
Ni kwasababu unashindana na maadui zako badala ya kuwaombea mema. Mwangalie Daudi hakudhubutu kushindana na bosi wake, ijapokuwa alijua anawindwa naye ili auawe, hata yule mtu aliyejifanya amemuua mfalme, Daudi hakufurahishwa naye, kinyume chake alimwua huyo, hata alipothibitisha kifo mfalme Daudi hakucheka bali aliomboleza na kulia.
Hatimaye Mungu akampa zawadi ya upendo kupitia mtoto wa huyo huyo adui yake, ndiye Yonathani.
Hii ndio sababu kwanini Bwana Yesu anasema wapendeni adui zenu, waombeeni wanaowaudhi. Kwasababu ndani yao pia upo upendo mwingi sana usiouona.
Mathayo 5:43-44
[43]Mmesikia kwamba imenenwa, Umpende jirani yako, na, Umchukie adui yako; [44]lakini mimi nawaambia, Wapendeni adui zenu, waombeeni wanaowaudhi,
Ikiwa ni boss wako, anakupiga vita mwombee kwa kuugua kabisa, sio kinafki mnyororo ulio nyuma yake utakupenda kwa upendo mkuu, unaorudisha kwake.
Mungu anapenda, tuitafute amani kwa bidii zote(Waebrania 12:14). Je! Unamwona adui yako kwa jicho lipi?
Shalom.
Mwanzoni nilidhani kilchowafanya mitume washindwe kumtoa yule Pepo ambaye alimvaa yule kijana, na kumtupa majini, ni uwezo wa pepo yule. Kwamba alihitaji kiwango cha juu zaidi cha kiroho ili kumshinda ambacho hicho kinakuja katika mifungo na maombi mengi kama Bwana Yesu alivyosema.
Marko 9:28-29
[28]Hata alipoingia nyumbani, wanafunzi wake wakamwuliza kwa faragha, Mbona sisi hatukuweza kumtoa? [29]Akawaambia, Namna hii haiwezi kutoka kwa neno lo lote, isipokuwa kwa kuomba.
[28]Hata alipoingia nyumbani, wanafunzi wake wakamwuliza kwa faragha, Mbona sisi hatukuweza kumtoa?
[29]Akawaambia, Namna hii haiwezi kutoka kwa neno lo lote, isipokuwa kwa kuomba.
Lakini uhalisia ni kwamba sio kuwa pepo lile lilikuwa na nguvu nyingi za ukinzani. Bali lilikuwa ni sawa tu na mapepo mengine ambayo walishawahi kukutana nayo huko nyuma, na huwenda hata yale yalikuwa ni yenye nguvu zaidi ya hili, lakini waliyatoa yote, na hapa wameshindwa…walijiuliza sana, mpaka wakaenda kumuuliza Yesu.
Ndipo Yesu akawaambia namna hii haiwezi kutoka isipokuwa kwa kuomba.
Hapo anaposema isipokuwa kwa kuomba, hamaanishi kuwa kiwango chao cha maombi kipo chini, lakini hasaa analenga “Utegemezi” wao kwa Mungu umeshuka.
Ikumbukwe kuwa wakati mfupi nyuma, Yeye alikuwa mlimani siku tatu, uwepo mwa Mungu, usiku na mchana anamtafakari Mungu lakini ni wanafunzi tu watatu walioongozana naye, ambao ni Petro, Yohana na Yakobo. Wengine wote waliosalia hawakuwepo, wapo bize na huduma, muda wa utulivu na Mungu hawana, muda wa kudumu magotini kujinyenyekeza kwa Mungu umefinywa .
Hawakujua kuwa utegemezi wao wa jana sio sawa na wa leo, ndio hapo wakashindwa kutoa pepo.
Hivyo wakajifunza, kuwa pamoja na huduma lakini pia kuwepo uweponi mwa Bwana kimaombi ni muhimu vinginevyo tutashindwa kutatua matatizo mengi ya kihuduma.
Nasi tujue nguvu za jana, haziwezi kuwa za leo, ikiwa hatatuendeleza utegemezi wetu kwa Mungu.
Inawezekana kabisa ukaitatua hiyo changamoto leo kwa ushindi wote, lakini kesho ikakushinda, ukapona leo, lakini kesho ugonjwa ukakurudia..
Ukatoa pepo leo lakini kesho ukashindwa, angalia utegemezi wako umeyumba kiasi gani..
Kisha rudisha ile namna yako ya ukaribu na Mungu, pata muda wa utulivu mwingi, kutafakari Neno, kuomba, kufunga, kuimba na kuabudu, na kuisikia sauti ya Mungu, hiyo yote ndio inaitwa kuomba…fanya hivyo mara kwa mara..hatimaye kile kilichokuwa kionanekana kama ni changamoto kinatatulika tena.
Tatizo sio nguvu, tatizo ni kiwango cha utegemezi wako. Kwasababu nguvu tayari zipo hazijatengenezewa njia ya kutoka.
Shalom
Mtu anapookoka, vitu viwili huwa vinaanza kukua ndani yake kwa pamoja cha kwanza ni Karama, na cha pili Roho.
Lakini la kutilia maanani, ni asili ya ukuaji wao, kwasababu karama huwa inatabia ya kukua kwa haraka sana kuliko roho ya mtu.
Karama inaweza ikakua ndani ya mda mfupi sana, baada ya kuokoka, na isiwe na maandalizi mengi, Kwamfano mtu anaweza akawa amepewa karama ya unabii, karama ya uponyaji, karama ya lugha na fasiri za lugha, karama ya miujiza na vikaanza kufanya kazi kwa nguvu sana,. Sasa mahali pa kuwa makini sana ni hapo, kwasababu pale inapoonekana karama wengi hudhani ndio ishara ya ukuaji wa kiroho.
Na pengine huyu mtu anaweza kujiona amepiga hatua kubwa sana, kumbe sio. Ukuaji wa kiroho ni hatua ya taratibu sana, inayochukua safari ya muda mrefu hata miaka. Na ndivyo ambavyo Mungu amekusudia.
Haijalishi utawahi kuelewa maandiko, karama yako itatenda kazi kwa ukubwa kiasi gani, bado Mungu humtengeneza mtu taratibu, kama tu vile mwili wake unavyokuwa taratibu. Ilimchukua Musa miaka arobaini (40), kuwa mchungaji wa Israeli aliyeaminiwa na Mungu, ilimchukua Paulo miaka kumi na nne (14) mpaka awe mtume wa kiMataifa, ilimchukua Bwana Yesu miaka thelathini (30), mpaka awe mwokozi.
Sio kwamba muda wa hapo katikati walikuwa ni wazembe sana, hawamchi Mungu, ndio maana muda ukapita mrefu hakionekani chochote kilichofanyika hapana, bali matengenezo ya mwanadamu yafanywayo na Mungu huwa yanaenda kwa hatua nyingi ambazo humchukua muda, ijapokuwa sisi tutayataka yawe kufumba na kufumbua, lakini kwa Mungu sivyo.
Je! Ni madarasa yapi ambayo mtu anapitia hapo katikati?
Nyakati za ukimya wa Mungu: Hapa Mungu anamwandaa mtu katika ukimya wake, si rahisi kusikia chochote, kuona chochote, kama ilivyokuwa mwanzo, lakini haimaanishi kuwa Mungu hayupo na mtu huyo, bali anajengewa ndani yake saburi na Imani. Usiishi tena kwa hisia au misisimko bali kwa Imani katika ahadi za Mungu. Jambo hili linaweza kumchukua mamiezi hata miaka.
Nyakati za mafunzo: Hapa Mungu anamweka chini ya waalimu, kumfundisha, ni wakati wa kulishwa Neno, na kupokea maarifa mengi, na uzoefu wa kiroho, kwa waliomtangulia. Kama Kristo alivyokaa chini ya waalimu akiwasilikiliza, akiwatazama, na kuwauliza maswali (Luka 2:46). Vivyo hivyo huyu naye ni lazima tu atapitishwa chini ya watu kumfundisha, na akikwepa darasa hili, hatoona maendeleo yoyote ndani yake.
Nyakati hizi, huambatana na kusikiliza mahubiri, kusoma vitabu, kuwauliza maswali, kuhudhuria semina na vipindi vingi vya mafundisho.
Nyakati za utulivu na kutengwa: Hizi ni nyakati ambazo Mungu atakutenga mbali na ulimwengu, au kukupunguzia mahangaiko, ili upate muda mwingi wa kuomba na kufunga na kujisomea Neno peke yako. Nyakati hizi wengine hata watafute kazi vipi hawapati, ukiona hivyo tumia muda huo kumkaribia Bwana, kwasababu Mungu anakufundisha kujenga mahusiano yako binafsi na yeye. Ili uielewe sauti ya Mungu.
Nyakati za Kunyenyekezwa: Hapa Mungu atakuacha uwe kwenye uhitaji/ utegemezi fulani, atamwagiza kunguru (ndege mchafu), akuhudumie kama ilivyokuwa kwa Eliya, sio kwamba ameshindwa kukuletea mtu mwema, au kukupa tu yeye mwenyewe, hapana, anaweza mtumia yule usiyempenda, usiyemtarajia kukuhudumia eneo fulani, lengo akufundishe unyenyekevu wake, na upendo usio na sharti. Ikiwa mtu atakwepa darasa hili, anaukwepa unyenyekevu wa Mungu.
Nyakati za Majaribio: Ibrahimu alipitishwa kwenye majaribio, lengo sio kuangamizwa, bali kuhakikiwa imani yake, , ijapokuwa Ibrahimu alishinda katika mengi ikiwemo kumtoa mwanawe sadaka, lakini alishindwa kwa kusikiliza sauti ya mkewe Sara akazaa na kijakazi wake. Ni kuonyesha kuwa lile utakaloshindwa lisiwe sababu ya wewe kudhani kuwa Mungu amekutupa, lengo, jirekebishe, jifunze kutokana na makosa, ili uwe mkamilifu. Ibrahimu aliposhindwa kwa Sara Mungu alimwambia uwe mkamilifu mbele zangu (Mwanzo 17:1). Kipindi hichi ni kufanywa mkamilifu.
Nyakati za huduma: Hapa Bwana atakujaribu kwa lililo dogo, atakuweka katika utumishi wake, uwahudumie wengine, hapa anapima uaminifu wako. Je! Utatenda kwa uaminifu? Ndicho alichokifanya kwa mitume wake (Mathayo 10), alipowatuma wawili wawili, kabla ya huduma kamili kuja juu yao siku ya pentekoste.
Wito kamili: Hapa Mungu amekuhakiki na kukuthibitisha, kuwa chombo chake kiteule. Ndipo anapokutumia jinsi apendavyo, yawe kwa makubwa au madogo, Hapa ni rahisi kuona mema mengi sana ya Mungu, katika maeneo mbalimbali ya rohoni.
La kufahamu tu, hatua hizi zinaweza kuingiliana, yaani ukapitishwa tatu, au nne, kwa wakati mmoja, na huweza jirudia rudia, mzunguko ukawa huo huo kwa kipindi kirefu.
Lakini mwisho wa mnyororo huo , utaona mwisho wa madarasa hayo Umefundishwa;
Saburi, Imani, maarifa, Kiasi Uaminifu, ukamilifu (utauwa), upendo
Ambavyo vinaenda sambamba kabisa na lile Mtume Petro aliloliandika kwa uweza wa Roho katika..
( 2Petro 1:5-11)
5 Naam, na kwa sababu iyo hiyo mkijitahidi sana kwa upande wenu, katika imani yenu tieni na wema, na katika wema wenu maarifa, 6 na katika maarifa yenu kiasi, na katika kiasi chenu saburi, na katika saburi yenu utauwa, 7 na katika utauwa wenu upendano wa ndugu, na katika upendano wa ndugu, upendo. 8 Maana mambo hayo yakiwa kwenu na kujaa tele, yawafanya ninyi kuwa si wavivu wala si watu wasio na matunda, kwa kumjua Bwana wetu Yesu Kristo. 9 Maana yeye asiyekuwa na hayo ni kipofu, hawezi kuona vitu vilivyo mbali, amesahau kule kutakaswa dhambi zake za zamani. 10 Kwa hiyo ndugu, jitahidini zaidi kufanya imara kuitwa kwenu na uteule wenu; maana mkitenda hayo hamtajikwaa kamwe. 11 Maana hivi mtaruzukiwa kwa ukarimu kuingia katika ufalme wa milele wa Bwana wetu, Mwokozi wetu Yesu Kristo.
Hivyo ikiwa umemwamini kweli Kristo, na kumfuata, basi fahamu kuwa lengo kubwa na Mungu ni wewe ufikie ukuaji bora wa kiroho, jitahidi kutembea kikamilifu kwenye madarasa yake ambayo huchukua muda, lakini mwisho wake ni TAJI LA UZIMA lisilonyauka, kwa kufuzu madarasa ya Mungu.
Mungu akubariki.
Usingizi, unapopita kiasi, hutuletea hasara, na umaskini, biblia imeliweka wazi hilo (Mithali 6:9-11), na sio usingizi tu, bali mambo yote yanayoonekana mazuri kama vile chakula, tendo la ndoa kwa wanandoa, yakikosa kiasi huleta uharibifu, Lakini usingizi kama usingizi, sio jambo baya, endapo tutaliona kiroho.
Mungu alipomleta Mwanamke duniani, alitumia njia ya usingizi, kama kanuni ya kumtoa kwa mwanamume, ingewezekana kabisa Mungu kumchukua Adamu kwenye maono kama alivyomchukua Yohana kule Patmo, kisha amuumbe Hawa kwa njia hiyo, au angemwacha macho, ashuhudie kazi yote ya upasuaji inavyofanyika, lakini hilo hakulichagua bali alitumia usingizi.
Robo ya maisha yako, unakuwa usingizini, hivyo huo muda, sio kwamba hakuna chochote kinachoendelea, au muda wako unapotea kama wengi wanavyodhani.
Watafiti wa kisayansi wanasema mtu anapokea taarifa katika ubongo, anapokuwa macho, lakini pale anapolala, taarifa zile ndipo zinapokusanywa, na kuhifadhiwa. Sasa huo ni utafiti wao, ambao tunajua kwa sehemu una uhalisia, lakini sisi wa rohoni tunaona zaidi ya mwilini.
Usipojua kuuandaa usingizi wako vema, basi unaweza kuzuia kazi za Mungu kutimilika vizuri tulalapo, kama tu vile tunavyoweza kuzuia kazi za Mungu anazotenda ndani yetu wakati wa mchana, tusipofuata kanuni zake.
Ukiona mara nyingi usingizi wako unavurugika, hulali, wakati mwingi unataabika usiku, unaota tu ndoto mbaya kila siku, magonjwa ya usiku yasiyokoma, fahamu kuwa pia hali yako ya kiroho inadhoofika.
Ni nini Mungu hufanya usiku?
Ili mojawapo ya huduma hizi, au zote, zitimie ndani yetu, basi jifunze kufanya yafuatayo.
Siku zote omba, kabla ya kulala, Kwa kufuata mpangilio huu.
Sema, Bwana Yesu, yote uliyonifundisha kutwa nzima ninaomba usiku wa leo, yazamishe kwenye vyumba vya ndani vya moyo wangu, nisiyasahau.
Bwana Yesu lile agizo kuu, ulilosema nami kutwa nzima, au siku zangu za nyuma, lithibitishe tena kwa kupitia njozi zangu.
Bwana Yesu nijuze yote kuhusiana na mambo ya kesho na yale yanayokuja mbeleni kupitia njozi zangu.
Bwana ninakwenda kinyume ni mashambulizi yote ya usiku yatokayo kwa yule mwovu, ndoto za kipepo, magonjwa, na madhaifu ninavifuta kwa jina la Yesu Kristo. Amen
Sikuzote ona usiku wako, ni sehemu ya huduma. Jipe muda wa kupumzika, huku umeuandaa kwa maombi mazuri.
Je mtu anaweza kuwa “roho moja na Mungu”?.. jibu ni ndio!.
1Wakorintho 6:17 “Lakini yeye aliyeungwa na Bwana ni roho moja naye”.
Sasa ni kwa namna gani mtu anakuwa roho moja na Mungu?..
Jibu: Ni kwa namna ile ile ambavyo mtu anaweza kuwa mwili mmoja na mwenzake..
Marko 10:7 “Kwa sababu hiyo mtu atamwacha babaye na mamaye, ataambatana na mkewe; 8 NA HAO WAWILI WATAKUWA MWILI MMOJA; HATA WAMEKUWA SI WAWILI TENA, BALI MWILI MMOJA”.
Marko 10:7 “Kwa sababu hiyo mtu atamwacha babaye na mamaye, ataambatana na mkewe;
8 NA HAO WAWILI WATAKUWA MWILI MMOJA; HATA WAMEKUWA SI WAWILI TENA, BALI MWILI MMOJA”.
Kama mwanaume na mwanamke wanavyokuwa mwili mmoja baada ya ndoa, nasi tunakuwa roho moja na MUNGU baada ya kuokoka kikweli kweli.
Kwanini hatuwi mwili mmoja na MUNGU na badala yake tunakuwa Roho moja naye?..
Ni kwasababu MUNGU ni ROHO (soma Yohana 4:24), na kwakuwa nasi (wanadamu) pia tunazo roho basi tunapomgeukia MUNGU tunaunganishwa naye na kuwa roho moja naye.
Na tunapokuwa roho moja naye maana yake sisi na yeye tunafanana?.. na mfanano wa kwanza ni “usafi na utakatifu”.. Kama Mungu alivyo mtakatifu nasi tutakuwa watakatifu kama yeye.
Mambo ya Walawi 20:26 “Nanyi mtakuwa watakatifu kwangu mimi; kwa kuwa mimi Bwana ni mtakatifu nami nimewatenga ninyi na mataifa, ili kwamba mwe wangu”.
Ukiona bado uasherati upo ndani yako basi ni dhahiri kuwa bado haujaungwa na Bwana, ukiona wizi upo ndani yako basi ni dhahiri kuwa bado haujaungwa na Bwana kwasababu MUNGU sio mwizi..na ukiona mambo yote yaliyotajwa katika kitabu cha Wagalatia 5:19-20 bado yapo ndani yako maana yake bado haujaungwa na Bwana.
Pia aliyeungwa na Bwana atafikiri daima habari za kuwavuta watu kwa MUNGU (yaani injili), kwasababu MUNGU naye anasikitishwa na maovu na anataka watu wote watubu, kadhalika na mtu aliyeungwa naye atakuwa na maazimio hayo hayo, kila siku atafikiri jinsi ya kuwavuta watu waiamini injili aidha kwa kuhubiri (mitaani, makanisani, mashuleni, masokoni, mitandaoni au mahali pengine popote), au kama hatasimama basi ataiwezesha injili kwa mali zake kwa kadiri awezavyo, akijua kwamba hata kama hatasimama kuhubiri basi kawezesha injili kwa mali zake.
Lakini kama bado ndani yako huoni kiu wala hamasa ya kuhubiri / kushuhudia watu waokoke au kuishika injili kwa mali zako, basi ni wazi kuwa bado haujaungwa na BWANA, kwasababu Neno la MUNGU linasema kuwa yule Roho wa MUNGU pamoja na Bibi arusi (yaani mtu aliyeokoka), kwa pamoja wanasema Njoo!.. yaani njoo upokee msamaha wa dhambi kwa kutubu na kuacha njia mbaya..
Ufunuo 22:17 “Na Roho na Bibi-arusi wasema, Njoo! Naye asikiaye na aseme, Njoo! Naye mwenye kiu na aje; na yeye atakaye, na ayatwae maji ya uzima bure”.
Je kwa maandiko haya, unajiona kwamba umeungwa na MUNGU, au umeungwa na vitu vingine?
Kama unajiona kwamba umeungwa na vitu vingine na si MUNGU, habari njema ni kwamba unayo nafasi ya kujitenga na muunganiko huo haramu, na kujiunganisha na MUNGU, kwa njia ya kutubu kwa kumaanisha kabisa kuacha dhambi, na kubatizwa kwa maji mengi kwa jina la BWANA YESU KRISTO na kwa ROHO MTAKATIFU, na kuanzia hapo na kuendelea utukufu wa MUNGU utakushukia.
Bwana YESU Akubariki.
AMBATANA NA WALIO HAI ROHONI.
MISTARI YA KUOMBEA AMANI YA FAMILIA.
PONGEZI NA MAONYO YA BWANA KWA WATAKATIFU.
IMEANDIKWA NINI KATIKA TORATI? WASOMAJE?
HAPANA HATA MMOJA ATAKAYEIONJA KARAMU YANGU.