Title June 2019

Jina la Bwana wetu Yesu Kristo libarikiwe.Karibu katika mwendelezo wa kitabu cha Ufunuo, leo kwa Neema za Bwana tutajifunza sura hii ya 8.

Ufunuo 8:1 ‘Hata alipoifungua muhuri ya saba, kukawa kimya mbinguni kama muda wa nusu saa’.

Katika mstari huu wa kwanza, Tunaona Yohana anaanza kwa kuonyeshwa ono la kufunguliwa kwa  Muhuri wa saba. Kwenye mlango wa sita wa kitabu hichi tulishaona ni nini maana ya mihuri, na ilipofunguliwa ni nini kilitokea, kwahiyo kama hujapitia Mlango wa 6, ni vizuri ukaipitia ili tuweze kwenda pamoja katika sura hizi zinazofuata…Lakini kwa ufupi tuliona Muhuri huu wa saba umebeba siri ya Ujio wa Yesu Kristo mara ya pili…Na utatimizwa kipindi kifupi sana kabla ya unyakuo, ambapo ndani ya muhuri huo wa saba tuliona ndio umebeba siri ya zile ngurumo saba zilizozungumziwa katika Ufunuo 10:3 ambazo Yohana aliambiwa asiziandike. Kwa kupitia siri hizo kanisa la Kristo (linalojulikana
kama bibi-arusi safi) litapata Imani ya kwenda kwenye unyakuo.

Tukiendelea ni mistari inayofuata biblia inasema…

Ufunuo 8:2 ‘Nami nikawaona wale malaika saba wasimamao mbele za Mungu, nao wakapewa baragumu saba.

3 Na malaika mwingine akaja akasimama mbele ya madhabahu, mwenye chetezo cha dhahabu, akapewa uvumba mwingi, ili autie pamoja na maombi ya watakatifu wote juu ya madhabahu yadhahabu, iliyo mbele ya kiti cha enzi.

4 Na moshi wa ule uvumba ukapanda mbele za Mungu pamoja na maombi ya watakatifu, kutoka mkononi mwa malaika’’.

Hapa tunaona Yohana akioneshwa maono mengine..Aliona Malaika saba wanaosimama mbele za Mungu..wakipewa baragumu saba…Sasa hawa malaika Yohana aliowaona sio malaika wa sifa au makerubi hapana! Bali ni malaika wa hukumu. Na utaona wanapewa baragumu saba…kila mmoja baragumu moja..Maana ya Baragumu ni ‘Mbiu’ kwa lugha ya sasa hivi..Kwahiyo kila mmoja alipewa mbiu yake…Sasa kazi za hizi mbiu ni kutoa sauti ya tukio Fulani la ghafla kuanza au kutokea…Zamani vita ilikuwa ikisikika baragumu (au mbiu) vitani ni ishara ya kuwa vita vimeanza..au mapambano yameanza, au kuna kitu cha hatari kinakuja…Kwahiyo na hawa malaika wanaonekana hapa wakiwa na baragumu kufunua kuwa watakapopuliza tu basi kuna kitu cha hatari kinafuata.

Lakini katika mstari wa tatu, tunaona Yohana anakatishwa yale maono ya wale malaika saba, anapelekwa kwenye maono mengine anaonyweshwa madhabahu na malaika mwingine tofauti na wale saba, anakuja na chetezo pamoja na uvumba ili autie pamoja na maombi ya watakatifu wote juu ya madhabahu iliyokuwa mbele ya kiti cha enzi.

Sasa uvumba unaashiria maombi ya watakatifu, watakatifu tunapoomba maombi yetu yanaenda kama harufu ya uvumba mzuri mbele za Mungu, Daudi alisema katika Zaburi 141:1-2 ‘’Ee Bwana, nimekuita, unijie hima, Uisikie sauti yangu nikuitapo. Sala yangu ipae mbele zako KAMA UVUMBA, Kuinuliwa mikono yangu kama dhabihu ya jioni.’’..ukisoma pia Ufu.5:8 utaona jambo hilo, kuwa uvumba siku zote unawakilisha maombi ya watakatifu.

Kwahiyo Malaika huyu kazi yake ilikuwa ni kuchukua maombi ya watakatifu wote..kuanzia agano la kale hadi mwisho wa dunia na kuyapeleka mbele za Mungu, na yote yalikuwa yanajibiwa kwa wakati..Lakini sasa hapa mwisho utaona kazi yake ya kupeleka maombi ya watakatifu mbele za Mungu inaisha, na inaishia kwa kukichukua kile ‘chetezo’ na kukiweka makaa ya moto yatokayo madhabahuni na kuyatupa juu ya nchi (yaani duniani). Ikiashiria kuwa hakuna tena huduma ya kupeleka maombi ya watakatifu mbele za Mungu, kwani watakatifu wote wameshaondolewa duniani(katika Unyakuo)…kilichosalia ni hukumu tu.

Yule malaika mara baada ya kumaliza kuvukiza uvumba ule mwingi alichokua moto uliokuwa kwenye madhabahu na kuuweka kwenye chetezo chake na kuumwaga juu ya nchi…chetezo ni kifaa kidogo kilichokuwa kinatumika kuwekea ubani (uvumba)..ambacho ndani yake kinawekwa mkaa

wa moto na ubani na kilikuwa na mkono wa Kamba au mnyororo hivi ambacho kuhani mkuu alikuwa ana uwezo wa kutembea nacho ndani ya hekalu wakati wa kufanya upatanisho, na kinakuwa kinatoa moshi wa ule ubani unaochomeka mule ndani(Kutoka 30:5-9) …Hivyo kuhani alipochoma ubani moshi unatoka kwenye kile chetezo na kukijaza chumba chote moshi wa manukato.

 Ufunuo 8:5 ‘Na huyo malaika akakitwaa kile chetezo, akakijaza moto wa madhabahu, akautupa juu ya nchi, KUKAWA RADI NA SAUTI NA UMEME NA TETEMEKO LA NCHI.6 Na wale malaika saba wenye baragumu saba wakajifanya tayari ili wazipige.’’

Hivyo huyu malaika alipotupa ule moto katika roho duniani kukawa na radi na sauti ya umeme na tetemeko la nchi. Sasa hivyo vitu vitatu, radi, sauti na tetemeko la nchi..Tafsiri yake ndio ipo katika wale Malaika 7 waliopewa baragumu wazipige…, hawa malaika saba ndio walioleta hizo radi, sauti na matetemeko ya nchi, kila mmoja kwa sehemu yake mpaka saba wote walipokwisha kupiga/kupuliza hizo baragumu.

Ufunuo 8:7 inasema:..‘Malaika wa kwanza akapiga baragumu, kukawa mvua ya mawe na moto vilivyotangamana na damu, vikatupwa juu ya nchi; theluthi ya nchi ikateketea, na theluthi ya miti ikateketea, na majani mabichi yote yakateketea’.

Sasa kabla ya kuingia kwenye baragumu ni muhimu kujua kuwa Baragumu hizo zitaanza Kupigwa baada ya unyakuo kupita, yaani baada ya kanisa kunyakuliwa na kwenda mbinguni..wakati ambapo Mpinga-Kristo atanyanyuka duniani, na kwenda kuketi katika Hekalu la Mungu, katika nchi ya Israeli na kutaka kuabudiwa yeye kama Mungu (ukisoma 2Wathesalonike 2:1-10 utaona jambo hilo).

Kumbuka sasa wayahudi/waisraeli wengi leo hii hawamwamini Yesu kama ndiye Masihi, hivyo wengi hawajawa wakristo bado wanashika desturi za Torati ya Musa, huku wakimsubiria Masihi mwingine aje kuwaokoa, Kumbuka ni Mungu mwenyewe ndio kawafumba macho wasimtambue Bwana Yesu kuwa ndiye Masia wa kweli, hivyo mpaka unyakuo unapita watabakia katika hali hiyo hiyo ya upofu, hivyo wataikosa mbingu… 

Lakini Mungu atawahurumia wao tu na kuwafumbua macho baada ya unyakuo kupita Sasa Wakati huo ndio Israeli watagundua kuwa Yesu Kristo waliyemkataa Zaidi ya miaka 2000 iliyopita ndiye Masihi wao waliokuwa wanamtazamia, watatubu ndipo Bwana atawafungua macho..(saa hiyo watu wamataifa walioachwa kwenye unyakuo wataendelea kudanganyika na kupotea) kwasababu kutakuwa hakuna tena mlango wa Neema kwa watu wa mataifa, Zaidi ya kusubiria kuipokea ile chapa ya mnyama na kuingia katika siku ya ghadhabu ya Bwana..na watu wa mataifa kumbuka ni watu wote tofauti na Taifa la Israeli (yaani waafrika, wahindi, wazungu, wachina na wengine wote).

Hivyo baada ya unyakuo kupita Bwana atawatumia mashahidi wake wawili kwa Roho ya Musa na Eliya, kuwarejesha Israeli kwenye mstari na kuihukumu dunia kwa sehemu Fulani…Kwa uelewa Zaidi juu ya urejesho wa Israeli na huduma ya hawa mashahidi wawili…(fungua mfululizo huu katika sura ya 7 na ya 11 au bofya hapa⏩Ufunuo 7&11…soma yote vizuri kisha ndipo uendelee na hapa)…Kwasababu sehemu kubwa ya baragumu hizi saba zinahusu huduma ya hawa mashahidi wawili. Na baragumu hizi saba zitakuwa ni mwanzo wa UTUNGU, wa siku ile kuu ya BWANA..

Sasa tukirudi kwenye zile baragumu biblia inasema…

Ufunuo 8:7 ‘Malaika wa kwanza akapiga baragumu, kukawa mvua ya mawe na moto vilivyotangamana na damu, vikatupwa juu ya nchi; theluthi ya nchi ikateketea, na theluthi ya miti ikateketea, na majani mabichi yote yakateketea’.

Kipindi kifupi sana baada ya unyakuo kupita Bwana atawanyanyua Mashahidi wawili na atawapa amri ya kuipiga dunia kama watakavyo ukisoma katika Ufu.11,utaona hilo, mambo haya yatatekelezwa na mashahidi hawa wawili, kutatokea na mtikisiko katika anga, kutakuwa na matukio ya mvua za mawe, ingawa pia katika roho mvua ya mawe inaashiria kitu kingine..Lakini kutakuwa na vipindi vibaya sana vya mvua ya mawe, kama ile ilivyotokea wakati wa wana wa Israeli walipokuwa Misri, ambayo iliharibu mimea yote na mazao yote ya chakula katika nchi ya Misri, na tunasoma ni Musa ndiye aliyeleta pigo lile kwa amri ya Mungu, na kadhalika katika baragumu la kwanza litakapopigwa wale mashahidi wawili ndio watakaoleta mapigo hayo..

Ufunuo 8:8 ‘Malaika wa pili akapiga baragumu, na kitu, mfano wa mlima mkubwa uwakao moto,

kikatupwa katika bahari; theluthi ya bahari ikawa damu.

9 Wakafa theluthi ya viumbe vilivyomo baharini, vyenye uhai; theluthi ya merikebu zikaharibiwa’’.

Katika pigo hili bado litatekelezwa na hao hao mashahidi wawili, kama vile Musa alivyogeuza maji kuwa damu mbele ya Farao, ndivyo mashahidi hawa wawili watageuza maji kuwa damu mbele ya yule mnyama (Ufu.11:6)..na theluthi ya bahari itakuwa damu…theluthi inayozungumziwa hapo..ni sehemu ndogo ya bahari yaani eneo la mashariki ya kati pale! (Bahari ya Mediterenia na maziwa yaliyo kando kando) Eneo la mashariki ya kati Ndio litakaloathirika na mapigo hayo kwa sehemu kubwa…mahali ambapo yule mnyama atakuwepo, kama vile kipindi cha Farao sio maji yote ya dunia nzima yaligeuzwa kuwa damu hapana isipokuwa ni yale tu ya Misri, ndivyo itakavyokuwa siku hizo,watu wote waliopo mashariki ya kati, maji yatageuka kuwa damu.Na samaki watakufa na shughuli za usafirishaji zitasimama…Huo ni mwanzo wa utungu tu wa hukumu ya Mungu itakayoijilia dunia nzima,

Katika siku za mwisho mara baada ya baragumu kuisha vitakuja vitasa saba, ambavyo hivyo ndio vinabeba hukumu ya Mungu katika utimilifu wote, ndani ya hivyo vitasa sana, maji yote ya dunia nzima yatageuzwa kuwa damu, na chemichemi haitakuwa theluthi tena kama tunavyoona hapa katika baragumu hizi.
Tuendelee..

Ufunuo 8:10 ‘Malaika wa tatu akapiga baragumu, nyota kubwa ikaanguka kutoka mbinguni, iliyokuwa ikiwaka kama taa, ikaanguka juu ya theluthi ya mito, na juu ya chemchemi za maji. 

11 Na jina lake ile nyota yaitwa Pakanga; theluthi ya maji ikawa pakanga, na wanadamu wengi wakafa kwa maji hayo, kwa kuwa yalitiwa uchungu’.

Nyota inayozungumziwa hapa sio kimondo..kwasababu haiwezekani kimondo kimoja kiangukie mito yote na chemchemi zote za maji…Nyota inayozungumziwa hapo ni ‘shetani’ yeye ndiye nyota iliyoanguka kutoka mbinguni..Na kwasababu yake yeye mito na bahari na nchi vimepigwa na vinapigwa kwa laana ya Mungu…Ndio maana ukisoma kwenye kitabu cha ufunuo 12:12, utaona inasema… ‘ Kwa hiyo shangilieni, enyi mbingu, nanyi mkaao humo. Ole wa nchi na

bahari! Kwa maana yule Ibilisi ameshuka kwenu mwenye ghadhabu nyingi, akijua ya kuwa ana

wakati mchache tu’.

Unaona hapo anasema ole wa nchi na bahari, ikimaanisha kuwa kuanguka kwa shetani duniani, bahari itaathirika pia, itageuka kuwa damu, na maji kuwa machungu na

katika pigo hili…la Baragumu ya tatu…Bwana ataipiga mito na chemichemi za maji..Maji yatatiwa uchungu..kama yale wana wa Israeli waliyokutana nayo mahali palipoitwa ‘mara’

Kutoka 15: 22 ‘’Musa akawaongoza Israeli waende mbele kutoka Bahari ya Shamu, nao wakatokea kwa jangwa la Shuri; wakaenda safari ya siku tatu jangwani wasione maji. 

23 Walipofika mahali palipoitwa Mara hawakupata kuyanywa yale maji ya Mara, kwa kuwa yalikuwa machungu; kwa ajili ya hayo jina lake likaitwa Mara.

 24 Ndipo watu wakamnung’unikia Musa,wakisema, Tunywe nini?’’

Watu wengi wanaokaa katika mashariki ya kati na baadhi ya maeneo duniani..watateseka, lakini pigo hili halitakuwa la dunia nzima. 

Ufunuo 8: 12 ‘’Malaika wa nne akapiga baragumu, theluthi ya jua ikapigwa, na theluthi ya mwezi, na theluthi ya nyota, ili kwamba ile theluthi itiwe giza, mchana usiangaze theluthi yake, wala usiku vivyo hivyo’’.

Unazidi kuona, bado ni theluthi inayopigwa sio kitu kizima…Ikifunua kuwa ni mwanzo tu wa Utungu! Itafika wakati sio theluthi tena itakayopigwa bali yote…Malaika huyu wanne alipopuliza baragumu lake, Jua theluthi ya jua ikapigwa…na mwezi, na kama tunavyofahamu jua likipungua nguvu kitu gani kitatokea…ni wazi kuwa kutakuwa na baridi isiyokuwa ya kawaida na baadhi ya shughuli zitasimama…Ndicho kitakachotokea siku hiyo, watu wataona jua limepungua nguvu sasa hapa dunia nzima itaathirika na pigo hili…Na hiyo Itatangaza kuwa kipindi kifupi sana baadaye jua lote litazima..kama tutakavyojifunza tutakapofika kwenye vitasa saba katika Ufunuo mlango wa 16.

Ufunuo 8:13 “Kisha nikaona, nikasikia tai mmoja akiruka katikati ya mbingu, akisema kwa sauti kuu, Ole, ole, ole wao wakaao juu ya nchi! Kwa sababu ya sauti zisaliazo za baragumu za malaika watatu, walio tayari kupiga”.

Hapa Yohana anaoneshwa Tai akiruka katikati ya mbingu, sasa huyu Tai sio ndege tai, bali ni mmoja wa malaika anayebeba tabia kama za Tai katika roho, ukisoma kwenye tafsiri nyingine utaona ni ‘’angel’’ yaani malaika ndio maana utaona hata Katikati ya wale wenye uhai wanne kulikuwa na mmoja mwenye uso kama wa Tai.

Sasa Malaika huyu Yohana alimwona katika roho akisema…ole wao wakaao juu ya nchi! Kwasababu ya sauti za baragumu za malaika watatu waliobakia..Ikifunua kuwa madhara yatakayoletwa kwa baragumu za hao malaika watatu waliosalia yatakuwa mabaya zaidi ya hao wanne waliotangulia.

Na kama tunavyosoma hapo, inasema ole wakaao juu ya nchi!!…Ikifunua kuwa ni madhara yatakayosababishwa na kuanguka kwa shetani, yatakuwa juu ya hao wakaao juu ya nchi kulingana na ufunuo 12:12 “Ole wa nchi na bahari! Kwa maana yule Ibilisi ameshuka kwenu mwenye ghadhabu nyingi, akijua ya kuwa ana wakati mchache tu’’…Madhara juu ya bahari yameshapita…theluthi ya bahari, chemichemi na mito kuwa damu, na viumbe vya majini kufa…sasa yanayofuata ni kwa wale wakaao juu ya nchi..Tutayaona hayo zaidi katika sura inayofuata..

Swali ni je! Umempa Kristo maisha yako?..Una uhakika akija leo utakwenda naye mbinguni?, kama hauna uhakika basi ni wazi kuwa utaachwa akija, kwahiyo utii ushauri wake leo unaosema…

Ufunuo 3:18 “Nakupa shauri, ununue kwangu dhahabu iliyosafishwa kwa moto, upate kuwa tajiri, na mavazi meupe upate kuvaa, aibu ya uchi wako isionekane, na dawa ya macho ya kujipaka macho yako, upate kuona.

19 Wote niwapendao mimi nawakemea, na kuwarudi; basi uwe na bidii, ukatubu.

20 Tazama, nasimama mlangoni, nabisha; mtu akiisikia sauti yangu, na kuufungua mlango, nitaingia kwake, nami nitakula pamoja naye, na yeye pamoja nami”.

Mfungulie mlango wa moyo wako leo kwa kutubu na kumaanisha kuziacha dhambi zako na yeye atakupokea…Toka kwenye kamba za madhehebu ambazo zinakufungia mlango wa maarifa na kukufanya usimjue Mungu kama unavyotakiwa kumjua.

Bwana akubariki sana..Kwa Mwendelezo >>>Ufunuo: Mlango wa 9

Ikiwa utapenda tuwe tunakutumia mafundisho ya Neno la Mungu ya mara kwa mara,  kwa njia ya whatsapp basi tutumie ujumbe kwenye namba hii +255789001312. Na kama utapenda kwa njia ya E-mail basi tuandikie email yako katika boksi la maoni chini. jiunge na channel yetu Kwa kubofya hapa >> WHATSAPP

Mada Zinazoendana:

KUFUKIZA UVUMBA NDIO KUFANYAJE?

NINI MAANA YA KUTOKA KATIKA MADHEHEBU?

UMEPATA UHAKIKA WA KUTOKUINGIA HUKUMUNI KATIKA SIKU ILE?

ALIPO NA ATAKAPOKUWEPO BIBI-ARUSI WA YESU KRISTO.

Rudi Nyumbani

Print this post

Jina la Bwana wetu Yesu litukuzwe!..Maandiko yanatuambia Yesu ndiye njia, kweli na Uzima mtu hafiki kwa Baba isipokuwa kwa njia yake yeye. Ikiwa na maana kuwa hakuna namna yoyote ya kuiona mbingu nje ya Yesu Kristo, yaani unapoizungumzia mbingu unamzunguzia Bwana Yesu. Yeye ndio lile lango na ufunguo wa kuingia mbinguni(Yohana 10:9-16).

Kwa Neema za Bwana leo tutajifunza juu ya UKWELI UNAOPOTOSHA. Si kila ukweli unaozungumzwa lengo lake ni kumwelekeza mtu katika njia ya kweli…Ukweli mwingine lengo lake ni kupotosha!…Kwahiyo upo ukweli unaompeleka mtu kwenye njia sahihi na upo ukweli unapompeleka mtu kwenye njia ya upotofu.

Hebu tafakari hili tukio lifuatalo…

Matendo 16:16 “Ikawa tulipokuwa tukienda mahali pale pa kusali, kijakazi mmoja aliyekuwa na pepo wa uaguzi akatukuta, aliyewapatia bwana zake faida nyingi kwa kuagua.

17 Akamfuata Paulo na sisi akipiga kelele, akisema, Watu hawa ni watumishi wa Mungu aliye juu, wenye kuwahubiria njia ya wokovu.

18 Akafanya hayo siku nyingi. Lakini Paulo akasikitika, akageuka akamwambia yule pepo, Nakuamuru kwa jina la Yesu Kristo, mtoke huyu. Akamtoka saa ile ile”.

Katika tukio hili unaona Mtume Paulo na mwenzake walikutana na mwanamke mmoja kijakazi aliyekuwa na pepo la uaguzi, kwasasa tunaweza kusema alikuwa ni mganga wa kienyeji..Na Yule mwanamke alipowaona tu wakina Paulo, akawatambua hivyo akapaza sauti na kusema ‘hawa ni watumishi wa Mungu aliye juu wenye kuwahubiria watu njia ya wokovu’…Sasa hapo alikuwa hawaambii wakina Paulo, bali alikuwa anawaambia watu waliokuwa karibu kando kando ya hilo eneo.

Lakini kama tunavyosoma Paulo alihuzunika, akalikemea lile pepo likamtoka?…Unaweza ukajiuliza kwanini Paulo ahuzunike?…angepaswa afurahi kwasababu Yule mtu kazungumza ukweli kuwa wao ni wakina nani, isitoshe kakiri hadharani mbele ya watu wote kuwa wao ni watumishi wa Mungu. Lakini Paulo hakufanya hivyo kwasababu aliijua nia na lengo shetani.

Sasa endapo Mtume Paulo na mwenzake wangekubali zile sifa…ni wazi kuwa moja kwa moja Yule mwanamke angezidi kuaminiwa na watu zaidi ya wakina Paulo wenyewe…Watu wangemheshimu Yule mwanamke kwa kuwa na uwezo mkubwa wa kujua siri za ndani,..na hivyo watu endapo wangepatwa na matatizo wasingewatafuta wakina Paulo watumishi wa Mungu..wangemtafuta Yule mwanamke mwenye uwezo wa kutambua mambo ya ndani sana, Na matokeo yake mwanamke Yule angezidi kupata jina kuliko wakina Paulo..Hilo ndilo lilikuwa lengo la shetani.

Unajua kuna njama Fulani huwa wanazozitumia wafanya biashara waliofanikiwa ili wawavutie wateja kwao…wanachofanya ni kuwaambia wateja wao ukweli, utakuta mtu atafika labda katika duka lake, na endapo mteja akikosa hiyo bidhaa aliyokuwa anaitafuta…utaona Yule mwuzaji anamwelekeza sehemu nyingine iliyo sahihi ya kuipata hiyo bidhaa…na Yule mteja akienda hiyo sehemu aliyoelekezwa na kupata alichokuwa anakitafuta…hataliamini lile duka alilokwenda kununulia bidhaa bali atamwamini zaidi Yule aliyemwelekeza kwenye hilo duka…kwahiyo mwisho wa siku Yule mteja atakuwa kila akihitaji kitu anamrudia Yule mtu wa kwanza, kwasababu anajua ni muwazi na mwaminifu. Na wafanyabiashara werevu huwa wanajua kabisa ukitaka upoteze soko lako poteza uaminifu na uwazi kwa wateja wako…

Na ndio haya mapepo yalichokuwa yanataka kufanya hapa…yalikuwa yanataka kutengeneza jina (GOODWILL) kwa wateja wake.

Ndio maana Paulo alilikemea lile pepo mara moja na lilipotoka ndipo uwezo wa Mungu ukadhihirika, watu wote wakajua kuwa kumbe nguvu zilizokuwepo ndani ya Yule mwanamke ni ndogo kuliko zilizokuwepo ndani ya Paulo na wenzake…na hivyo lengo la shetani likaharibika palepale. Kwahiyo si kila ukweli unaozungumzwa unakuwa na lengo zuri.

Ndio maana utaona sehemu nyingi sana Bwana Yesu aliyazuia mapepo yasimdhihirishe…utaona sehemu nyingi alizokuwa akipita yalikuwa yanapiga kelele “wewe ndio mwana wa Mungu” n.k na Bwana alikuwa anayakemea, yanyamaze.

Na pia utaona Edeni jambo lililotokea ni hilo hilo, nyoka alimwambia Hawa ukila matunda utakuwa kama Mungu ukijua mema na mabaya…ni kweli hakumwambia uongo, alimwambia ukweli kabisa! lakini ukweli wenye kupotosha maana alipokula lile tunda alikuwa kweli kama Mungu kwa kujua mema na mabaya hata Mungu mwenyewe alishuhudia hilo, lakini ni ukweli ulioambatana na kifo…madhara yake utaona ndio yale utaona alishushwa na kuwa mdogo zaidi hata ya mume wake…ndio maana akaambiwa atatawaliwa na mumewe. Halikuwa lengo Mungu mwanadamu amtawale mwanadamu mwenzake. Hayo ndio madhara ya ukweli unaopotosha.

Na pia lengo lingine la shetani lilikuwa ni kutaka kupandikiza roho ya kiburi ndani ya wakina Paulo, mioyo yao inyanyuke ili wajione kuwa wanaupako..Na shetani anajua Mungu hapendi kiburi au mtu anayejikweza na hivyo wangeshushwa.

Lakini hebu leo hii, mapepo yazungumze na mtumishi yeyote na kuanza kumsifia uone kama mtu huyo hatanyanyuka moyo, utaona ndio atatumia hiyo fursa hata kuyauliza maswali, kumbe hajui huku nyuma nia ya shetani ni nini..Ndugu usisikilize ukweli wa shetani, ni ukweli unaopotosha….usisikilize mahubiri ya shetani, ni mahubiri kweli ya Neno la Mungu lakini ndani yake yanalengo la kupotosha…

Wakati shetani anamjaribu Bwana Yesu kule jangwani alikuwa anamwambiaje??…alikuwa anazungumza ukweli kabisa wa kimaandiko kwamba “jitupe kwa maana imeandikwa atakuagizia malaika zake wakulinde usijikwae”…Huo ni ukweli kabisa shetani anaouzungumza…lakini ni ukweli wenye lengo lingine tofauti na lile lililokusudiwa kwenye huo mstari.

Hivyo biblia inatuonya tuwe waerevu…tuzichunguze roho, sio tuchunguze miili, hapana bali roho na sifa zinazoletwa mbele yetu…

Bwana akubariki sana. jiunge na channel yetu Kwa kubofya hapa >> WHATSAPP

KANUNI RAHISI YA KUFANIKIWA.

NGUVU YA HEKIMA NA AKILI

RACA

WATU WASIOJIZUIA.

Rudi Nyumbani

Print this post

Jina la Bwana wetu Yesu Kristo lisifiwe, nakukaribisha mtu wa Mungu tujifunze Maneno ya uzima, na leo tutajifunza ni kwanini Mungu alitaka kumuua Musa mwanzoni kabisa mwa huduma yake japokuwa yeye mwenyewe ndio aliyemuita na kumthibitishia kuwa atakuwa pamoja naye. Tukilifahamu hilo kwa undani itatusaidia na sisi kuielewa tabia ya Mungu, na hivyo kuchukua hatua stahiki tusije tukajikuta tunaangamia kwa uzembe fulani.

Tunafahamu sababu kubwa iliyomfanya Musa akimbie kule Misri ni ile hali ya yeye kutetea chimbuko lake (yaani la Kiebrania), tunaona alipomuua Yule Mmisri aliyekuwa anapigana na Mwebrania alikimbilia nyikani kwa Wamidiani na hakurudi tena Misri mpaka miaka 40 ilipoishia, sasa huo wakati wote alipokuwa katika Ardhi ile ni wakati ambao Mungu alikuwa anampitisha Musa katika madarasa ya kimaisha afahamu vizuri chimbuko lake, Mungu “alimtweza”, hicho kipindi chote, hivyo akafahamu vizuri asili yake, huku akisaidiwa na mkwewe Yethro, ambaye ndiye alimpa binti yake aliyeitwa Sipora awe mkewe, Wote hawa walikuwa ni wazao wa Ibrahimu isipokuwa kwa mama tofauti, Waisraeli walitoka kwa Sara, lakini Wamidiani (yaani wakina Yethro mkwewe Musa), walitokea kwa mke mdogo aliyeitwa Ketura ambaye Ibrahimu alimtwaa baada ya Sara kufa.

Hivyo wote walikuwa ni ndugu, na wote walimwabudu Mungu mmoja, sasa kumbuka wakati huo Torati ilikuwa bado haijafika, kwani Torati ilikuja kutolewa na Musa, lakini lilikuwepo agizo moja KUU ambalo Ibrahimu alipewa na Mungu kwa wazao wake wote, kama dalili ya agano aliloingia yeye na Ibrahimu, na agizo hilo lilikuwa ni TOHARA kwamba wazao wake wote watahiriwe, Hivyo mtoto yoyote anayezaliwa bila kupoteza muda siku ya 8 anapaswa atahiriwe kisha apewe jina..Na kwa kufanya hivyo atakuwa tayari kashahesabika kuwa ni mazao wa Ibrahimu mrithi wa Baraka zote Mungu alizomwahidia Ibrahimu na uzao wake.

Hivyo watoto wote wa Ibrahimu walitahiriwa, haikujalisha ni wa mke yupi ni wa kijakazi Hajira, au wa Sara au wa Ketura…haikujalisha hiyo, wote walitahiriwa kufuata maagizo waliyopewa.. Hivyo ilikuwa ni jambo la ajabu na la kushangaza itokee mzao yoyote mpaka amefikia mtu mzima hajatahiriwa,kwanza ulikuwa unaonekana ni kafiri, na unatengwa na jamii yote, Kama tu walikuwa hawashirikiani kwa chochote na mataifa ambayo hawajatahiriwa unadhani ukiitwa mzao wa Ibrahimu halafu hujatahiriwa utachukuliwaje?. Sio tu wazao wa Ibrahimu watakukataa bali pia Mungu mwenyewe atakukataa.

Sasa Musa alilifahamu hilo, mpaka akazaa watoto, lakini hakuliweka akilini kuwa kila mzao wa Ibrahimu wa kiume anapaswa atahiriwe, yeye alipuuzia, alilichukulia kiwepesi wepesi tu, kama jambo lisilokuwa na umuhimu mkubwa kwenye mambo ya rohoni na hivyo mpaka akazaa mtoto,akakua mkubwa, siku ya 8 ikipita, mwezi ukapita, miaka ikapata yupo naye tu…

Wakati huo wote Mungu hakumsemesha chochote, mpaka ikafikia wakati Mungu alipomwita kule mlimani, na kumpa maelekezo ya kwenda kuwaokoa wana wa Israeli, Mungu akamthibitishia kuwa atakuwa naye, kwa miujiza na ishara kubwa..

Na ndivyo ilivyo leo hii watu wanaona Mungu akitembea nao kwa ishara kubwa na miujiza wanapumbazika wakidhani kuwa hiyo yote ni kwasababu Mungu amependezwa nao.

Lakini angalia kilichomtokea Musa, kumbe huku nyuma Mungu alikuwa amepanga kumuua, kabla hata hajafika mbali, akiwa njiani usiku, Yule malaika ambaye alienda kuwaua wazaliwa wa kwanza wa Wamisri alikuwa ameshaandaliwa kumamliza Musa habari yake iwe imeishia pale pale.

Lakini mke wake Sipora kuona vile aligundua kuwa ni lile kosa la mume wake kuwa mzembe kutotimiza maagizo ya Mungu kwa mwanae, hivyo alichofanya haraka, alidhubutu kwenda kinyume cha taratibu akachukua jiwe kali akakata govi la mwanae, japo Sipora hakupendezwa na kitendo kile na ndio maana akamwambia Musa “Hakika wewe u bwana arusi wa damu kwangu mimi.” Hayo tunayasoma katika kitabu cha Kutoka:

Kutoka 4:24 “Ilikuwa walipokuwa njiani mahali pa kulala, Bwana akakutana naye akataka kumwua.

25 Ndipo Sipora akashika jiwe gumu na kuikata govi ya zunga la mwanawe, na kuibwaga miguuni pake akasema. Hakika wewe u bwana arusi wa damu kwangu mimi.

26 Basi akamwacha. Ndipo huyo mkewe akanena, U bwana arusi wa damu wewe, kwa ajili ya kutahiri.”

Unaona, Musa alipata neema tu kwa Mungu pamoja maono yake makubwa ya kwenda kuwaokoa wana wa Israeli lakini asingefika mbali. Mambo kama hayo hayo yalimtokea Balaamu, aliambiwa asiwalaani Israeli lakini yeye akakang’ang’ania kwenda kule kwa Balaki ambako Mungu amemwambia asiende….lakini yeye akakazana kung’ang’ania kwenda mwishowe Mungu akamruhusu aende na kumpa maagizo ya kufanya huko aendako…. lakini kumbe njiani Mungu a alikuwa amepanga kumuua, Ni Punda tu ndio aliyemsaidia vinginevyo safari yake ingeishia pale (Hesabu 22).

Ndugu, Ni vizuri tukaitambua tabia ya Mungu ili na sisi yasitukute kama hayo, Leo hii Sipora wala Punda hawapo. Kumbuka wakati ule Tohara ya mwili ilikuwa ni muhimu mpaka Mungu alitaka kumuua Musa kwa uzembe wa Tohara ambayo si ya kwake, itakuwaje wewe ambaye sasahivi unaipuuzia tohara ya Roho yako ambayo hiyo inanguvu mara nyingi sana kuliko ile ya mwilini.

Biblia inasema:

Warumi 2:28 “Maana yeye si Myahudi aliye Myahudi kwa nje tu, wala tohara siyo ile ya nje tu katika mwili;

29 bali yeye ni Myahudi aliye Myahudi kwa ndani, na tohara ni ya moyo, katika roho, si katika andiko; ambaye sifa yake haitoki kwa wanadamu bali kwa Mungu”.

Utasema, mbona Mungu huwa ananionyeshaga maono?, mbona huwa kila siku ananishuhudia kwenye ndoto mimi ni mteule wake, Mbona huwa ananitumia kutenda miujiza na maajabu, mbona huwa anajibu maombi yangu, mbona huwa ananipigania katika biashara zangu na shughuli zangu na mambo yangu yote, ..Lakini nataka nikuambie kama hujatolewa govi katika moyo wako, KIFO KITOKACHO KWA BWANA KIPO MBELE KINAKUNGOJA.

Sasa swali TOHARA hii YA ROHO ZETU INAFANYIKAJE?

Wakolosai 2:11 “Katika yeye [YESU KRISTO] mmetahiriwa kwa tohara isiyofanyika kwa mikono, kwa kuuvua mwili wa nyama, kwa tohara ya Kristo.

12 Mkazikwa pamoja naye katika UBATIZO; na katika huo mkafufuliwa pamoja naye, kwa kuziamini nguvu za Mungu aliyemfufua katika wafu.”

Unaona hapo, tohara iliyosahihi baada ya kuamini kwa mkristo, kwa kuyaacha maisha yake ya kale, ni KUBATIZWA, kama ishara ya kwamba umekufa pamoja naye na kufufuka pamoja naye. Watu wengi wanapuuzia haya maagizo marahisi wanayaweka kando halafu wanataka kwenda kumtumikia Mungu..

Wanapumbazika pale wanapoona ishara zikifuatana nao, lakini kumbe Mungu kaweka kifo mbele yao, ndugu weka kwanza msingi wako imara ndipo nyumba itasimama, utawahubiria nini watu wamfuate Kristo wakati wewe mwenyewe huamini katika tohara ya Roho yako na katika ubatizo ambao Bwana wako alikuwa ni mkamilifu aliuendea wewe ni nani usifanye?…

Ikiwa wewe ulishamwamini Kristo, au ndio unampokea leo hii, usikawie kwenda kubatizwa ipasavyo ili kutimiliza haki yote. Na kumbuka pia ubatizo sahihi ni ule wa kuzamwishwa katika maji mengi na uwe ni katika JINA LA YESU KRISTO ambalo ndilo jina la Baba na mwana na Roho Mtakatifu..sawasawa na mitume walivyobatiza (katika Matendo 2:38, 8:16, 10:48, 19:5).

Hivyo Ikiwa unajiiona wewe ni nabii mkuu zaidi ya Musa, au mtu wa rohoni, basi uyatumbue ya kuwa hayo ni maagizo ya Mungu.jiunge na channel yetu Kwa kubofya hapa >> WHATSAPP

JE! UMEBATIZWA UBATIZO SAHIHI?

JE! UNAWEZA KUBATIZWA NA USIPOKEE ROHO MTAKATIFU?. NA JE! UNAWEZA KUPOKEA ROHO MTAKATIFU KWA KUWEKEWA MIKONO?

JE, KAMA HAUNA UBATIZO SAHIHI HAUWEZI KUWA NA ROHO MTAKATIFU?

JE! NI HALALI KUTOA CHETI KWA WAKRISTO WANAOOA?

Rudi Nyumbani

Print this post

Jina la Bwana wetu Yesu Kristo libarikiwe…Karibu tujifunze Neno la Mungu,.

Mojawapo ya jambo linalochanganya watu wengi wa Mungu..Na hata mimi lilikuwa linanichanganya mwanzoni sana wakati nampa Bwana maisha yangu…Ni jinsi ya “kuwatambua watumishi wa uongo”. Nilikuwa nachanganyikiwa kuona mtu anafanya miujiza kwa jina la Yesu, anatoa pepo, anamwombea mtu anapona, anaona maono, anatoa unabii n.k lakini bado mtu huyo huyo ni mkorofi, ni mtu mzinzi, mtukanaji, ni mtu wa majivuno n.k…Nilikuwa nipo njia panda sana inawezekanikaje mtu akawa hivyo na Mungu bado yupo naye. Nilipojaribu kuwashirikisha baadhi ya watu kwanini jambo hilo linatokea, wengi wakaniambia wanatumia nguvu za giza. Wanakwenda kwa waganga kupokea nguvu za kichawi kisha wanakuja madhabahuni kufanya wanayoyafanya.

Lakini baada ya kujifunza zaidi, nilikuja kufahamu kuwa wengi wao hawatumii nguvu za giza hata kidogo. Leo tutajinza kwa kutumia Biblia ni kwanini hawatumii nguvu za giza.

Ni kweli wapo ambao wanatumia nguvu za giza kufanya miujiza, lakini hao hatutawazungumzia kwasasa kwasababu si wengi sana kama wale ambao hawatumii nguvu za giza.

Tukisoma biblia tunamwona Nabii mmoja ambaye alikwenda kinyume na maagizo ya Mungu, kwani aliambiwa baada ya kutoa unabii kwa mfalme Yeroboamu aondoke na asirudie njia aliyoipitia, na pia asizungumze na mtu njiani. Lakini ukisoma habari ile utaona alidanganywa na nabii mwenzake akayaacha maagizo ya Mungu na hivyo ikawa mauti kwake. Hebu tenga muda usome hichi kisa kwa utulivu kisha tutaendelea.

1 Wafalme 13: 6 “Mfalme akajibu, akamwambia yule mtu wa Mungu, Umsihi sasa Bwana, Mungu wako, ukaniombee, ili nirudishiwe mkono wangu tena. Yule mtu wa Mungu akamwomba Bwana mkono wa mfalme ukarudishwa tena, ukawa kama ulivyokuwa kwanza.

7 Mfalme akamwambia mtu wa Mungu, Karibu nyumbani kwangu ujiburudishe, nami nitakupa thawabu.

8 Mtu wa Mungu akamwambia mfalme, Ujaponipa nusu ya nyumba yako, sitaingia pamoja nawe, wala sitakula chakula, wala sitakunywa maji mahali hapa;

9 maana ndivyo nilivyoagizwa kwa neno la Bwana, kusema, Usile chakula cho chote wala usinywe maji, wala usirudi kwa njia ile uliyoijia.

10 Basi akaenda zake kwa njia nyingine, wala hakurudi kwa njia ile aliyoijia Betheli.

11 BASI NABII MMOJA MZEE alikuwa akikaa katika Betheli; na wanawe wakamwendea wakamwambia kila neno alilolitenda yule mtu wa Mungu siku ile katika Betheli; na maneno aliyomwambia mfalme, hayo nayo walimwambia baba yao.

12 Baba yao akawaambia, Amekwenda zake kwa njia ipi? Kwa maana wanawe walikuwa wameiona njia ile aliyoiendea yule mtu wa Mungu aliyetoka katika Yuda.

13 Akawaambia wanawe, Nitandikieni punda. Wakamtandikia punda, naye akampanda.

14 Akamfuata mtu wa Mungu, akamkuta ameketi chini ya mwaloni, akamwambia, Je! Wewe ndiwe yule mtu wa Mungu aliyetoka katika Yuda? Akamwambia, Mimi ndiye.

15 Akamwambia, Karibu kwangu nyumbani, ule chakula.

16 Naye akamwambia, Siwezi kurudi pamoja nawe, wala kuingia pamoja nawe; wala sili chakula wala sinywi maji pamoja nawe hapa;

17 kwani nimeambiwa kwa neno la Bwana, Usile chakula wala usinywe maji huko, wala usirudi kwa njia ile uliyoijia.

18 Akamwambia, Mimi nami ni nabii kama wewe, na malaika akaniambia kwa neno la Bwana, kusema, Mrudishe pamoja nawe nyumbani kwako, ale chakula, akanywe maji. Lakini alisema uongo.

19 Basi mtu yule akarudi pamoja naye, akala chakula, akanywa maji nyumbani mwake.

20 Hata ikawa, walipokuwa wameketi mezani, neno la Bwana likamjia nabii yule aliyemrudisha;

21 akamlilia yule mtu wa Mungu aliyetoka katika Yuda, akinena, Bwana asema hivi, Kwa sababu umeiasi kauli ya Bwana, wala hukuishika amri ile aliyokuamuru Bwana, Mungu wako,

22 bali umerudi, ukala chakula ukanywa maji, hapo alipokuambia, Usile chakula, wala usinywe maji; maiti yako haitaliingia kaburi la baba zako.

23 Basi ikawa, alipokwisha kula chakula na kunywa maji, yule nabii aliyemrudisha akamtandikia punda.

24 Na alipokuwa amekwenda zake, simba alimkuta njiani, akamwua. Maiti yake ikatupwa njiani, na yule punda akasimama karibu naye; na yule simba naye akasimama karibu na maiti”.

Sasa kama umeelewa habari hiyo utaona kuwa huyo Nabii Mzee alimdanganya huyo nabii mwingine…lakini baadaye Mungu akampa maono huyo nabii mzee amwambie huyo nabii mwingine aliyedanganywa kuwa atakufa kwa kulikaidi Neno la Mungu.

Sasa hapo unaweza ukajiuliza kwanini Mungu aendelee kumpa maono Yule nabii mzee aliyemwambia uwongo mwenzake na kumsababishia mauti..Hiyo inadhihirisha kuwa MTU ANAWEZA KUONA MAONO na Bado akawa mtenda dhambi..mtu anaweza kuwa mwongo au mwasherati na bado Mungu akaendelea kumpa maono. Unaona?..inaogopesha sana!. Huyu nabii Mzee hapa hakutumia nguvu za giza kumtabiria kuwa atakufa. Hapana bali alitabiri kwa uweza wa Mungu. Alifanya dhambi kuzungumza uwongo, lakini Mungu hakumpokonya karama aliyokuwanayo ya kinabii. Na kama hakutubia dhambi hiyo mpaka kufa basi siku ya hukumu atakwenda kwenye ziwa la moto.

Ndio maana Bwana Yesu alisema..

Mathayo 7: 22 “Wengi wataniambia siku ile, Bwana, Bwana, hatukufanya unabii kwa jina lako, na kwa jina lako kutoa pepo, na kwa jina lako kufanya miujiza mingi?

23 Ndipo nitawaambia dhahiri, Sikuwajua ninyi kamwe; ondokeni kwangu, ninyi mtendao maovu”.

Hapo anasema “hatukufanya unabii kwa jina lako?”… ikiwa na maana kuwa sio kwa nguvu za mapepo bali kwa jina lake…Mfano wa huyo nabii aliyemdanganya mwenzake na baadaye akamtolea unabii kwa jina la Bwana…Lakini Bwana Yesu anasema watu wengi wa namna hiyo siku ile atawafukuza na kuwaambia siwajui kamwe…ondokeni kwangu ninyi mtendao maovu.

Hivyo ndugu hapo tunajifunza kuwa, usiangalia karama uliyonayo au mtu mwingine anayejiita mtumishi aliyonayo…bali jiangalie matendo yako ndipo ujihukumu kuwa upo sawa na Mungu au la! Usijiangalie karama yako ya kuimba ukadhani hichi ndicho kinachompendeza Mungu, au karama yako ya kiualimu, au karama yako ya kunena kwa lugha, au karama yako ya kinabii, unaona maono mengi mpaka ya kitaifa ukadhani wewe ni spesheli sana kwa Mungu…badala yake jiangalie ndani yako je! Unayatenda mapenzi ya Mungu je! Kuna utakatifu ndani yako??.

Unaweza ukawa kila anayekuja kwako ukimwombea anapona au tatizo lake linaondoka…au kila anayekuja kwako Bwana anakufunulia tatizo lake kwenye maono…lakini bado ukawa mbali na Mungu…Unaweza ukawa umetokewa na malaika au Bwana Yesu mwenyewe lakini siku ile akakwambia sikujui…Mungu anaweza akawa anaongea na wewe kila siku na kukupa maagizo ya kufanya hichi na kufanya kile kama alivyompa huyu Nabii Mzee, lakini siku ile bado akakukataa..Balaamu alikuwa ni nabii anayezungumza na Mungu na kupokea maagizo kutoka kwa Mungu lakini bado alikuwa ni mchawi.

Biblia inasema wazi katika Waebrania 12:14 kwamba PASIPO UTAKATIFU HAKUNA MTU ATAKAYEMWONA MUNGU.

Hivyo ni wakati wa kutafuta kuyatenda mapenzi ya Mungu ambao ndio utakatifu, Na si kuangalia upako wala karama kama uthibitisho wa kuwa Mungu yupo pamoja na sisi.Ikiwa karama itafuata baada ya utakatifu hiyo ni vizuri sana. Vile vile si wakati wa kumhukumu mtumishi wa ukweli au wa uwongo kwa karama anazozidhihirisha..bali tutawatambua kwa matunda yao biblia inatuambia hivyo (Mathayo 7:16)…na Matunda yanayozungumziwa hapo ni matendo yao…

Bwana akubariki.jiunge na channel yetu Kwa kubofya hapa >> WHATSAPP

Mada Zinazoendana:

NITAIFAHAMU VIPI KARAMA YANGU?

 KARAMA YA ILIYO KUU NI IPI?

KARAMA YA MUNGU NI IPI?

JE KUNENA KWA LUGHA MPYA KUKOJE? NA HIZI LUGHA NI ZIPI, NA JE! NI LAZIMA KILA MKRISTO ALIYEPOKEA ROHO MTAKATIFU ANENE KWA LUGHA MPYA?.

Rudi Nyumbani

Print this post

Jina la mwokozi wetu Yesu Kristo, lisifiwe daima. Nakukaribisha tushiriki pamoja Baraka za rohoni. Leo tutaitazama kauli hii moja ambayo Bwana Yesu aliitoa siku ile kwa wanafunzi wake baada ya kuwaagiza mambo yote ya kufanya na kuwaaga, alimalizia na kusema..

Mathayo 28:20 “….. na tazama, mimi nipo pamoja nanyi siku zote, hata ukamilifu wa dahari”.

Kauli ni nyepesi kuisikia ni ya faraja kuisikia lakini imebeba tafsiri kubwa sana nyuma yake…Kwa lugha rahisi ni hii kama mbeleni Bwana Yesu asingeona kuwa watahitaji msaada wake asingewaambia maneno hayo, asingeona kama mbeleni kuna shida, asingewaambia maneno hayo, kama asingeona mbeleni kuna milima na mabonde bado asingewaambia kauli hiyo, kwani wangekuwa na uwezo wa wenyewe kutembea katika raha mpaka siku atakapokuja kuwachukua tena.

Lakini aliona kuna vifungo vingi mbeleni vinawasubiria watu wake, na hivyo watahitaji mtu wa kuwatia moyo, aliona kuna magonjwa mengi mbeleni hivyo watahitaji mtu wa kuwaponya, aliona kuna kuchukiwa na kutengwa kwa ajili ya jina lake hivyo watahitaji mtu wa kuwafariji na kuwa nao karibu, aliona kuna wakati watu wake watashindwa kujua jambo la kufanya na hivyo watahitaji mshauri wa karibu, aliona wataonewa na wenye dhambi na hivyo watahitaji mtetezi, aliona watapita katika bonde la uvuli wa mauti hivyo watahitaji mchungaji wa kuwaongoza, aliona kuwa wakati watazungukwa na maadui pande zote hivyo watahitaji mlinzi,..n.k. Yote hayo Bwana aliyaona mbeleni na ndio iliyokuwa sababu ya yeye kuitoa kauli kama ile kwa wanafunzi wake.. “NA TAZAMA, MIMI NIPO PAMOJA NANYI SIKU ZOTE, HATA UKAMILIFU WA DAHARI.” Dahari maana yake ni “nyakati au muda”..kwahiyo hapo Bwana alimaanisha atakuwa pamoja nao mpaka mwisho wa nyakati au muda, au kwa lugha nyepesi zaidi tunaweza kusema mpaka mwisho wa dunia.

Sasa utaona huko nyuma alishakwisha kuwaambia..katika Yohana 16.33 “Hayo nimewaambieni mpate kuwa na amani ndani yangu. Ulimwenguni MNAYO DHIKI; lakini jipeni moyo; mimi nimeushinda ulimwengu..”

Hii inatufundisha watakatifu wanaomngojea Bwana, kuwa wavumilivu…Ndugu usikatishwe tamaa na dhiki hizi za kitambo kifupi. Wakati mwingine katika safari yako utakapokutana na misukosuko kwa ajili ya YESU, wala usidhani unayo bahati mbaya, badala yake JIPE MOYO, kwani ni mambo yaliyokwisha tabiriwa yatawakuta waaminio wote, hivyo uwe na uhakika kuwa unapopitia hayo Bwana YESU yupo pembeni yako kukuhudumia kwa namna usiyoijua wewe, anakuwazia mawazo yaliyo mema siku zote, hatauacha mguu wako ujikwae kamwe, haijalishi mawimbi yamekuwa mazito kiasi gani Hutakufa UTAISHI! Nawe utayasimulia matendo ya Bwana (Zab 118:17) ikiwa bado unamshikilia tu huiachi imani, atakupa nguvu ya ajabu ya kuendelea mbele, ulimwengu utashangaa inakuwaje huyu mtu anapitia hali hii mbaya lakini hatetereki katika Imani, hiyo yote hawajui kuwa ni kwasababu ile Ahadi ya Kristo inatimia juu yako kuwa atakuwa pamoja nawe siku zote mpaka utimilifu wa dahari. Hivyo nataka nikuambie JIPE MOYO, mtazame Yesu songa mbele.

Lakini kumbuka ndugu ahadi hii ni kwa wale wanafunzi wa Kristo tu, sio kila mtu, swali Je! Wewe ni mwanafunzi wa Kristo?. ikiwa bado upo kwenye dhambi, ukweli ni kwamba huna mfariji, wala mwombezi, wala mtetezi, wala mshauri. Wewe ni yatima haijalishi una ndugu wengi wa mwilini kiasi gani… una utajiri wa nje mwingi kiasi gani bado ni maskini, au unayo afya kiasi gani, wewe ni bado ni mgonjwa tu!..huna ulinzi wowote ndani yako, ni nyumba isiyokuwa na msingi, ambayo siku yoyote inaweza kudondoka, Na ndio maana unashindwa kustahimili mawimbi yote ya ibilisi yanayokuja juu yako ni kwasababu hujajengwa juu ya MWAMBA.

Zaburi 1: 4 “Sivyo walivyo wasio haki; Hao ni kama makapi yapeperushwayo na upepo”.

Ufunuo 3: 17 “Kwa kuwa wasema, Mimi ni tajiri, nimejitajirisha, wala sina haja ya kitu; nawe hujui ya kuwa wewe u mnyonge, na mwenye mashaka, na maskini, na kipofu, na uchi.

18 Nakupa shauri, ununue kwangu dhahabu iliyosafishwa kwa moto, upate kuwa tajiri, na mavazi meupe upate kuvaa, aibu ya uchi wako isionekane, na dawa ya macho ya kujipaka macho yako, upate kuona.

19 Wote niwapendao mimi nawakemea, na kuwarudi; basi uwe na bidii, ukatubu.

20 Tazama, nasimama mlangoni, nabisha; mtu akiisikia sauti yangu, na kuufungua mlango, nitaingia kwake, nami nitakula pamoja naye, na yeye pamoja name”.

Lakini leo hii habari njema ni kuwa Yesu bado anagonga kwenye milango ya mioyo ya watu, mkaribishe sasa, ayageuze maisha yako, atembee na wewe , afanyike kuwa mchungaji wako mpaka siku ya ukombozi wako,ili utembee kwa ujasiri hata ukifa leo ujue unapokwenda.

Ubarikiwe sana. jiunge na channel yetu Kwa kubofya hapa >> WHATSAPP

Print this post

Nilipokuwa mdogo, kulikuwa na wakati kaka yetu mara nyingi alikuwa kila akitoka shule ni lazima arudi na zawadi siku nyingine alikuwa anapitia bakery anatuletea sambusa za nyama n.k., sasa alikuwa anamnunulia kila mtu ya kwake, lakini mimi na mwenzangu tulikuwa na tabia moja, alipotugawia za kwetu, tulikuwa tunazila haraka haraka, ili ziishe haraka tuanze kuwaomba wengine kabla za kwao hazijaisha…mpaka tunamrudia Yule aliyetuletea zawadi, mwanzoni anatufukuza kabisa tusimkaribie, lakini sisi tulikuwa hatuachi kumsumbua unaona kabisa amekasirika, kaudhika lakini tunazidi kumwomba tu, anatuambia tukiendelea kumsumbua sasa atatupiga, lakini tulikuwa hatuachi kumsumbua kama vile nzi, anatuonya tena, na tena kwa ukali na hasira kuwa atatupiga huku hasira zikiwa zimemjaa, lakini sisi tukiwa katika hatari ya kupigwa hatuachi kumwomba atugawie kidogo, mwisho wa siku anaona bora acheke tu, anasema haya njooni, anaigawanya sambusa mara mbili nusu anampa mmoja na nusu mwingine.

Alianza kwa hasira lakini mwisho wa siku anaishia kwa kucheka tu, anasema ngoja niwape wasizidi kunisumbua, hizi ni kanuni ambazo zipo katika maisha yetu, unapokazana kung’ang’ania kitu Fulani utakipata tu hata iweje, ndio maana hata Bwana alitoa mfano unaofanana na huo na kusema.,

Luka 18.1 “Akawaambia mfano, ya kwamba imewapasa kumwomba Mungu sikuzote, wala wasikate tamaa.

2 Akasema, Palikuwa na kadhi katika mji fulani, hamchi Mungu, wala hajali watu.

3 Na katika mji huo palikuwa na mwanamke mjane, aliyekuwa akimwendea-endea, akisema, Nipatie haki na adui wangu.

4 Naye kwa muda alikataa; halafu akasema moyoni mwake, Ijapokuwa simchi Mungu wala sijali watu,

5 lakini, kwa kuwa mjane huyu ananiudhi, nitampatia haki yake, asije akanichosha kwa kunijia daima.

6 Bwana akasema, Sikilizeni asemavyo yule kadhi dhalimu.

7 Na Mungu, je! Hatawapatia haki wateule wake wanaomlilia mchana na usiku, naye ni mvumilivu kwao?

8 Nawaambia, atawapatia haki upesi; walakini, atakapokuja Mwana wa Adamu, je! Ataiona imani duniani?”

Unaona, mfano mwingine ni huu:

Luka 11:5 “Akawaambia, Ni nani kwenu aliye na rafiki, akamwendea usiku wa manane, na kumwambia, Rafiki yangu, nikopeshe mikate mitatu,

6 kwa sababu rafiki yangu amefika kwangu, atoka safarini, nami sina kitu cha kuweka mbele yake;

7 na yule wa ndani amjibu akisema, Usinitaabishe; mlango umekwisha fungwa, nasi tumelala kitandani mimi na watoto wangu; siwezi kuondoka nikupe?

8 Nawaambia ya kwamba, ijapokuwa haondoki ampe kwa kuwa ni rafiki yake, lakini kwa vile asivyoacha kumwomba, ataondoka na kumpa kadiri ya haja yake.

9 Nami nawaambia, Ombeni, nanyi mtapewa; tafuteni, nanyi mtaona; bisheni, nanyi mtafunguliwa.

10 Kwa kuwa kila aombaye hupokea; naye atafutaye huona; naye abishaye atafunguliwa.”

Hivyo na wewe, leo uliyempa Kristo Maisha yako na kumwishia yeye katika Kanuni zake nataka nikuambie, usikate tamaa katika kumwomba Mungu, wala usimwekee mipaka kwa kile umwombacho..Wapo wengine wanaogopa kumwomba Mungu vitu vikubwa wakidhani kuwa Mungu hawezi kuwatendea, unavyomchukulia Mungu ndivyo atakavyojifunua kwako, yeye atakupa kwa kiwango kile kile ulichompimia yeye..Bwana alisema ombeni lolote kwa jina langu nami nitalifanya(Yohana 14:13), hakutoa masharti ya jambo hilo uliombalo maadamu lipo sawasawa na mapenzi yake..

Hata kama utaona leo wala kesho hujibiwi, usiache kuomba, hata kama itapita miezi, miaka usiache kumsumbua sumbua Mungu, kwani wakati utafika atakupa hitaji lako, kwasababu anasema kila aombaye, kila atafutaye, na kila abishaye, atafunguliwa..hiyo ni lazima, hajasema labda atapata,au labda ataona, badala yake anasema kila aombaye atapata.Kuonyesha ni kauli ya AMRI.

Yakobo 5:16 ‘’………. Kuomba kwake mwenye haki kwafaa sana, akiomba kwa bidii.

17 Eliya alikuwa mwanadamu mwenye tabia moja na sisi, akaomba kwa bidii mvua isinyeshe, na mvua haikunyesha juu ya nchi muda wa miaka mitatu na miezi sita.

18 Akaomba tena, mbingu zikatoa mvua, nayo nchi ikazaa matunda yake’’

Hivyo tumia fursa hiyo kumwomba Mungu, bila kuvunjika moyo, usije ukafika kule, ukasema laiti ningejua nilipokuwa duniani ningemwomba Mungu hiki au kile..Nafasi ipo wazi kwako sasa, mwombe Mungu KARAMA zilizo kuu yaani kipawa vyake vya rohoni, mwombe Mungu akupe ROHO WAKE MTAKATIFU kama bado hujapokea, (hilo ndio jambo kubwa ambalo mwanadamu anaweza kumwomba Mungu) maana huyo ndio chanzo cha vyote ukimpata huyo umeupata ulimwengu mzima.. mwombe bila kukata tamaa, naye atakupa kwa wakati wake. Alisema

Mathayo 11.13 “Basi, ikiwa ninyi mlio waovu mnajua kuwapa watoto wenu vipawa vyema, je! Baba aliye mbinguni hatazidi sana kuwapa ROHO MTAKATIFU HAO WAMWOMBAO?.”

Kumbuka Roho Mtakatifu ndio muhuri wa Mungu, na Roho Mtakatifu ni zaidi ya Kunena kwa Lugha.

Ubarikiwe. jiunge na channel yetu Kwa kubofya hapa >> WHATSAPP

Mada Zinazoendana:

FAIDA ZA MAOMBI.

ELIYA ALIOMBA KWA BIDII HADI AKASIMAMISHA MVUA KUNYESHA KWA MIAKA 3 NA NUSU JE! KUOMBA KWA BIDII NI KUOMBA KWA NAMNA GANI?

AYUBU ALITESEKA KATIKA MAJARIBU KWA MIAKA MINGAPI?

NI JAMBO GANI LINALOMTAMANISHA SANA BWANA TUMWOMBE BILA KUKATA TAMAA?

Rudi Nyumbani

Print this post

Luka 3:7 ‘’Basi, aliwaambia makutano ya wale waliomwendea ili awabatize, Enyi wazao wa nyoka, ni nani aliyewaonya ninyi kuikimbia hasira itakayokuja?

8 Basi, TOENI MATUNDA YAPATANAYO NA TOBA; wala msianze kusema mioyoni mwenu, Tunaye baba, ndiye Ibrahimu; kwa maana nawaambia ya kwamba katika mawe haya Mungu aweza kumwinulia Ibrahimu Watoto.

9 Na sasa hivi shoka limekwisha kuwekwa penye mashina ya miti; basi kila mti usiozaa matunda mazuri hukatwa na kutupwa motoni’’.

Maneno hayo Yohana aliwaambia Wayahudi, ambao kwa kipindi kirefu walikuwa wanajua kuwa wao ndio Taifa teule la Mungu, uzao wa Ibrahimu wana wa Ahadi…Kwamba katika dunia nzima wao pekee ndio walioteuliwa na Mungu kuwa Taifa la Mungu…Na kweli ndivyo walivyokuwa kulingana na ahadi Mungu aliyomwahidia Ibrahimu. Na wapo baadhi waliokuwa wanaishi Maisha ya kumpendeza Mungu lakini wengi wao waliobweteka na kusema ‘sisi ni uzao wa Mungu hata tukifanya hiki au kile Mungu hatatutupa milele’ na hiyo ikawafanya  wawe wanaishi Maisha ya uvuguvugu.

Lakini hapa Yohana anatokea kutoka nyikani akiwaambia…. ‘enyi kizazi cha nyoka’…kumbuka wao wanajijua kuwa ni kizazi cha Ibrahimu, lakini Yohana anawaambia hapa ‘enyi kizazi cha nyoka’…Na wakati huo ilikuwa inajulikana na watu wote hata Yohana mwenyewe mbatizaji alikuwa anajua kuwa ‘ailaaniye Israeli amelaaniwa’…Kwasababu Mungu alimwambia Ibrahimu akulaaniye amelaaniwa, na akubarikiye amebarikiwa (Mwanzo 12:3)…Hivyo kuwaita ‘wana wa Israeli, uzao mteule wa Mungu kuwa ni uzao wa Nyoka ni kama kuilaani Israeli’.

Lakini Yohana hakuishia hapo, aliendelea kuwaambia…’msiseme mioyoni mwenu kuwa tunaye baba ndiye Ibrahimu.. kwa maana nawaambia ya kwamba katika mawe haya Mungu aweza kumwinulia Ibrahimu Watoto’’….

Yaani kwa lugha nyepesi hiyo sentensi ili ieleweke tunaweza kuiweka hivi; ‘Enyi wazao wa nyoka msijidhanie kuwa ni nyie tu ndio watu pekee wa Mungu na kwamba Mungu hawezi kuwa na watu wengine zaidi yenu…msifikiri hivyo hata kidogo…kwamaana hata kutoka kwenye vitu vinavyodharaulika visivyokuwa na uhai kama haya mawe Mungu anaweza kuwanyanyua watu wake wengine wa ahadi wanaompendeza’’.

Na kama ni msomaji mzuri wa Biblia utakuja kuona kuwa hayo mawe Yohana aliyokuwa anayazungumzia hapo ni sisi watu wa mataifa..Baada ya wayahudi (yaani waisraeli) kuikataa Neema iliyoletwa na Bwana wetu Yesu Kristo, Na kuyakataa maonyo haya ya Yohana Mbatizaji…Neema hiyo ilitoka kwao na kuhamia kwetu sisi watu wa mataifa…Sisi ndio hayo mawe tuliounuliwa kuwa Watoto wa Ibrahimu.

Matendo 13:46 ‘’Paulo na Barnaba wakanena kwa ushujaa wakasema, Ilikuwa lazima neno la Mungu linenwe kwenu kwanza[yaani kwa waisraeli]; lakini kwa kuwa mnalisukumia mbali, na kujiona nafsi zenu kuwa hamkustahili uzima wa milele, angalieni, twawageukia Mataifa.

47 Kwa sababu ndivyo tulivyoamriwa na Bwana, Nimekuweka uwe nuru ya Mataifa, Upate kuwa wokovu hata mwisho wa dunia.

48 Mataifa waliposikia hayo wakafurahi, wakalitukuza neno la Bwana, nao waliokuwa wamekusudiwa uzima wa milele wakaamini’’.

Kwahiyo Kazi moja wapo Yohana Mbatizaji aliyokuja kuifanya ni ‘kuondoa mawazo potofu’ katikati ya wayahudi kuwa wao ni watu bora kuliko wote…Na kwamba Mungu hawezi kuwaacha kwa namna yoyote ile…Hivyo hata wakiendelea na Maisha yao machafu, Mungu atakuwa nao tu milele!! Kwasababu ni Waisraeli tu, Taifa la Mungu, uzao wa Ibrahimu…

Lakini Yohana akawaambia kwa uweza wa Roho, kuwa wasipozaa matunda yapatanayo na Toba zao…watakatwa (maana yake Mungu atawaacha na kuigeuzia Neema yake kwa watu wengine).Na wenyewe wataachwa ukiwa..Lakini hawakutaka kusikia na yakawakuta yaliyotabiriwa.

Kadhalika Neema imekuja kwetu sisi, Ujumbe ni ule ule kwetu pia..Tusijidhanie kuwa kwasababu Neema ipo, kwasababu tuna damu ya Yesu, na kwamba tunaweza kuomba toba wakati wowote na kupata msamaha..basi tukabweteka na kutokuzaa matunda yapatanayo na Toba! Na sisi pia tutakatwa na kutupwa motoni. Kama Mungu hakuwahurumia watu wake Israeli, unadhani sisi tutasalimikaje?

Warumi 11:19 “Basi utasema, Matawi yale yalikatwa kusudi ili nipandikizwe mimi.

20 Vema. Yalikatwa kwa kutokuamini kwao, na wewe wasimama kwa imani yako. Usijivune, bali uogope.

21 Kwa maana ikiwa Mungu hakuyaachia matawi ya asili, wala hatakuachia wewe.”

SASA MATUNDA YAPATANAYO NA TOBA NI YAPI?.

Kumbuka hapa Yohana hakuwaambia wayahudi, watubui dhambi zao….hapana bali aliwaambia wazae matunda yapatanayo na toba zao…Ikiwa na maana kuwa Walishatubu! Lakini walikuwa hawazai matunda yapatanayo na toba zao….Siku zote baada ya toba..hatua inayofuata ni kutenda na kuishi kulingana na ulichokitubia…Kama Mtu alikuwa ni mwasherati anatubia kwanza uasherati wake, na akiisha kutubu anaizalia matunda ile Toba…Yaana anaanza kuishi Maisha ya usafi na anaacha uasherati kabisa, sio anatubu leo baada ya siku mbili anatenda tena ile dhambi, halafu anatubu tena na kufanya tena.. kama anacheza danadana..Hapana! hapo huzai matunda yoyote ndugu..Yohana alichowaambia kama sauti ya mtu aliaye nyikani ni kwamba ‘watu wazae matunda yapatanayo na Toba, au waishi Maisha yanayoendana na walichokitubia’…Hivyo ndicho alichokuwa anakisisitiza Yohana.

Watu wengi hawapendi kuambiwa ukweli lakini ukweli ni kwamba, Ukitubu halafu hujakusudia kuacha kile ulichokitubia..hapo ni unamkufuru Mungu!…Na unapokwenda kushiriki Meza ya Bwana, au kubatizwa na huku ndani ya moyo wake hujakusudia kuacha dhambi…ni bora usifanye hivyo tena, au usiende kubatizwa kabisa…kwasababu utakuwa unakwenda kujitafutia laana badala ya baraka.

Usijaribu kabisa kushiriki meza ya Bwana, kama hujakusudia kuacha dhambi zako, kama bado ni mwasherati, au mlevi, au mtazamaji wa pornography au mtukanaji.. kuna hatari kubwa sana…hata wakati mwingine ya kupoteza Maisha….Chagua kuwa baridi kabisa au moto ogopa uvuguvugu.

1 Wakoritho 11:22 ‘ Maana kila mwulapo mkate huu na kukinywea kikombe hiki, mwaitangaza mauti ya Bwana hata ajapo.

27 Basi kila aulaye mkate huo, au kukinywea kikombe hicho cha Bwana isivyostahili, atakuwa amejipatia hatia ya mwili na damu ya Bwana.

28 Lakini mtu ajihoji mwenyewe, na hivyo aule mkate, na kukinywea kikombe.

29 Maana alaye na kunywa, hula na kunywa hukumu ya nafsi yake, kwa kutokuupambanua ule mwili.

30 Kwa sababu hiyo wako wengi kwenu walio hawawezi na dhaifu, na watu kadha wa kadha wamelala.

31 Lakini kama tungejipambanua nafsi zetu, tusingehukumiwa.”

Wala usijihusishe na maagizo yoyote ya Bwana Yesu kama kuhubiri, kubatiza, kubatizwa, kushiriki kwenye vikundi vya maombi ya ndani, kutawadha au kutawadhwa miguu n.k kama hujakusudia kuacha dhambi….sisemi kutubu peke yake!! Bali Nazungumzia KUACHA! Au kwa lugha ya kibiblia KUZAA MATUNDA YAPATANAYO NA TOBA YAKO! Kama Yohana alivyozungumza kwa uweza wa Roho.

Je! Unazaa hayo matunda leo?…Tangu usikie kuwa uasherati ni dhambi, umetubu mara ngapi dhambi hiyo lakini bado unaendelea kuifanya?..tangu usikie kuwa ulevi, utazamaji wa pornography, utukanaji, ulaji rushwa, usengenyaji, wizi, usagaji, ushoga, uchawi, ulawiti, ufanyaji masturbation ni dhambi lakini bado unaendelea kufanya?…Yohana aliwaita watu hao kuwa ni KIZAZI CHA NYOKA! Ingawa wao walijiona kuwa ni uzao wa Ibrahimu..Bwana Yesu aliwaita kuwa ni kizazi cha Nyoka ingawa walijitetea kwake kuwa ni uzao wa Ibrahimu…Wao walijihesabia haki lakini mbele za Mungu walionekana wamestahili kwenda jehanamu ya moto.

Ndugu unapoambiwa ukweli sio kwamba unahukumiwa..Yohana alipowaita wayahudi uzao wa nyoka sio kwamba aliwalaani au kuwahukumu…hapana alijua kabisa lile andiko linalosema (amlaaniye Israeli naye amelaaniwa) bali aliwaambia ukweli kwa lengo la wao kutubu kutubu sio kwa lengo la kuwashutumu au kuwahukumu….kwasababu ndivyo walivyokuwa wanaonekana mbele za Mungu…Kadhalika leo unapousikia ukweli usikimbilie kufikiria kuwa unahukumiwa …bali ufikirie kugeuza njia zako na kufurahia umeambiwa ukweli.

Biblia inatuonya tuzae matunda yapatanayo na Toba! Hilo ndio Neno la Leo.

Ikiwa hujampa Bwana Maisha yako, hujachelewa kabisa…ingawa umechelewa!! Hivi sasa bado unyakuo hujapita, lakini kipindi sio wakati mrefu kuanzia sasa utatokea, na mambo mabaya yataikumba dunia nzima… hivyo hapo ulipo tenga dakika chache, peke yako tubu dhambi zako zote na kisha baada ya kutubu dhamiria kuacha yote uliyoyatubia…unakuwa hufanyi tena hizo dhambi hata iweje..unaziacha kuanzia leo na kuendelea! shetani asikudanganye kuwa huwezi…unaweza! Hivyo kusudia kuzaa matunda yapatanayo na ulichokitubia..Na baada ya hapo nenda katafute ubatizo sahihi wa kuzamishwa katika maji mengi na kwa jina la BWANA YESU KRISTO (Matendo 2:38) kwaajili ya ondoleo la dhambi zako. Na Bwana mwenyewe atafanya yaliyosalia..kukupa wewe Roho Wake Mtakatifu atakayekusaidia kushinda dhambi, na kuyaelewa maandiko, na kukulinda mpaka siku ya unyakuo itakapofika ili uwende naye mawinguni.

Bwana akubariki sana kwa kudhamiria kwako kumfuata Mungu. Pia unaweza ukapata mafundisho haya Kwa njia ya Whatsapp yako, jiunge na channel yetu Kwa kubofya hapa >> WHATSAPP

Mada Zinazoendana:

UZAO WA NYOKA NI UPI?

UBATIZO SAHIHI NI UPI?

TUNAMHITAJI SANA ROHO MTAKATIFU KATIKA KUYAELEWA MAANDIKO.

SAMEHE KUTOKA NDANI YA MOYO WAKO

NITASHINDAJE HALI YA KUUMIZWA NA MANENO YA WATU!

Rudi Nyumbani

Print this post

Shalom mpendwa wa Bwana, karibu katika kuyafakari maandiko matakatifu, Na leo tutajifunza somo ambalo tunaweza kuliona nyuma wa wana wa Israeli kukaa Babeli miaka 70, Ni kwanini Mungu aliamua kuweka bayana kuwa watakaa utumwani miaka ile 70 , na kuwaambia kuwa wakifika kule kama ni kuzaa waendelee kuzaa watoto, wawaoze binti zao, wapende bustani, wajenge, n.k….yaani kwa ufupi tunaona Mungu hakuwa na haja ya Dua zao za kuomba warudishwe katika nchi ya Israeli kwa wakati ule, utaona hakuwashauri hata waishi kama wapitaji kule Babeli watakapofika, badala yake aliwaambia waendelee na shughuli zao za kawaida kama tu vile walivyokuwa wanaishi Israeli.. Ukisoma Yeremia 29 yote utaliona hilo.

Lakini ukweli ni kwamba hata ingekuwa ni wewe leo hii yamekukuta mambo kama hayo , mtu kaja kuiua familia yako yote, na ukoo wako wote halafu anakuchukua mateka kukupeleka nchi ya mbali na kukwambia baada ya miaka 70 nitakurudisha nchini mwako, kwahiyo ukifika kule wewe jenga, panda , uishi maisha ya furaha, JE! Ni kweli utakuwa na Furaha hiyo nchi ya ugenini unayoiendea ambayo huijui hata ikoje, wala hujui utakutana na watu wa aina gani huko?, Ni wazi kuwa Mawazo yako kila siku yatakuwa nyumbani,katika majozi ukitumaini siku yoyote utarudi lakini sio baada ya miaka 70.

Hiyo ndio hali iliyowakuta wana wa Israeli, Walipomkosea Mungu, kupita kiasi, mpaka Mungu kukata tamaa juu yao, Mungu alimruhusu Nebukadneza mfalme wa Babeli, aje kuwachukua utumwani, Hivyo lile kundi la kwanza lililoenda utumwani, lilipokuwa kule lilitamani sana lirudi nyumbani Israeli, mpaka kukatokea manabii wa uongo wakawa wanawadanganya kwa kuwafariji kuwa watakaa kule miaka 2 tu kisha Mungu atawarudisha nchi yao tena, lakini Mungu alizungumza nao kwa kinywa cha Nabii Yeremia na kuwaambia kuwa watakaa utumwani kwa muda wa miaka 70 mizima haitapungua wala haitaongezeka, na hivyo wasijitaabishe hata kidogo kufikiri hiyo itakuwa ni habari ya hivi karibuni, kikubwa tu waendelee kuoa, wapande na wajenge, wawatikie na mema hao maadui zao, siku zote watakazokuwa huko. na ndiyo tunasoma iliyompelekea hata Nabii Yeremia kupitia matatizo makubwa namna ile hata kufikia hatua ya kutaka kuuliwa na wayahudi, kwa taarifa mbaya alizokuwa anazileta, kwasababu Iko wazi kuwa hakuna mtu anayependa kufia utumwani,

Ni habari za kukatisha tamaa sana kwa namna moja au nyingine,wakikumbuka utumwa ule wa Misri jinsi walivyoteswa ndio wanaokwenda kukutana nao tena, kufanyishwa kazi ngumu,kutumikishwa, kuchapwa.Lakini tunasoma pamoja na hayo kuna maneno Mungu alizungumza nao kwa kinywa cha Yeremia..Na maneno yenyewe ndio haya:

Yeremia 29:11 “Maana nayajua mawazo ninayowawazia ninyi, asema Bwana, ni mawazo ya amani wala si ya mabaya, kuwapa ninyi tumaini siku zenu za mwisho”.

Wengi wetu tunasoma huu mstari lakini hatujui ni kwanini Mungu alizungumza maneno hayo…Maneno hayo Mungu aliwaambia wana wa Israeli wakati wanachukuliwa utumwani, Babeli.

Kwa kweli ni maneno ya faraja ambayo hata sisi mstari huu tunapenda kuutumia tunapopitia matatizo. Lakini habari yao inatufundisha nini?.Ndugu wana wa Israeli wanafananishwa na watoto wa Mungu sasa, yaani wale waliomwamini Kristo na baadaye wakarudi nyuma, wale walioujua ukweli wakaupinga..wale ambao Mungu amekuwa akiwaonya mara nyingi waache njia zao mbaya kwa mahubiri wanayosikia kila siku, lakini hawakusikia, mpaka imefikia hatua wamezama katika matatizo makubwa ambayo hawajui watatokaje, wengine wamezama kwenye uzinzi na sasa wamepata ukimwi, na leo hii kweli umetubu na kuacha uzinzi kabisa unataka Mungu akuponye, nataka nikuambie, kila mtu atavuna alichopanda, umemwomba Mungu akuponye lakini huoni mabadiliko yoyote, kesi yako wewe ni sawa na hii ya wana wa Israeli.

Hivyo nataka leo nikuambie kulingana na maandiko wala usihuzunike kujikuta umekaa katika hiyo hali kwa muda mrefu sana.. kama yalivyowakuta wana wa Israeli kwa makosa yao, ndivyo yalivyokukuta na wewe. Wao walikaa miaka 70 lakini siku moja walitoka….Na wewe usisahau Neno hili kuwa.. Mungu anayajua mawazo anayokuwazia wewe, ni mawazo ya amani wala sio mabaya kukupa tumaini siku zako za mwisho.

Umekuwa mwizi au mbakaji na sasa umefungwa, ni kweli umeshatubu kabisa kwa kudhamiria kuacha, umekuwa mtoto mzuri wa Mungu, huibi tena wala huna nia za Yule adui tena moyoni mwako…lakini unajiuliza ni kwanini mpaka sasa bado upo kifungoni Mungu hakutoi huko?, nataka nikuambie, kusamehewa ni kitu kingine, na kufutiwa adhabu ni jambo lingine, cha msingi ukijikuta katika hali kama hiyo, wewe kuwa tu mtulivu kuwa mtu mwema huko gerezani, mtumikie Mungu wako kwa uaminifu wote, ifanye kazi ya Mungu huko huko uliko, fanya shuhuli zote zinazokuja mbele yako, kana kwamba vile hutoki leo wala kesho, kwa kuwa Mungu anayajua mawazo anayokuwazia wewe ni kukupa tumaini katika siku zako za mwisho.

Sasa kumbuka wana wa Israeli walipofika Babeli japo walitubu na kulikuwa na watu wa Mungu wengi tu mfano wa Ezekieli, na akina Danieli, lakini hakuwaacha wateseke kama kwa utumwa ule wa Misri, aliwanyanyulia watu hodari na wenye hekima kama Danieli, Meshaki, Shedraki na Abednego, na kuwaweka katika jumba la kifalme mbele ya Nebukadreza, na kwa kupitia hao Mfalme aliwapa heshima wayahudi wote waliokuwa Babeli pamoja na Mungu wao , wamwabudu kwa uhuru na amani, waliishi kweli utumwani lakini hawakuwa kama watumwa muda wote waliokuwepo kule, ni kama vile Yusufu na ndugu zake, japo wote walikuwa utumwani lakini waliishi vizuri zaidi hata wa Wamisri waliokuwa kule ndivyo ilivyokuwa kwa wale waliokwenda Babeli.

Na baada ya ile miaka 70 ya adhabu kupita Mungu aliwafungulia mlango mkubwa wa kurudi katika nchi yao, lakini hawakurudi mikono mitupu walirudi pamoja na zawadi nyingi walizopewa kule Babeli, na hata wale waliosalia huko Babeli na kwenye nchi za mataifa kwa hiyari yao na wale ambao walikuwa wamesambaa duniani kote tunaona Mungu aliwanyanyulia tena watu kama Mordekai na Esta, kwenye viti vya enzi vya Uajemi, hawa nao waliwafanya wayahudi wapate heshima mara dufu duniani kote, waliogopeka na kuheshimiwa sana, japo walikuwa katika nchi za ugenini. Unaona jinsi mawazo ya Mungu yalivyokuwa mema juu yao mwisho wa siku, licha ya kutumikia adhabu lakini pia alipenyeza kusudi lake katika adhabu zao.

Hivyo na wewe ambaye ulimkosea Mungu na sasa umekutana na mabaya, mpaka sasa upo shimoni, na kwa bahati nzuri ulitubu dhambi zako, na uliziacha kabisa, ni wazi kuwa Mungu alikusamehe siku ile ile ulipogeuza Nia yako na njia zako.., lakini bado unaona hujatoka katika hilo shimo ulilozama, iadha la magonjwa, au vifungo, au shida, au taabu, nataka nikuambie usivunjike moyo, endelea kumtumikia Mungu katika hali uliyopo, haijalishi itakuchukua wiki, au mwezi au miaka mpaka kufunguliwa kabisa, lakini wewe endelea kumtumikia katika hali uliyopo na yeye atakubariki atakuongeza atakufundisha , atakuzidisha huko ulipo, na wakati wake ukifika atakufungua moja kwa moja..shetani asikudanganye kuwa Mungu amekuacha, au anakuchukia. Kutumikia adhabu haimaanishi kuwa Mungu hakupendi..

Isaya 44: 21 “Kumbuka haya, Ee Yakobo; nawe Israeli, maana wewe u mtumishi wangu; nimekuumba; u mtumishi wangu; Ee Israeli, hutasahauliwa na mimi”.

Mithali 3:11 “Mwanangu, usidharau kuadhibiwa na Bwana, Wala usione ni taabu kurudiwa naye”.

Na pia kama hujatubu dhambi zako ukihofia kwamba Mungu hatakusamehe…Hiyo ni sauti ya Ibilisi inazungumza na wewe..inayotaka kukupeleka ukajinyonge kama Yuda! Mungu anataka utubu akusamehe dhambi zako zote bure kwasababu yeye ni mwenye rehema…Anataka utubu ukiwa kwenye hayo hayo madeni ya kupindukia, anataka utubu katika hali hiyo hiyo ya magonjwa na vifungo, katika hali hiyo hiyo ya ushirikina na uchawi uliyopo, katika hali hiyo hiyo ya uuaji na utapeli uliyopo, katika hali hiyo hiyo ya ukahaba na usagaji.Tubu leo naye atakusamehe! Na kukubadilisha kwa maana anakuwazia mawazo mema sana huko mbeleni, kukupa wewe tumaini.

Mwisho kabisa nataka umalizie kwa kuyatafakari maneno haya:

Zaburi 103: 11 “Maana mbingu zilivyoinuka juu ya nchi, Kadiri ile ile rehema zake ni kuu kwa wamchao.

12 Kama mashariki ilivyo mbali na magharibi, Ndivyo alivyoweka dhambi zetu mbali nasi.

13 Kama vile baba awahurumiavyo watoto wake, Ndivyo Bwana anavyowahurumia wamchao.

14 Kwa maana Yeye anatujua umbo letu, Na kukumbuka ya kuwa sisi tu mavumbi.

15 Mwanadamu siku zake zi kama majani; Kama ua la kondeni ndivyo asitawivyo.

16 Maana upepo hupita juu yake, kumbe haliko! Na mahali pake hapatalijua tena.

17 Bali fadhili za Bwana zina wamchao Tangu milele hata milele, Na haki yake ina wana wa wana;

18 Maana, wale walishikao agano lake, Na kuyakumbuka maagizo yake ili wayafanye”.

Ubarikiwe.

Tafadhali “share” ujumbe huu kwa wengine na utakuwa umefanya kazi ya kuipelekea injili mbele.jiunge na channel yetu Kwa kubofya hapa >> WHATSAPP

Print this post

Yohana 2:13 ‘’Na Pasaka ya Wayahudi ilikuwa karibu; naye Yesu akakwea mpaka Yerusalemu.

14 Akaona pale hekaluni watu waliokuwa wakiuza ng’ombe na kondoo na njiwa, na wenye kuvunja fedha wameketi.

15 Akafanya kikoto cha kambaa, akawatoa wote katika hekalu, na kondoo na ng’ombe; akamwaga fedha za wenye kuvunja fedha, akazipindua meza zao;

16 akawaambia wale waliokuwa wakiuza njiwa, Yaondoeni haya; msiifanye nyumba ya Baba yangu kuwa nyumba ya biashara.

17 Wanafunzi wake wakakumbuka ya kuwa imeandikwa, Wivu wa nyumba yako utanila.

18 Basi Wayahudi wakajibu, wakamwambia, Ni ishara gani utuonyeshayo, kwamba unafanya haya? 19 Yesu akajibu, akawaambia, Livunjeni hekalu hili, nami katika siku tatu nitalisimamisha.

20 Basi Wayahudi wakasema, Hekalu hili lilijengwa katika muda wa miaka arobaini na sita, nawe utalisimamisha katika siku tatu?

21 Lakini yeye alinena habari za hekalu la mwili wake.

22 Basi alipofufuka katika wafu, wanafunzi wake wakakumbuka ya kuwa alisema hivi, wakaliamini lile andiko na lile neno alilolinena Yesu.’’

Tukisoma kisa hichi ni rahisi kuwahukumu Makuhani na Mafarisayo na Wayahudi kuwa walikuwa watu wasiofikiri…watu wanaoona miujiza lakini hawaamini…ni kweli kuna mambo ya kulaumiwa lakini si yote…. hebu leo kwa sehemu tuchunguze kama ni kweli walikuwa hawafikiri wakati wote..

Jaribu kuchukua mfano wewe ni mtumishi wa Serikali, labda unatumika kwenye shirika fulani la Umma..halafu siku moja anatokea mtu usiyemjua anaingia mahali mnapofanyia kazi na kuanza kuvuruga vuruga nyaraka na hati muhimu..huku anawapazia sauti na kuwaambia…msigeuze serikali ya Raisi wangu kuwa pango la mafisadi….na mnapojaribu kumzuia na kumwuliza yeye ni nani na nani kamtuma kufanya vile, anawajibu…jiuzuluni wote na mwachie ngazi leo na baada ya siku tatu nitalinyanyua hili shirika upya.

Unafikiri ni kitu gani..kitagonga kwenye akili…Moja kwa moja aidha utajua huyo mtu karukwa na akili..Na pili jambo litakalofuata ni kutafuta njia ya kwenda kumshitaki haraka…Kwasababu anakuja kuharibu kazi na kuzungumza vitu visivyoeleweka…eti atalinyanyua shirika ndani ya siku tatu!!…Shirika hili mpaka kulifikisha hapa tumetumia miaka Zaidi ya 20 wewe unataka kulinyanyua ndani ya siku tatu!..

Hebu fikiria huyo mtu hata akienda mahakamani atashindaje kesi?..kwasababu amesikiwa na watu wote kwa kinywa chake akisema atalinyanyua shirika kwa siku tatu.

Na ndivyo ilivyokuwa kwa Bwana Yesu mahali Fulani, alipowakuta wayahudi wanafanya biashara kule Hekaluni,aliwaambia wasigeuze nyumba ya Baba yake kuwa pango la wanyang’anyi lakini walipomuhoji kwa ishara gani unafanya haya? Akawaambia libomoeni hekalu hili na ndani ya siku tatu nitalisimamisha.

Sasa wayahudi walidhani wamemsikia vizuri na kumwelewa…kumbe hawajamwelewa ingawa wamemsikia,..ndio maana Neno linasema ‘kusikia mtasikia lakini hamtaelewa..Kutazama mtatazama lakini hamtaona (Mathayo 13:14)’…Walidhani hekalu litakalobomolewa na kusimamishwa ndani ya siku tatu ni hilo la mawe wanaloliona mbele yao..kumbe kulikuwa na hekalu lingine ambalo lilikuwa ni mwili wa Bwana Yesu.

Na waliendelea na huo upofu mpaka siku ya mwisho, pale walipomsulibisha

Walisema maneno haya:

Mathayo 27:40 ‘’Ewe mwenye kulivunja hekalu na kulijenga kwa siku tatu, jiokoe nafsi yako; ukiwa ndiwe Mwana wa Mungu, shuka msalabani’’.

Lakini tunaona waliokuja kumwelewa ni wanafanzi wake tu! Tena dakika za mwisho, Wale waliokuwa wanatembea naye kila siku. Ndio waliopewa neema ya kumwelewa Bwana Yesu alikuwa anamaanisha nini katika maneno yake. Sio kila mtu tu alikuwa anamwelewa Bwana Yesu.

Ndugu huo upofu mpaka leo upo! Unaendelea kwa watu wengi wasio wanafunzi wa Yesu Kristo..Bwana hana wanafunzi 12..alianza na wanafunzi 12, lakini sasa anao wanafunzi wengi…Na hao ndio anaowafunua macho ya kuyaelewa maneno yake…wengine walio nje maneno ya Yesu yatakuwa ni mafumbo kwao…wataona wanamwelewa sana Bwana Yesu lakini kumbe hawamwelewi..

Watadhani kwasababu Bwana aliyageuza maji kuwa divai basi alihalalisha unywaji wa pombe, lakini hawaelewi kuwa Pia kitendo cha Bwana kula na makahaba na wenye dhambi lengo lake halikuwa kuhalalalisha ukahaba wao wala dhambi zao…Alifanya vile ili kutafuta njia ya kuwavuta watubu kwa upendo wake….Na watu walipomwita kuwa mlevi haikumaanisha kuwa yeye kweli ni mlevi..wewe unaweza kuitwa mlevi na maadui zako lakini isiwe ni mlevi kweli…kadhalika walipomwita yeye ni mlafi haikumaanisha Bwana Yesu alikuwa ni mlafi kweli…

Alipomwita Herode Mbweha!..hakumaanisha kumtukana!!…ingekuwa ndio hivyo, basi yeye mwenyewe amejitukana sana…alipokuwa anajiita mwanakondoo?..au anapowafananisha watu wake na kondoo..kwa wale wafugaji wanaelewa ni afadhali mtu akuite mbwa kuliko kondoo.

Kadhalika aliposema mkawabatize watu wote kwa jina la Baba, na Mwana na Roho Mtakatifu hakumaanisha hivyo vyeo bali alimaanisha ni jina moja ambalo ndio la Baba, na ndio hilo hilo la Mwana na ndio hilo hilo la Roho Mtakatifu na hilo sio lingine Zaidi ya Jina la YESU (Matendo 2:38).

Na aliposema…’’aulaye mwili wangu na kuinywa damu yangu anao uzima wa milele’’..hakumaanisha tukamkamate na kumchinjwa na kunywa damu yake kama simba…bali alimaanisha kuula katika roho na kuinywa damu yake katika roho..Na chakula cha Roho zetu ni Maneno tunayosikia…Yakiwa ni Maneno ya Mungu, basi ni chakula bora cha uzima wa milele, na yakiwa maneno ya yule mwovu basi ni chakula kisichofaa cha mauti.

Kwahiyo Biblia inatufundisha tuwe na masikio yanayosikia, na macho yanayoona..ili kwamba tunaposoma Biblia tuielewe…Na hayo tutayapata kwa kuwa wanafunzi wa Yesu tu!..kwasababu hao ndio Bwana alikuwa anawapa kuelewa maneno yake…

Na vigezo vya kuwa mwanafunzi ni hivi..

Luka 14:25 ‘’Makutano mengi walipokuwa wakifuatana naye, aligeuka, akawaambia,

26 Kama mtu akija kwangu naye hamchukii baba yake, na mama yake, na mke wake, na wanawe, na ndugu zake waume na wake; naam, na hata nafsi yake mwenyewe, hawezi kuwa mwanafunzi wangu.

27 MTU YE YOTE ASIYEUCHUKUA MSALABA WAKE NA KUJA NYUMA YANGU, hawezi kuwa mwanafunzi wangu.

28 Maana ni nani katika ninyi, kama akitaka kujenga mnara, asiyeketi kwanza na kuhesabu gharama, kwamba anavyo vya kuumalizia?

29 Asije akashindwa kuumaliza baada ya kuupiga msingi, watu wote waonao wakaanza kumdhihaki,

30 wakisema, Mtu huyu alianza kujenga, akawa hana nguvu za kumaliza.

31 Au kuna mfalme gani, akitaka kwenda kupigana na mfalme mwingine, asiyeketi kwanza na kufanya shauri, kwamba yeye pamoja na watu elfu kumi ataweza kukutana na yule anayekuja juu yake na watu elfu ishirini?

32 Na kama akiona hawezi, hutuma ujumbe kutaka sharti za amani, mtu yule akali mbali.

33 Basi, kadhalika kila mmoja wenu asiyeacha vyote alivyo navyo, hawezi kuwa mwanafunzi wangu’’.

Je! Umeuchukua msalaba wako?..je! umewachukia ndugu zako, baba yako na mama yako?…kuchukia kunakozungumziwa hapo sio kuchukia mtu kwa hasira au chuki ya moyo…hapana! Bali ni kitendo cha kuyakataa na kuyachukia maamuzi ya wazazi wako au ndugu zako yanayopingana na mapenzi ya Mungu kwako, na kuamua kuyafuata yale mapenzi ya Mungu tu!..Huko ndio kuwachukia kunakozungumziwa hapo juu!!…kama baba yako ni mlevi na anakutaka na wewe uwe kama yeye…hapo unayachukia hayo maamuzi na kusema hapana!..kama ni msengenyaji hivyo hivyo..kama ni mlarushwa na wewe anataka uwe kama yeye unasema No! kama ni mchawi au Mwenda kwa waganga..na anataka kukufundisha na wewe uwe kama yeye..hapo unasema hapana! N.k. 

Na pia ili uwe mwanafunzi biblia inasema unapiga gharama!! Ukristo sio jambo la kujaribu na kutoka! Biblia inasema utachekwa….Ukiamua kumfuata Bwana Yesu, hesabu kuwa kuna kuonekana mpumbavu, kuonekana mshamba…wakati mwingine kuonekana umerukwa na akili…Na pia ukristo sio mteremko muda wote…piga hesabu kuwa kuna wakati Bwana anaweza kukuacha kwa kipindi Fulani kirefu pasipo kuzungumza na wewe kwa njia unayotaka! Je! Utaendelea kuwa naye!…utakapopitia shida, dhiki na wakati mwingine misiba utamwacha?

Pia piga gharama! Je asipokupa vile vitu unavyohitaji! Utaendelea kuwa naye?.

Na mwisho anasema ‘mtu yeyote asiyeacha vyote alivyo navyo hawezi kuwa mwanafunzi wangu’..Kuacha vyote ulivyonavyo ni mfano wa wakina Petro…waliacha vyote walivyo navyo na kumfuata Bwana…Kuacha vyote ulivyo navyo sio lazima kwenda kuuza mali zako au hazina yako…bali ni kuishi kana kwamba hivyo vitu sio vya kwako…kiasi kwamba hata ikitokea kimepotea hakipo kwenye akili yako…umeshakiacha siku nyingi…akili yako imetawaliwa na kutenda mapenzi ya Mungu na kuyaishi…hakina chochote katika moyo wako…kiwepo au kisiwepo vyote kwako ni sawa sawa tu.

Ukishapiga hizo gharama, na kujitwika msalaba wako, biblia inasema umekuwa mwanafunzi wake…ambao wamepewa Neema ya kuzijua siri za ufalme wa mbinguni…

Hivyo kama hujampa Kristo Yesu Maisha yako, ni vizuri ukafanya hivyo leo… Na ili uwe mwanafunzi wake piga gharama za kumfuata…na Bwana akusaidie katika hilo.

Mungu akubariki sana. jiunge na channel yetu Kwa kubofya hapa >> WHATSAPP

Mada Zinazoendana:

JIANGALIENI BASI JINSI MSIKIAVYO;

SAUTI AU NGURUMO?

IELEWE SAUTI YA MUNGU.

INJILI KULINGANA NA TEKNOLOJIA

Rudi Nyumbani

Print this post