Adamu alikuwa na watoto wangapi?

Adamu alikuwa na watoto wangapi?

Biblia inasema katika kitabu cha Mwanzo.

Mwanzo 4:1 Adamu akamjua Hawa mkewe; naye akapata mimba, akamzaa Kaini, akasema, Nimepata mtoto mwanamume kwa Bwana.

2 Akaongeza akamzaa ndugu yake, Habili. Habili alikuwa mchunga kondoo, na Kaini alikuwa mkulima ardhi”

Mtoto mwingine aliyezaliwa na Adamu na Hawa alikuwa ni Sethi.

Mwanzo 5:1 “Hiki ndicho kitabu cha vizazi vya Adamu. Siku ile Mungu alipoumba mtu, kwa sura ya Mungu alimfanya;

2 mwanamume na mwanamke aliwaumba, akawabariki akawaita jina lao Adamu, siku ile walipoumbwa.

3 Adamu akaishi miaka mia na thelathini, akazaa mwana kwa sura yake, kwa mfano wake, akamwita jina lake Sethi”

Lakini pia Biblia haiishi hapo, inasema Adamu alizaa watoto wengine wakiume na wakike baada ya kumzaa Sethi.

Mwanzo 5:4 “Siku za Adamu baada ya kumzaa Sethi zilikuwa miaka mia nane, akazaa wana, waume na wake”.

Na hao watoto wakike waliozaliwa ndio waliokuja kuwa wake wa hao watoto wengine wa kiume wa Adamu.

Hivyo Biblia  haitoi idadi kamili ya watoto wa Adamu, pengine walikuwa 5 au 10 au 20 au 30, hatujui lakini zaidi ya Sethi, walikuwapo pia watoto wengine wa Adamu ambao habari zao hazikuandikwa katika biblia.

ADAMU ALIISHI MIAKA MINGAPI?

Jibu tunalipata katika Mstari wa 5

Mwanzo 5:5 “Siku zote za Adamu alizoishi ni miaka mia kenda na thelathini, naye akafa.”

Kwahiyo siku zote za Adamu ilikuwa ni miaka 980, akafa


Mada Nyinginezo:

JE! ADAMU ALIWASALIANA NA MUNGU KWA LUGHA IPI PALE BUSTANINI?

UZAO WA NYOKA NI UPI?.

MTI WA UZIMA NA MTI WA MAARIFA NI UPI?.


Rudi Nyumbani:

Print this post

About the author

Admin administrator

Subscribe
Notify of
guest
1 Comment
Newest
Oldest Most Voted
Inline Feedbacks
View all comments
Elisha lukasi
Elisha lukasi
9 months ago

Adamu baada ya kumzaa kain,abeli na sethi baadaye alizaa watoto 65 jumla wote walikuwa 68 salathini na 38 wakike 30 wakiume haya ndio majibu kamili.