NENO LA FARAJA KWA WAFIWA: Mistari ya Biblia ya Kutia Moyo

Kumpoteza mtu tunayempenda ni moja ya maumivu makubwa ambayo mwanadamu anaweza kuyapitia. Hata tunapokuwa na imani katika Kristo, bado mioyo yetu inaweza kuumia, na machozi yanaweza kutiririka kwa sababu ya kutengana na wapendwa wetu. Hata Yesu mwenyewe alilia alipofika kwenye kaburi la Lazaro (Yohana 11:35).

Hivyo, usijilaumu kwa sababu ya huzuni uliyonayo. Kuomboleza si ishara ya kukosa imani, bali ni sehemu ya maisha ya mwanadamu. Lakini tunapokuwa katika huzuni, tunayo tumaini lililo hai katika Yesu Kristo. Neno la Mungu linatukumbusha kwamba Bwana yu karibu nao waliovunjika moyo (Zaburi 34:18), na kwamba siku moja atafuta kila chozi katika macho yetu, wala mauti haitakuwapo tena (Ufunuo 21:4).

Mpendwa, ikiwa umepoteza mzazi, mwenzi wa ndoa, mtoto, ndugu, rafiki au mtu mwingine uliyempenda, Mungu anaona maumivu yako. Mkabidhi huzuni yako, umtegemee katika kipindi hiki kigumu, na ushikilie tumaini lililo katika Kristo. Yafuatayo ni baadhi ya maandiko ya Biblia yanayoweza kukutia moyo na kukufariji katika wakati huu wa maombolezo.

Isaya 41:10

“usiogope, kwa maana mimi ni pamoja nawe; usifadhaike, kwa maana mimi ni Mungu wako; nitakutia nguvu, naam, nitakusaidia, naam, nitakushika kwa mkono wa kuume wa haki yangu”

Yoshua 1:9

“Je! Si mimi niliyekuamuru? Uwe hodari na moyo wa ushujaa; usiogope wala usifadhaike; kwa kuwa Bwana, Mungu wako, yu pamoja nawe kila uendako”.

Yohana 14:1–3

“1 Msifadhaike mioyoni mwenu; mnamwamini Mungu, niaminini na mimi. 2 Nyumbani mwa Baba yangu mna makao mengi; kama sivyo, ningaliwaambia; maana naenda kuwaandalia mahali. 3 Basi mimi nikienda na kuwaandalia mahali, nitakuja tena niwakaribishe kwangu; ili nilipo mimi, nanyi mwepo.

Zaburi 23:4

Naam, nijapopita kati ya bonde la uvuli wa mauti, Sitaogopa mabaya; Kwa maana Wewe upo pamoja nami, Gongo lako na fimbo yako vyanifariji.

1 Wakorintho 15:51–57

51 Angalieni, nawaambia ninyi siri; hatutalala sote, lakini sote tutabadilika,

52 kwa dakika moja, kufumba na kufumbua, wakati wa parapanda ya mwisho; maana parapanda italia, na wafu watafufuliwa, wasiwe na uharibifu, nasi tutabadilika.

53 Maana sharti huu uharibikao uvae kutokuharibika, nao huu wa kufa uvae kutokufa.

54 Basi huu uharibikao utakapovaa kutokuharibika, na huu wa kufa utakapovaa kutokufa, hapo ndipo litakapokuwa lile neno lililoandikwa, Mauti imemezwa kwa kushinda.

55 Ku wapi, Ewe mauti, kushinda kwako? U wapi, Ewe mauti, uchungu wako?

56 Uchungu wa mauti ni dhambi, na nguvu za dhambi ni torati.

57 Lakini Mungu na ashukuriwe atupaye kushinda kwa Bwana wetu Yesu Kristo.

Zaburi 46:1

Mungu kwetu sisi ni kimbilio na nguvu, Msaada utakaoonekana tele wakati wa mateso.

Yakobo 1:2

“Ndugu zangu, hesabuni ya kuwa ni furaha tupu, mkiangukia katika majaribu mbalimbali;

3  mkifahamu ya kuwa kujaribiwa kwa imani yenu huleta saburi”

Yohana 16:22

“Basi ninyi hivi sasa mna huzuni; lakini mimi nitawaona tena; na mioyo yenu itafurahi, na furaha yenu hakuna awaondoleaye”.

Mathayo 5:4

“Heri wenye huzuni; Maana hao watafarijika”

Zaburi 34:18

“Bwana yu karibu nao waliovunjika moyo, Na waliopondeka roho huwaokoa”.

Zaburi 116:15

“Ina thamani machoni pa Bwana Mauti ya wacha Mungu wake”

Zaburi 73:26

“Mwili wangu na moyo wangu hupunguka, Bali Mungu ni mwamba wa moyo wangu Na sehemu yangu milele”

Warumi 8:18

“Kwa maana nayahesabu mateso ya wakati huu wa sasa kuwa si kitu kama utukufu ule utakaofunuliwa kwetu”

Ufunuo 21:4

“Naye atafuta kila chozi katika macho yao, wala mauti haitakuwapo tena; wala maombolezo, wala kilio, wala maumivu hayatakuwapo tena; kwa kuwa mambo ya kwanza yamekwisha kupita”

2Wakorintho 1:3

Na ahimidiwe Mungu, Baba wa Bwana wetu Yesu Kristo, Baba wa rehema, Mungu wa faraja yote;
4 atufarijiye katika dhiki zetu zote ili nasi tupate kuwafariji wale walio katika dhiki za namna zote, kwa faraja hizo, tunazofarijiwa na Mungu.

Yohana 11:25

Yesu akamwambia, Mimi ndimi huo ufufuo, na uzima. Yeye aniaminiye mimi, ajapokufa, atakuwa anaishi;
26 naye kila aishiye na kuniamini hatakufa kabisa hata milele. Je! Unayasadiki hayo?

1 Wathesalonike 4:13

Lakini, ndugu, hatutaki msijue habari zao waliolala mauti, msije mkahuzunika kama na wengine wasio na matumaini.
14 Maana, ikiwa twaamini ya kwamba Yesu alikufa akafufuka, vivyo hivyo na hao waliolala katika Yesu, Mungu atawaleta pamoja naye.

Zaburi 147:3 

Huwaponya waliopondeka moyo, Na kuziganga jeraha zao

Bwana akubariki.

Pia kwa kupokea mafundisho ya kila siku kwa njia ya WHATSAPP, jiunge na channel yetu kwa kubofya link hii >> https://chat.whatsapp.com/L3ysoFZcz058XCX9oLvKL1?s=cl&p=a&mlu=4&ilr=4

Tafadhali shea na wengine ujumbe huu;

Pia Kwa maombezi/ Ushauri/ Maswali/ Whatsapp:
Tuandikie katika BOXI la Maoni hapo chini au
Piga namba hizi: +255789001312 au +255693036618

Mafundisho mengine:

MISTARI YA BIBLIA YA FARAJA.

Mistari ya biblia kuhusu maombi.

Je ni kweli Isaka alifarijika kwa kifo cha mamaye? (Mwanzo 24:67).

MAOMBI YA YABESI.

JE! MUNGU NI NANI?

Rudi nyumbani